Connect with us

ព័ត៌មានអន្ដរជាតិ

កូរ៉េខាងត្បូង ចិន ជប៉ុន ព្រមគ្នាជំរុញពាណិជ្ជកម្មក្នុងតំបន់ ​ក្នុងបរិបទពន្ធ ត្រាំ

បានផុស

នៅ

ប្រទេស​កូរ៉េខាងត្បូង ចិន និងជប៉ុន បានបើកកិច្ចសន្ទនាសេដ្ឋកិច្ចលើកដំបូងរបស់​ខ្លួន​ក្នុងរយៈពេល ៥ ឆ្នាំកាលពីថ្ងៃអាទិត្យ ដោយ​សម្លឹង​រក​ការសម្របសម្រួលពាណិជ្ជកម្មក្នុងតំបន់ ​ចំពេលមាន​ការព្រួយបារម្ភ​ពីគោលនយោបាយពន្ធគយ​របស់​ប្រធានាធិបតីអាមេរិក លោក ដូណាល់ ត្រាំ។ នេះបើតាម​ការចុះផ្សាយរបស់​ទីភ្នាក់ងារសារព័ត៌មាន​រ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍​ចេញផ្សាយ​ក្រោយ​កិច្ចប្រជុំ បាន​ឱ្យដឹងថា​ រដ្ឋមន្ត្រីពាណិជ្ជកម្ម​ត្រីភាគី បានយល់ព្រម «សហការ​គ្នា​យ៉ាងជិតស្និទ្ធសម្រាប់កិច្ចពិភាក្សា​គ្រប់ជ្រុងជ្រោយ និងកម្រិតខ្ពស់» លើកិច្ចព្រមព្រៀងពាណិជ្ជកម្មសេរីកូរ៉េខាងត្បូង-ជប៉ុន-ចិន ដើម្បីលើកកម្ពស់ «ពាណិជ្ជកម្មក្នុងតំបន់ និងពិភពលោក​»។

រដ្ឋមន្ត្រីក្រសួងពាណិជ្ជកម្មកូរ៉េខាងត្បូង លោក Ahn Duk-geun បានមានប្រសាសន៍ថា៖ «វាចាំបាច់ដើម្បីពង្រឹងការអនុវត្ត RCEP (​ភាពជាដៃគូសេដ្ឋកិច្ច​គ្រប់ជ្រុងជ្រោយ​ក្នុងតំបន់) ដែលក្នុងនោះប្រទេសទាំង ៣ បានចូលរួម និងបង្កើតក្របខ័ណ្ឌសម្រាប់ពង្រីកកិច្ចសហប្រតិបត្តិការពាណិជ្ជកម្មតាមរយៈការចរចាពាណិជ្ជកម្មសេរីកូរ៉េ-ចិន-ជប៉ុន»។

គេមើលឃើញថា រដ្ឋមន្រ្តីនៃប្រទេសទាំង​៣ បាន​ជួបប្រជុំគ្នា ត្រឹមតែ ៣ ថ្ងៃប៉ុណ្ណោះ មុន​វិធានការពន្ធឆ្លើយតបឱ្យស្មើគ្នា (Reciprocal Tariffs) របស់លោក ត្រាំ ចូលជាធរមាន​នៅថ្ងៃពុធ​នេះ (២ មេសា) ​ខណៈពន្ធ ២០ ភាគរយ លើទំនិញចិន​ និង ២៥ ភាគរយ លើដែកថែប​ និងអាលុយមីញ៉ូមនាំចូល​ បាន​ចូលជាធរមានរួចហើយ​។ លោក ត្រាំ ថ្មីៗ​នេះ​ រំពឹង​ថា​បាន​​ប្រកាសពន្ធ ២៥ ភាគរយ លើរថយន្តនាំចូល ដោយ​កំណត់ចូលជាធរមាន​នៅថ្ងៃទី ៣ មេសា ផងដែរ​។ ​

គួរគូស​បញ្ជាក់ថា កូរ៉េខាងត្បូង ចិន និងជប៉ុន គឺជាដៃគូពាណិជ្ជកម្មដ៏សំខាន់របស់សហរដ្ឋអាមេរិក ​និងចំពោះគ្នាទៅវិញទៅមក ទោះបីជា​ពួកគេ​មាន​ជម្លោះលើភូមិសាស្រ្តនយោបាយ និងប្រវត្តិសាស្រ្តក៏ដោយ​។ RCEP ដែលចូលជាធរមានក្នុងឆ្នាំ ២០២២ គឺជាក្របខណ្ឌពាណិជ្ជកម្មក្នុងចំណោមប្រទេសអាស៊ីប៉ាស៊ីហ្វិកចំនួន ១៥ ដែលមានគោលបំណងកាត់បន្ថយរបាំងពាណិជ្ជកម្ម៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៨ វិនាទី មុន

កូរ៉េខាងត្បូង ចិន ជប៉ុន ព្រមគ្នាជំរុញពាណិជ្ជកម្មក្នុងតំបន់ ​ក្នុងបរិបទពន្ធ ត្រាំ

ជីវិតកម្សាន្ដ១ នាទីute មុន

តារា​ចម្រៀង​ល្បី​ម្នាក់នៅជប៉ុន ​ត្រូវ​ចាប់​ខ្លួន​ពី​បទ​រំលោភ​ភេទ​ដូច​គ្នា​

ផ្សារអូឬស្សី
ព័ត៌មានជាតិ២ នាទីutes មុន

អាជីវករផ្សារអូរឬស្សី បង្ហាញក្ដីរីករាយ ពីការផ្ដល់រថយន្ដក្រុងជិះមិនគិតថ្លៃអំឡុងថ្ងៃបុណ្យចូលឆ្នាំថ្មី

ព័ត៌មានអន្ដរជាតិ៧ នាទីutes មុន

ត្រាំ ព្រមាន​ទម្លាក់​គ្រាប់​បែក បើ​អ៊ីរ៉ង់​មិន​ព្រម​ធ្វើ​កិច្ចព្រមព្រៀង​នុយក្លេអ៊ែរ

ព័ត៌មានជាតិ៨ នាទីutes មុន

អាជ្ញាធរជាតិអប្សរា ដាក់ឱ្យប្រើប្រាស់ផ្លូវចេញ-ចូល ខ្លោងទ្វារខាងកើតប្រាសាទអង្គរវត្តឡើងវិញ

Sokha Hotels

ព័ត៌មានពេញនិយម