ព័ត៌មានអន្ដរជាតិ
ត្រាំ គំរាមដាក់ពន្ធលើប្រទេសដែលទិញប្រេង វេណេហ្ស៊ុយអេឡា
ប្រធានាធិបតីអាមេរិក លោក ដូណាល់ ត្រាំ កាលពីថ្ងៃចន្ទ បានគំរាមកំហែងដាក់ពន្ធ ២៥ ភាគរយ លើទំនិញដែលនាំចូលសហរដ្ឋអាមេរិកពីប្រទេសដែលទិញប្រេង/ឧស្ម័នរបស់វេណេហ្ស៊ុយអេឡា ក្នុងវិធានការបង្កើនភាពតានតឹងពាណិជ្ជកម្មសកលចុងក្រោយរបស់ខ្លួន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ពន្ធដែលលោក ត្រាំ គំរាមកំហែងថ្មីថ្មោងនេះ គ្រោងនឹងចូលជាធរមាននៅថ្ងៃទី ២ មេសា ពោលគឺចំថ្ងៃដែលពន្ធឆ្លើយតបឱ្យស្មើគ្នា (Reciprocal Tariffs) របស់លោក កំណត់ថានឹងចូលជាធរមាន។
លោក ត្រាំ បានពណ៌នាចំណាត់ការនេះថាជា «ពន្ធបន្ទាប់បន្សំ» ដែលមានបំណងដាក់ទណ្ឌកម្មវេណេហ្ស៊ុយអេឡា «សម្រាប់ហេតុផលជាច្រើន» រួមទាំងការចោទប្រកាន់ថា ប្រទេសនេះ «មានចេតនា» បញ្ជូនសមាជិកក្រុមទំនើង ក៏ដូចជាជនអន្តោប្រវេសន៍ខុសច្បាប់ ទៅសហរដ្ឋអាមេរិកជាដើម។
ការគំរាមកំហែងចុងក្រោយ រំពឹងថានឹងបង្កើនសម្ពាធលើអ្នកទិញប្រេងសំខាន់ៗរបស់វេណេហ្ស៊ុយអេឡាបច្ចុប្បន្ន ដែលរួមមានចិន ឥណ្ឌា និងអេស្បាញ ដែលជាប្រភពហិរញ្ញវត្ថុដ៏សំខាន់សម្រាប់រដ្ឋាភិបាលវេណេស៊ុយអេឡា។
មែនទែនទៅ លោក ត្រាំបានដំឡើងពន្ធ ២០ ភាគរយ លើទំនិញរបស់ចិនរួចទៅហើយចាប់តាំងពីខែកុម្ភៈមក។ សម្រាប់វេណេស៊ុយអេឡា ចិនជាអ្នកទិញប្រេងដ៏សំខាន់របស់ខ្លួន។ ប៉ុន្តែវេណេស៊ុយអេឡា មិនមែនជាប្រភពប្រេងឆៅដ៏ធំសម្រាប់ចិន ដែលបាននាំចូលច្រើនជាង ១១ លានបារ៉ែល/ថ្ងៃ កាលពីឆ្នាំមុន នោះទេ។
គួរកត់សម្គាល់ថា ក្រៅតែពីបញ្ហានេះ លោក ត្រាំ ថ្លែងថា លោកនៅតែមានគម្រោងដាក់ពន្ធលើផលិតផលជាក់លាក់មួយចំនួន រួមទាំងរថយន្ត ឈើ និងបន្ទះឈីប ដោយថែមទាំងបានបន្តថា គម្រោងពន្ធទាំងនេះបានជំរុញការវិនិយោគក្នុងស្រុកអាមេរិករួចទៅហើយ។
លោកនឹងនៅតែបន្តដាក់ពន្ធឱ្យស្មើគ្នាផងដែរនៅថ្ងៃ ២ មេសា ប៉ុន្តែគូសបញ្ជាក់ថា អត្រាពន្ធសម្រាប់ប្រទេសខ្លះអាចនឹងទាបជាងអត្រាដែលប្រទេសទាំងនោះដាក់ពន្ធលើទំនិញអាមេរិក ដោយខ្លាចថាប្រទេសពួកគេមិនអាចទទួលយកបាន «ព្រោះដាក់ពន្ធលើយើងខ្ពស់ពេក»។ លោកត្រាំក៏អះអាងផងដែរថា ប្រទេសខ្លះអាចនឹងត្រូវបានលើកលែងចំពោះពន្ធប្រភេទនេះ។
ការថ្លែងឱ្យរបស់ ត្រាំ ធ្វើឡើងក្រោយមានសេចក្ដីរាយការណ៍ថា រដ្ឋបាលរបស់លោកអាចនឹងដកមុខទំនិញមួយចំនួនចេញពីបញ្ជីជាប់ពន្ធនៃពន្ធឱ្យស្មើគ្នា៕
ត្រាំ គំរាមដាក់ពន្ធលើប្រទេសដែលទិញប្រេង វេណេហ្ស៊ុយអេឡា
ណាហ្គាវើលដ៍ ឈ្នះពានរង្វាន់ការងារសង្គមដ៏មានកិត្យានុភាពប្រចាំប្រទេសកម្ពុជា ៥ ឆ្នាំជាប់ៗគ្នា
ទម្លាប់ដែលជីដូននាំទៅមើលល្ខោនតាមវត្ត បណ្តុះចិត្តឱ្យ លំអពេជ្រ ស្រឡាញ់ល្ខោនខ្មែររហូតរៀបចំបុណ្យភូមិជោគជ័យ
«ប័ណ្ណមាស» តម្លៃ៥លានដុល្លាររបស់លោក ត្រាំ លក់មួយថ្ងៃបាន ១ ០០០សន្លឹក
សម្ដេចធិបតី៖ ការរើសអើងជាតិសាសន៍ នឹងអាចបង្កើតជម្លោះជាតិសាសន៍ រហូតផ្ទុះសង្គ្រាម
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
រដ្ឋមន្ត្រីមហាផ្ទៃ ដឹកនាំអភិបាលខេត្ត និងស្នងការខេត្ត៣ទៅឡាវ ដើម្បីបង្កើនល្បឿនទប់ស្កាត់គ្រឿងញៀនឆ្លងដែន
អាមេរិក ទម្លាក់គ្រាប់បែកនៅយេម៉ែន ឯអ៊ីស្រាអែល វាយប្រហារនៅហ្គាហ្សា សម្លាប់មនុស្ស ច្រើននាក់
អ្នកនាំពាក្យទាត់ចោលព័ត៌មានមិនពិតដែលទាញសម្ដេច ស ខេង ទៅនឹងចលនាខុសច្បាប់នៅក្រៅប្រទេស
ព្រះអង្គធំនៅភ្នំសំពៅ នឹងក្លាយជាគោលដៅទេសចរណ៍សាសនាធំជាងគេ ក្រោយបញ្ចប់សាងសង់ដ៏ខ្លីខាងមុខនេះ
-
ព័ត៌មានជាតិ៧ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ១ សប្តាហ៍ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
ព័ត៌មានអន្ដរជាតិ៦ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ៦ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
កីឡា៤ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម១ សប្តាហ៍ agoឃាត់ខ្លួនមនុស្ស៥នាក់ពាក់ព័ន្ធករណីលួចលុយពីធនាគារឯកជនមួយក្នុងទំហំទឹកប្រាក់ខ្ទង់លានដុល្លារ
-
ព័ត៌មានអន្ដរជាតិ១ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៤ ម៉ោង agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន