ព័ត៌មានអន្ដរជាតិ
អេឡុន ម៉ាសក៍ ខាតបង់ទ្រព្យសម្បត្តិជាង ១០០ ប៊ីលានដុល្លារ រាប់តាំងពីដើមឆ្នាំ
មហាសេដ្ឋីកំពូលរបស់ពិភពលោក លោក អេឡុន ម៉ាសក៍ បានខាតបង់ទ្រព្យសម្បត្តិប្រមាណ ១១៣ ប៊ីលានដុល្លារ រាប់តាំងពីដើមឆ្នាំ។ នេះបើតាមទិន្នន័យសន្ទស្សន៍មហាសេដ្ឋី Bloomberg គិតត្រឹមថ្ងៃព្រហស្បតិ៍ ទី ១៣ ខែមីនា នេះ។
ទ្រព្យសម្បត្តិរបស់លោក ម៉ាសក៍ ដែលជាម្ចាស់ក្រុមហ៊ុនអវកាស SpaceX និងក្រុមហ៊ុនផលិតរថយន្តអគ្គិសនី Tesla បានកើនដល់ចំណុចកំពូលប្រមាណ ៤៨៦ ប៊ីលានដុល្លារ នៅខែធ្នូ ឆ្នាំមុន ប៉ុន្តែទិន្នន័យចុងក្រោយបានបង្ហាញពីការធ្លាក់ចុះមកនៅត្រឹម ៣១៩ ប៊ីលានដុល្លារ។
គិតតែក្នុងថ្ងៃចន្ទ ដើមសប្ដាហ៍នេះ លោក ម៉ាសក៍ បានខាតបង់ទ្រព្យសម្បត្តិប្រមាណ ២៩ ប៊ីលានដុល្លារ នៅពេលដែលផ្សារភាគហ៊ុនរបស់ក្រុមហ៊ុន Tesla បានធ្លាក់ចុះរហូតដល់ ១៥ ភាគរយ ដែលជាការធ្លាក់ចុះធ្ងន់ធ្ងរបំផុតរាប់តាំងពីឆ្នាំ ២០២០។ យ៉ាងណាមិញ ផ្សារភាគហ៊ុននេះបានកើនឡើងវិញសម្រាប់ការជួញដូរនៅថ្ងៃអង្គារ និងថ្ងៃពុធ ប៉ុន្តែបើរាប់តាំងពីដើមឆ្នាំមក ភាគហ៊ុនរបស់ក្រុមហ៊ុនបានធ្លាក់ចុះប្រមាណ ៣៩ ភាគរយ (គិតត្រឹមថ្ងៃពុធ)។ នេះបើតាមការចុះផ្សាយរបស់សារព័ត៌មាន Yahoo Finance។
ការធ្លាក់ចុះនៃផ្សារភាគហ៊ុនរបស់ Tesla ដែលរួមចំណែកខ្លាំងដល់ការធ្លាក់ចុះនៃទ្រព្យសម្បត្តិរបស់លោក ម៉ាសក៍ នោះ ត្រូវបានរួមចំណែកដោយកត្តាច្រើនយ៉ាង ដែលក្នុងនោះរួម៖ ការធ្លាក់ចុះនៃការលក់រថយន្តអគ្គិសនី Tesla នៅអឺរ៉ុប និងនៅចិន កំណើននៃការប្រកួតប្រជែងពីក្រុមហ៊ុនផលិតរថយន្តអគ្គិសនីដទៃ និងការជាប់ទាក់ទងរបស់លោក ម៉ាសក៍ នៅក្នុងនយោបាយសហរដ្ឋអាមេរិកជាដើម។
មែនទែនទៅ ទោះបីជាទ្រព្យសម្បត្តិរបស់លោក ម៉ាសក៍ ធ្លាក់ចុះជាង ១០០ ប៊ីលានក៏ដោយ លោកនៅតែជាមហាសេដ្ឋីកំពូលរបស់ពិភពលោក ខណៈមហាសេដ្ឋីពិភពលោកទី២ លោក Larry Ellison ដែលជាប្រធានក្រុមហ៊ុន Oracle មានទ្រព្យសម្បត្តិសរុបប្រមាណ ១៧១ ប៊ីលានដុល្លារ (គិតត្រឹមថ្ងៃព្រហស្បតិ៍)៕
[អត្ថបទវិភាគ] ការបោះឆ្នោតរបស់មីយ៉ាន់ម៉ា គឺជាច្រកចេញរបបសឹកយោធាដើម្បីត្រួសត្រាយផ្លូវបង្កើតរដ្ឋាភិបាលចម្រុះ និងការទទួលស្គាល់
សម្តេច ទៀ បាញ់ ចែកវិញ្ញាបនប័ត្រសម្គាល់ម្ចាស់អចលនវត្ថុជាង៤ម៉ឺនប័ណ្ណ ដល់ពលរដ្ឋខេត្តសៀមរាប
កម្ពុជា-ថៃ នឹងពង្រឹងបន្ថែមលើកិច្ចសហប្រតិបត្តិការក្នុងវិស័យការងារ និងបណ្ដុះបណ្ដាលវិជ្ជាជីវៈ
មន្ទីរបរិស្ថានខេត្តមណ្ឌលគិរី បើកយុទ្ធនាការ «ផ្លូវជាតិស្អាតគ្មានសំរាម និងសំណល់ប្លាស្ទិក» នៅស្រុកអូររាំង
លើកដំបូង មន្ត្រីការបរទេសរុស្ស៊ីថា «គ្មានឡើយវត្តមានយោធាចិនជួយកងទ័ពខ្លួន»
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ពលរដ្ឋខេត្តក្រចេះនិងកំពង់ធំ នឹងភ្ជាប់និស្ស័យគ្នា តាមរយៈគម្រោងស្ថាបនាផ្លូវជាតិលេខ ៦០បេ
ហ្សេលេនស្គី៖ រុស្ស៊ី ប្រើបណ្ដាញសង្គម និងលុយទាក់ទាញទាហានចិនឲ្យចូលច្បាំង
-
សន្តិសុខសង្គម៦ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៥ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៥ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៧ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៤ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៣ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល