ព័ត៌មានអន្ដរជាតិ
ចិនកំណត់គោលដៅបន្ថែមលើទំនិញស្បៀង និងកសិកម្មអាមេរិក ឆ្លើយតបនឹងពន្ធ ត្រាំ
ចិនកំពុងសិក្សា និងបង្កើតវិធានការប្រឆាំងដែលពាក់ព័ន្ធ ដើម្បីឆ្លើយតបទៅនឹងការគំរាមកំហែងរបស់ប្រធានាធិបតីសហរដ្ឋអាមេរិក ដូណាល់ ត្រាំ ក្នុងការដាក់ពន្ធ ១០ ភាគរយ បន្ថែមទៀត លើផលិតផលរបស់ចិន ក្រោមលេសថាប្រទេសនេះពាក់ព័ន្ធនឹងលំហូរថ្នាំញៀនហ្វេនតានីលចូលទៅអាមេរិក។ នេះបើតាមការចុះផ្សាយរបស់កាសែតរដ្ឋចិន Global Times នាថ្ងៃចន្ទនេះ។

ប្រភពដែលសុំនិយាយជាអនាមិក បានអះអាងថា វិធានការតបតរបស់ចិន នឹងទំនងជារួមបញ្ចូលទាំងពន្ធគយ និងវិធានការមិនពន្ធគយជាបន្តបន្ទាប់គ្នា ហើយផលិតផលកសិកម្ម និងស្បៀងអាហាររបស់សហរដ្ឋអាមេរិក ទំនងជានឹងជាប់ក្នុងបញ្ជីគោលដៅធ្ងន់ជាងគេ។
ប្រភពបានសង្កត់ធ្ងន់ថា៖ «ប្រសិនបើសហរដ្ឋអាមេរិកទទូចលើការដាក់ពន្ធឯកតោភាគី និងប្រកាសជាផ្លូវការនូវវិធានការពាក់ព័ន្ធ នោះចិននឹងអនុវត្តវិធានការប្រឆាំងដ៏ខ្លាំងក្លា»។
គួររំឭកថា ក្នុងការបង្ហោះសារនៅលើបណ្ដាញសង្គមកាលពីថ្ងៃព្រហស្បតិ៍សប្ដាហ៍មុន លោក ត្រាំ បានបញ្ជាក់ពីការបន្តវិធានការពន្ធ ២៥ ភាគរយ លើទំនិញម៉ិកស៊ិក និងកាណាដា និងការបន្ថែមពន្ធ ១០ ភាគរយ ទៀតលើទំនិញចិន ដែលធ្វើឱ្យអត្រាសរុបឡើងដល់ ២០ ភាគរយ។ ការគំរាមចុងក្រោយរបស់អាមេរិក បានរងនូវការជំទាស់ខ្លាំងៗពីមន្រ្តីរដ្ឋាភិបាលក្រុងប៉េកាំង ដែលឆ្លើយតបថា ខ្លួននឹងចាត់វិធានការចាំបាច់ទាំងអស់ ដើម្បីការពារផលប្រយោជន៍ស្របច្បាប់របស់ខ្លួន។

មែនទែនទៅ ចិនគឺជាទីផ្សារដ៏ធំបំផុតសម្រាប់ផលិតផលកសិកម្មរបស់សហរដ្ឋអាមេរិក ហើយវិស័យនេះមានភាពងាយរងគ្រោះជាយូររួចមកហើយក្នុងភាពតានតឹងពាណិជ្ជកម្មសហរដ្ឋអាមេរិក-ចិន។
អ្នកស្រាវជ្រាវនៅអង្គការ Oxford Global Society លោក Genevieve Donnellon-May បាននិយាយថា៖ «ទោះបីជាមានការធ្លាក់ចុះនៃការនាំចូលចាប់តាំងពីឆ្នាំ ២០១៨ ក៏ដោយ ពន្ធលើផលិតផលកសិកម្មសំខាន់ៗរបស់សហរដ្ឋអាមេរិក ដូចជាសណ្តែកសៀង សាច់ និងគ្រាប់ធញ្ញជាតិ អាចមានផលប៉ះពាល់យ៉ាងខ្លាំងដល់ពាណិជ្ជកម្មរវាងសហរដ្ឋអាមេរិក និងចិន ក៏ដូចជាអ្នកនាំចេញ និងកសិកររបស់សហរដ្ឋអាមេរិក»។
ចិន ដែលជាប្រទេសនាំចូលកសិកម្មលំដាប់កំពូល និងជាប្រទេសមានសេដ្ឋកិច្ចធំជាងគេទី ២ របស់ពិភពលោក បាននាំចូលផលិតផលកសិកម្មរបស់អាមេរិកក្នុងតម្លៃ ២៩,២៥ ប៊ីលានដុល្លារ នៅឆ្នាំ ២០២៤ ដោយនេះគឺជាការធ្លាក់ចុះ ១៤ ភាគរយ ធៀបនឹងឆ្នាំ ២០២៣ ដែលវាបានធ្លាក់ចុះផងដែរប្រមាណ ២០ ភាគរយ៕

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ