ព័ត៌មានអន្ដរជាតិ

អាមេរិកអនុម័តកម្ចី ៤,៧ ប៊ីលានដុល្លារ ដល់ TotalEnergies សម្រាប់គម្រោងទាញយក LNG

បានផុស

៤៩ វិនាទី មុន

នៅ

ថ្ងៃសុក្រ ១៤ មីនា ២០២៥

ដោយ

ក្រុមប្រឹក្សាភិបាលនៃធនាគារនាំចេញ-នាំចូលរបស់សហរដ្ឋអាមេរិក (EXIM Bank) បានអនុម័តប្រាក់កម្ចីប្រមាណ ៤,៧ ប៊ីលានដុល្លារ សម្រាប់ក្រុមហ៊ុនថាមពលបារាំង TotalEnergies យកទៅប្រើប្រាស់ក្នុងគម្រោងទាញយកឧស្ម័នធម្មជាតិពង្រាវ (LNG) នៅប្រទេសម៉ូហ្សំប៊ិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក ធនាគារ EXIM បានអនុម័តប្រាក់កម្ចីចំនួន ៤,៧ ប៊ីលានដុល្លារ សម្រាប់គម្រោង LNG ដែលមានតម្លៃ ២០ ប៊ីលានដុល្លារ ដដែឡ ក្នុងអំឡុងពេលអាណត្តិដំបូងរបស់ប្រធានាធិបតីអាមេរិក ដូណាល់ ត្រាំ។ យ៉ាងណាមិញ ការអនុម័តនេះត្រូវធ្វើឡើងជាថ្មី ក្រោយគម្រោងត្រូវបានផ្អាកនៅឆ្នាំ ២០២១ ដោយសារតែបញ្ហាសន្តិសុខពាក់ព័ន្ធនឹងក្រុមជ្រុលនិយមក្នុងខេត្ត Cabo Delgado របស់ម៉ូហ្សំប៊ិក។

កាសែត Financial Times បានចុះផ្សាយដោយស្រង់សម្ដីរដ្ឋមន្ត្រីថាមពលម៉ូហ្សំប៊ិក លោក Estevão Pale ដែលថា ការអនុម័តចុងក្រោយធ្វើឡើងដោយឆ្លងកាត់តាមការបោះឆ្នោតរបស់ក្រុមប្រឹក្សាភិបាលធនាគារ។

កាលពីខែមុន នាយកប្រតិបត្តិក្រុមហ៊ុន TotalEnergies លោក Patrick Pouyanne បាននិយាយថា លោករំពឹងថាការផ្តល់ហិរញ្ញប្បទានរបស់សហរដ្ឋអាមេរិក នឹងត្រូវបានអនុម័តក្នុងពេលឆាប់ៗនេះ ហើយបន្ទាប់មកគឺការអនុម័តពីភ្នាក់ងារឥណទានផ្សេងៗទៀត។

គួរគូសបញ្ជាក់ថា ក្រុមហ៊ុន TotalEnergies បានកំពុងរង់ចាំការអនុម័តប្រាក់កម្ចីឡើងវិញពីទីភ្នាក់ងារឥណទាននាំចេញរបស់សហរដ្ឋអាមេរិក ចក្រភពអង់គ្លេស និងហូឡង់៕