ព័ត៌មានអន្ដរជាតិ
អ្នកជំនាញ៖ ចិន និងជប៉ុន បង្ហាញសញ្ញាចាប់ដៃគ្នាផ្នែកសេដ្ឋកិច្ច ក្នុងបរិបទហានិភ័យពន្ធ ត្រាំ
ក្រុមអ្នកជំនាញលើកឡើងថា ចិន និងជប៉ុន កំពុងបង្ហាញសញ្ញាពង្រឹងទំនាក់ទំនងសេដ្ឋកិច្ចទ្វេភាគីឡើងវិញតាមរយៈកិច្ចប្រជុំកម្រិតខ្ពស់ក្នុងរយៈពេលប៉ុន្មានខែនេះ ដែលវាជាឥរិយាបថ «ចាប់ផ្ដើមដ៏ល្អ»។ នេះបើតាមការចុះផ្សាយរបស់កាសែត South China Morning Post (SCMP) នាថ្ងៃអង្គារនេះ។
ការបោះជំហានបែបនេះ ធ្វើឡើងក្នុងបរិបទនៃការគំរាមគំហែងសេដ្ឋកិច្ច ដែលបណ្ដាលមកពីគោលនយោបាយពន្ធគយរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ ទោះបីជាភាពតានតឹងភូមិសាស្រ្តនយោបាយនៅតែបន្តជាឧបសគ្គសម្រាប់ភាគីទាំង២ ក្នុងការឈ្មុលទៅរកផ្លូវថ្មីទាំងស្រុងនៃទំនាក់ទំនងសេដ្ឋកិច្ចក៏ដោយ។
ការប៉ុនប៉ងចុងក្រោយរបស់ចិនក្នុងការចូលទៅជិតជប៉ុន បានបង្ហាញឱ្យឃើញកាលពីសប្តាហ៍មុន នៅពេលឧបនាយករដ្ឋមន្ត្រីចិន លោក He Lifeng បានជួបជាមួយក្រុមមេដឹកនាំធុរកិច្ចជប៉ុន ដែលកំពុងបំពេញទស្សនកិច្ចនៅទីក្រុងប៉េកាំង។
អ្នកស្រាវជ្រាវនៃមជ្ឈមណ្ឌលសម្រាប់ចិន និងសាកលភាវូបនីយកម្ម លោក Wang Zichen បានថ្លែងថា៖ «ប្រទេសទាំង២ បានបញ្ជូនសញ្ញាច្បាស់លាស់អំពីការធ្វើឱ្យប្រសើរឡើងនូវទំនាក់ទំនង តាមរយៈការជួបប្រជុំគ្នាកម្រិតខ្ពស់ជាបន្តបន្ទាប់កាលពីឆ្នាំមុន»។
បរិបទដ៏ធំនោះគឺថា លោក ត្រាំ កំពុងបង្កើនមិនប្រាកដប្រជាកាន់តែខ្លាំងឡើងដល់សេដ្ឋកិច្ចពិភពលោក ដោយសហរដ្ឋអាមេរិកមិនត្រឹមតែដាក់ពន្ធបន្ថែម ១០ ភាគរយលើទំនិញចិនទាំងអស់នោះទេ ក៏ប៉ុន្តែក៏គ្រោងដាក់ពន្ធលើទំនិញនៃប្រទេសដទៃ រួមទាំងសម្ព័ន្ធមិត្តអាមេរិកផងដែរ ដោយសម្អាងថាលោកចង់កាត់បន្ថយឱនភាពពាណិជ្ជកម្មអាមេរិក។
លោក Wang បានលើកឡើងថា ជប៉ុន និងចិន ដែលជាដៃគូសេដ្ឋកិច្ចដ៏សំខាន់រួចហើយនោះ ងាករកគ្នាក្នុងឥរិយាបថចាប់ផ្ដើមដ៏ល្អ ប៉ុន្តែទាស់ត្រង់ថា ជប៉ុនគឺជាដៃគូសន្ដិសុខយូរឆ្នាំរបស់អាមេរិក។ ការណ៍នេះហើយ ទើបក្រុមអ្នកជំនាញលើកឡើងថា ជប៉ុនត្រូវប្រឈមមុខនឹងបញ្ហាប្រឈម ជាពិសេសប្រសិនបើអរិភាពរវាងចិន-អាមេរិក កាន់តែអាក្រក់ទៅៗ ខណៈវិនិយោគិនជប៉ុននៅតែព្រួយបារម្ភពីបញ្ហាសេដ្ឋកិច្ចចិនដែលបន្តអូសបន្លាយ ក៏ដូចជាហានិភ័យពាក់ព័ន្ធនឹងជម្លោះនៅច្រកសមុទ្រតៃវ៉ាន់។
ទោះបីជាយ៉ាងណាក៏ដោយ ក្នុងជំនួបជាមួយគណៈប្រតិភូជំនួញជប៉ុនកាលពីសប្ដាហ៍មុន លោកឧបនាយករដ្ឋមន្ត្រី He បាននិយាយថា ចិនស្វាគមការវិនិយោគរបស់ជប៉ុន។
ការស្វាគមរបស់លោក ធ្វើឡើងបន្ទាប់ពីការវិនិយោគរបស់ជប៉ុននៅចិន ធ្លាក់ចុះយ៉ាងគំហុកប្រមាណ ៦០ ភាគរយ ធៀបនឹងរយៈពេលដូចគ្នាកាលពី១ទសវត្សរ៍មុន មកត្រឹម ៤៩៣,១ ប៊ីលានយ៉េន (៣,៣ ប៊ីលានដុល្លារ)។ នេះបើយោងតាមទិន្នន័យពីក្រសួងហិរញ្ញវត្ថុជប៉ុន៕
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
ព្រឹកនេះ អនុព័ន្ធការងារប្រចាំប្រទេសថៃ កំពុងបន្តតាមដានដោយផ្ទាល់នៅទីតាំងរលំអគារ ក្នុងទីក្រុងបាងកក ត្រៀមអន្តរាគមន៍ឲ្យទាន់ពេលវេលាជូនពលករខ្មែរនៅថៃ
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?