ព័ត៌មានអន្ដរជាតិ

ថៃសម្លឹងកិច្ចព្រមព្រៀងពាណិជ្ជកម្មសេរីជាមួយប្រទេសឈូងសមុទ្រពែរ្ស

បានផុស

១ ខែ មុន

នៅ

ថ្ងៃសុក្រ ២១ កុម្ភៈ ២០២៥

ដោយ

ថៃកំពុងសម្លឹងមើលលើកិច្ចព្រមព្រៀងពាណិជ្ជកម្មសេរី (FTA) ជាមួយបណ្ដាប្រទេសនៅឈូងសមុទ្រពែរ្ស ដើម្បីជំរុញពាណិជ្ជកម្ម ទេសចរណ៍ និងការវិនិយោគ។ នេះបើតាមការចុះផ្សាយរបស់កាសែតបាងកកប៉ុស្តិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានតំណាងពាណិជ្ជកម្មថៃ លោកស្រី Nalinee Taveesin បានលើកឡើងថា បណ្តាប្រទេសឈូងសមុទ្រពែរ្សគឺជាទីផ្សារដ៏សំខាន់បំផុតរបស់ថៃនៅតំបន់មជ្ឈិមបូព៌ា។

កាលពីឆ្នាំមុន ពាណិជ្ជកម្មរវាងភាគីទាំង២ មានទំហំសរុបប្រហែល ៣៦ ប៊ីលានដុល្លារ។ លោកស្រី Nalinee បាននិយាយថា ពាណិជ្ជកម្មក្រៅប្រេង និងឧស្ម័នធម្មជាតិ បានកើនឡើងជិត ១០ ភាគរយ ហើយវានៅតែបន្តបង្ហាញពីនិន្នាការវិជ្ជមាន។

បើតាមបាងកកប៉ុស្តិ៍ លោកស្រី Nalinee បានជួបជាមួយអគ្គលេខាធិការនៃក្រុមប្រឹក្សាសហប្រតិបត្តិការឈូងសមុទ្រពែរ្ស (GCC) លោក Jasem Mohamed Albudaiwi កាលពីថ្ងៃពុធ ហើយភាគីទាំង ២ បានព្រមព្រៀងគ្នាថា ថៃ និង GCC គួរតែចែករំលែកទំនាក់ទំនងជិតស្និទ្ធលើគ្រប់ទិដ្ឋភាព និងផ្លាស់ប្តូរជំនាញគ្នា។

លោកស្រី Nalinee បានស្នើឱ្យប្រទេសថៃ និង GCC ផ្តោតលើកិច្ចសហប្រតិបត្តិការក្នុងវិស័យទេសចរណ៍ ជាពិសេសទេសចរណ៍សុខភាព សន្តិសុខស្បៀង និងថាមពលទន់ ដែលជាវិស័យជំនាញរបស់ថៃ។ ភាគីទាំង ២ បានពិភាក្សាអំពីកាលានុវត្តភាព និងដំណើរការចរចា FTA ជាពិសេសការបង្កើតអនុស្សរណៈយោគយល់គ្នា៕