ព័ត៌មានអន្ដរជាតិ
EU ចង់បង្កើនការនាំចូលឧស្ម័នអាមេរិកជំនួសរុស្ស៊ី ក្រោមសម្ពាធពន្ធ
មន្រ្តីរបស់សហភាពអឺរ៉ុប (EU) ទទួលបន្តុកលើកិច្ចការថាមពល បានឱ្យដឹងថា សហភាពកំពុងសម្លឹងបង្កើនការនាំចូលឧស្ម័នពីប្រទេសផ្សេងៗរួមទាំងសហរដ្ឋអាមេរិក ដើម្បីជំនួសការផ្គត់ផ្គង់របស់រុស្ស៊ី ចំពេលប្លុកកំពុងរងនូវការគំរាមកំហែងដាក់ពន្ធពីប្រធានាធិបតីអាមេរិក លោក ដូណាល់ ត្រាំ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ក្រៅពីការនាំចូលឧស្ម័នរបស់អាមេរិក សហភាពអឺរ៉ុបក៏មានគម្រោងពង្រីកសមត្ថភាពថាមពលកកើតឡើងវិញឱ្យបានលឿនជាងមុនផងដែរ ដើម្បីកាត់បន្ថយការពឹងផ្អែកទាំងស្រុងលើថាមពលឥន្ធនៈហ្វូស៊ីល។
សហភាពអឺរ៉ុបបានប្ដេជ្ញាថានឹងឈប់ប្រើឥន្ធនៈហ្វូស៊ីលរបស់រុស្ស៊ីនៅឆ្នាំ ២០២៧ ដើម្បីឆ្លើយតបទៅនឹងការឈ្លានពានអ៊ុយក្រែនទ្រង់ទ្រាយធំរបស់រុស្ស៊ីនៅឆ្នាំ ២០២២។ យ៉ាងណាមិញ ខណៈការផ្គត់ផ្គង់ឧស្ម័នតាមបំពង់បង្ហូររបស់រុស្ស៊ីបានធ្លាក់ចុះ ប្លុកនេះបានបង្កើនការនាំចូលឧស្ម័នធម្មជាតិពង្រាវរបស់រុស្ស៊ីកាលពីឆ្នាំមុន។
ស្នងការថាមពលសហភាពអឺរ៉ុប លោក Dan Jorgensen បាននិយាយក្នុងបទសម្ភាសន៍មួយយ៉ាងដូច្នេះថា៖ «ជំនួសឱ្យការប្រើប្រាស់ប្រាក់អ្នកបង់ពន្ធ លុយរបស់ពលរដ្ឋ ដើម្បីចំណាយលើឧស្ម័ន ដែល [មេដឹកនាំរុស្ស៊ី លោក វ្ល៉ាឌីមៀរ] ពូទីន យកទៅប្រើក្នុងសង្រ្គាម យើងត្រូវធ្វើឱ្យប្រាកដថា យើងផលិតថាមពលរបស់យើង»។
លោក Jorgensen បន្ថែមថា ទីក្រុងប្រ៊ុចសែលកំពុងរៀបចំការផ្លាស់ប្តូរច្បាប់អនុញ្ញាត ដើម្បីបង្កើនល្បឿនការកសាងថាមពលកកើតឡើងវិញ។ ចំពោះឧស្ម័នប្រើប្រាស់តាមឧស្សាហកម្ម និងតាមផ្ទះ ដែលមិនអាចជំនួសបានឱ្យឆាប់រហ័សដោយអគ្គិសនី សហភាពអឺរ៉ុបនឹងបង្កើនកិច្ចខិតខំប្រឹងប្រែងដើម្បីផ្គត់ផ្គង់ប្រភពជំនួស»។
លោកបានបន្តថា៖ «បន្ទាប់មកវាជាការងាររបស់ខ្ញុំ ក្នុងការធ្វើឱ្យប្រាកដថា វាថោក និងមិនបានមកពីរុស្ស៊ីនោះទេ។ វានឹងនៅតែមានតម្រូវការសម្រាប់ឧស្ម័ន ហើយយើងនឹងត្រូវស្វែងរកប្រភពផ្សេងទៀតក្រៅពីរុស្ស៊ី ហើយនោះក៏អាចមានន័យផងដែរថា ការនាំចូលពីសហរដ្ឋអាមេរិកនឹងកាន់តែច្រើន»។
គួរគូសបញ្ជាក់ថា សហភាពអឺរ៉ុបនៅតែរងហានិភ័យនៃប្រភពផ្គត់ផ្គង់ថាមពល។ យ៉ាងណាមិញ គេមើលឃើញថា ការលើកឡើងរបស់លោក Jorgensen ធ្វើឡើងក្នុងបរិបទដែលអឺរ៉ុបរងនូវសម្ពាធរបស់សហរដ្ឋអាមេរិក ដោយលោក ត្រាំ បានគំរាមដាក់ពន្ធលើទំនិញរបស់សហភាពអឺរ៉ុប លុះត្រាតែប្លុកបង្កើនការនាំចូលប្រេង និងឧស្ម័នកាន់តែច្រើនពីសហរដ្ឋអាមេរិក៕
EU ចង់បង្កើនការនាំចូលឧស្ម័នអាមេរិកជំនួសរុស្ស៊ី ក្រោមសម្ពាធពន្ធ
ពេជ្រ ចរណៃ ស្នើសុំកុំបំបាក់ទឹកចិត្តនាងក្នុងការផ្សព្វ ផ្សាយពីវប្បធម៌ក្បាច់គុនបុរាណខ្មែរ
ណាសា៖ ផែនដី មានសុវត្ថិភាពពីអាចម៍ផ្កាយឆ្នាំ២០៣២ ប៉ុន្តែព្រះចន្ទ មិនទាន់ផុតគ្រោះថ្នាក់
មន្ត្រីជាន់ខ្ពស់ ថា កម្ពុជា-ជប៉ុន បានរក្សាកិច្ចសហប្រតិបត្តិការយ៉ាងល្អ ទាំងក្នុងតំបន់ និងឆាកអន្តរជាតិ
ដំរីយ៉ាងតិច៦ក្បាលងាប់ក្នុងគ្រោះថ្នាក់រថភ្លើងបុកនៅស្រីលង្កា
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
ក្រឡាប់យន្តហោះនៅកាណាដាថ្ងៃមុន អ្នកដំណើរបានសំណងម្នាក់ ៣០ ០០០ ដុល្លារ
-
ព័ត៌មានជាតិ៣ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៤ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ៧ ថ្ងៃ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍១ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់