ព័ត៌មានជាតិ
រដ្ឋាភិបាលស្នើដល់រដ្ឋាភិបាលអាល្លឺម៉ង់ជួយលើកកម្ពស់ឌីជីថលូបនីយកម្ម និងជំរុញការចាប់យកបច្ចេកវិទ្យា
លោកហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) បានស្នើដល់គណៈប្រតិភូអាល្លឺម៉ង់មកពីអង្គភាព German Senate Chancellery និងមូលនិធិ Konrad-Adenauer-Stiftung កម្ពស់ឌីជីថលូបនីយកម្ម និងជំរុញការចាប់យកបច្ចេកវិទ្យានៅក្នុងប្រទេសកម្ពុជា ខណៈវិស័យនេះកំពុងមានការរីកលូតលាស់សន្សឹមៗក្នុងរយៈពេលប៉ុន្មានឆ្នាំចុងក្រោយនេះ។

ការស្នើរបស់លោករដ្ឋមន្រ្តីធ្វើឡើងក្នុងជំនួបជាមួយស្ថានប័នទាំងពីរកាលពីថ្ងៃទី២០ ខែកុម្ភៈ ឆ្នាំ២០២៥ នៅទីស្តីការក្រសួង ដោយភាគីទាំងពីរបានពិភាក្សាអំពីបញ្ហាប្រឈមនៃឌីជីថលូបនីយកម្ម រួមទាំងព័ត៌មានមិនពិត ការឆបោកតាមប្រព័ន្ធអនឡាញ និងសុវត្ថិភាពបច្ចេកវិទ្យា ដែលតម្រូវឱ្យមានការគិតគូរពីក្រមសីលធម៌ និងយន្តការគ្រប់គ្រង។
លោករដ្ឋមន្ត្រីបានបន្ថែមថា៖ «ពិតណាស់ យើងត្រូវការប្រើប្រាស់បច្ចេកវិទ្យា ហើយជម្រើសរបស់យើងគឺចាំបាច់ត្រូវគ្រប់គ្រងបច្ចេកវិទ្យាឱ្យបម្រើជាគុណប្រយោជន៍។”
ដោយលោកហែម វណ្ណឌី បានប្រាប់ទៅកាន់គណៈប្រតិភូអំពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការធ្វើបរិវត្តកម្មឌីជីថល ដោយរំលេចពីកំណែទម្រង់របស់ក្រសួងក្នុងការធ្វើឌីជីថលូបនីយកម្មសេវាសាធារណៈ និងគាំទ្រសហគ្រាសធុនតូចនិងមធ្យម ឱ្យចាប់យកបច្ចេកវិទ្យាថ្មីៗ។
លោកបានមានប្រសាសន៍ថា៖ «ឌីជីថលូបនីយកម្មមិនមែនត្រឹមតែជាគោលដៅចុងក្រោយទេ ប៉ន្តែក៏ជាមធ្យោបាយដើម្បីសម្រេចគោលដៅអភិវឌ្ឍន៍របស់កម្ពុជាផងដែរ។ ទោះនៅមានបញ្ហាប្រឈម ឌីជីថលូបនីយកម្មគឺជាមូលដ្ឋានគ្រឹះនៃអនាគតរបស់សេដ្ឋកិច្ច និងសង្គម»។
លោកស្រី Martina Klement រដ្ឋលេខាធិការទទួលបន្ទុកឌីជីថលូបនីយកម្មនៃទីក្រុងប៊ែកឡាំង បានចែករំលែកបទពិសោធន៍របស់ទីក្រុងប៊ែកឡាំងក្នុងការដោះស្រាយបញ្ហាប្រឈម និងជំរុញឌីជីថលូបនីយ កម្ម។ អាឡឺម៉ង់ជាសង្គមឌីជីថលឈានមុខមួយលើពិភពលោក ដែលមានការចាប់យកបច្ចេកវិទ្យាយ៉ាងទូលំទូលាយ និងមានហេដ្ឋារចនាសម្ព័ន្ធឌីជីថលដ៏រឹងមាំ។

លោកស្រី Klement បានលើកឡើងថា៖« អាល្លឺម៉ង់កំពុងប្រឈមនឹងកំណើននៃប្រជាជនវ័យចំណាស់ ហើយត្រូវបានព្យាករណ៍ថា នឹងបាត់បង់បុគ្គលិករដ្ឋប្រមាណ ៣០% ត្រឹមនៅឆ្នាំ២០៣០។ ការប្រើប្រាស់ បច្ចេកវិទ្យាដូចជា AI និងដំណោះស្រាយឌីជីថលក្នុងការសម្រួលដំណើរការនៃស្ថាប័នរដ្ឋ និងកែលម្អសេវាសាធារណៈ គឺជាយុទ្ធសាស្ត្រដ៏សំខាន់មួយដើម្បីដោះស្រាយបញ្ហានេះ»។
ជាមួយគ្នានោះដែរ ភាគីទាំងពីរបានបង្ហាញការប្តេជ្ញាចិត្តក្នុងការពង្រឹងកិច្ចសហប្រតិបត្តិការ ផ្អែកលើអនុស្សរណៈយោគយល់ដែលមានស្រាប់ រវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងមូលនិធិ Konrad ៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ