កសិករបានឱ្យដឹងថា សណ្ដែកកួរឆ្នាំនេះ មានការធ្លាក់ចុះតម្លៃជាងឆ្នាំមុន

កសិករដាំសណ្ដែកកួរម្នាក់ ស្ថិតនៅស្រុកបរសេដ្ឋ ខេត្តកំពង់ស្ពឺ បានប្រាប់ឱ្យដឹងថា ទិន្នផលសណ្ដែកកួររបស់លោកនៅឆ្នាំនេះ មានការធ្លាក់តម្លៃជាងពាក់កណ្ដាល បើធៀបនឹងឆ្នាំទៅមុន។

លោក ប្រាយ រ៉ាវុធ អាយុ៣១ឆ្នាំ ជាកសិករដាំសណ្ដែកកួរ ស្ថិតនៅស្រុកបរសេដ្ឋ ខេត្តកំពង់ស្ពឺ បានប្រាប់ កម្ពុជាថ្មី នៅថ្ងៃទី១៧ ខែមីនា ឆ្នាំ២០២៥នេះថា ការប្រមូលផលសណ្ដែកកួរឆ្នាំនេះ មានការធ្លាក់ចុះតម្លៃជាងពាក់កណ្ដាល បើធៀបនឹងឆ្នាំទៅមុន។

កសិកររូបនេះ បន្តថា សណ្ដែកកួរឆ្នាំនេះ លក់ចេញទៅកាន់ឈ្មួញបានក្នុងតម្លៃ ១គីឡូ ចន្លោះពី១៥០០រៀល ទៅ​២០០០​រៀល ចំណែកតម្លៃលើទីផ្សារអាជីវករនៅតាមផ្សារអាចលក់បានក្នុងត​ម្លៃចាប់ពី ៣០០០រៀល ទៅ៣៥០០រៀល។

កសិកររូបនេះ បន្តថា សណ្ដែកកួរឆ្នាំនេះ លក់ចេញទៅកាន់ឈ្មួញបានក្នុងតម្លៃ ១គីឡូ ចន្លោះពី១៥០០រៀល ទៅ២០០០រៀល ចំណែកតម្លៃលើទីផ្សារអាជីវករនៅតាមផ្សារអាចលក់បានក្នុងត​ម្លៃចាប់ពី ៣០០០រៀល ទៅ​៣៥០០រៀល។

លោក ប្រាយ រ៉ាវុធ បានឱ្យដឹងទៀតថា បើធៀបនឹងឆ្នាំទៅមុន​ សណ្ដែកួរអាចលក់ចេញទៅកាន់ឈ្មួញបានចន្លោះ​ពី៣៥០០រៀល ទៅ៤០០០រៀល ក្នុង១គីឡូក្រាម ឬអាចបានតម្លៃលើសនេះទៅទៀត។

លោក ប្រាយ រ៉ាវុធ បានបញ្ជាក់ដែរថា នៅក្នុងចម្ការរបស់ក្នុងមួយថ្ងៃ អាចប្រមូលផលសណ្ដែកគួរ បានប្រមាណជាង ៨០គីឡូក្រាម តែអ្វីដែលលោកព្រួយបារម្ភ គឺតម្លៃសណ្ដែកកួរនៅឆ្នាំនេះ មិនអាចលក់ចំណេញបានដូចកាលពីឆ្នាំទៅមុន ពោលគឺតម្លៃបែបនេះគឺខាតបង់ចំពោះកសិករតែម្ដង។

អ្នកស្រី ស៊ាន យាង អាជីវករលក់បន្លែ ផ្សារទួលសង្កែតូច រាជធានីភ្នំពេញ បានប្រាប់ កម្ពុជាថ្មី ថា សណ្ដែកកួរនៅលើទីផ្សារនៅថ្ងៃនេះ លក់ចេញវិញ ក្នុងតម្លៃ ៣៥០០រៀល ក្នុង​មួយគីឡូ ខណៈទទួលទិញពីកសិករក្នុងតម្លៃ២០០០រៀល ក្នុងមួយគីឡូ។

អាជីវកររូបនេះ បន្ថែមទៀតថា កន្លងមកពេលដែលសណ្ដែកកួរឡើងថ្លៃខ្ពស់ ស្របពេលអាកាសធាតុក្ដៅ ដំណាំសណ្ដែកកួរមិនសូវទទួលបានផលល្អ និងមានតម្រូវការខ្ពស់ផងនោះ ទើបកាលពីឆ្នាំទៅមុន សណ្ដែកកួរឡើងថ្លៃរហូតដល់ជិត៤០០០០រៀល ក្នុងមួយគីឡូក្រាម៕

អត្ថបទ ៖ សួស សិត