ព័ត៌មានជាតិ

លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ

បានផុស

៣ សប្តាហ៍ មុន

នៅ

ថ្ងៃអង្គារ ១ មេសា ២០២៥

ដោយ

លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក.) នៅថ្ងៃទី០១ ខែមេសា ឆ្នាំ២០២៥ នេះ បានលើកឡើងថា នៅក្នុងយុគសម័យឌីជីថលូបនីយកម្ម ប្រព័ន្ធផ្សព្វផ្សាយឌីជីថល បានដើរតួនាទីយ៉ាងសំខាន់ក្នុងការជំរុញការអភិវឌ្ឍវិស័យមូលបត្រ តាមរយៈការបង្កើននូវរំហូរព័ត៌មាន បង្កើនទំនុកចិត្ត និងប្រសិទ្ធភាពទីផ្សារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងរៀបចំសិក្ខាសាលាកសាងសមត្ថភាព ស្តីពី “គន្លឹះក្នុងការសរសេរព័ត៌មាន និងការផ្សព្វផ្សាយឱ្យចំគោលដៅក្នុងសម័យឌីជីថល” ដែលបានសហការរៀបចំរវាងនិយ័តករមូលបត្រកម្ពុជា (ន.ម.ក.) និង សារព័ត៌មានកម្ពុជាថ្មី បាន លោក ស៊ូ សុជាតិ បានសង្កត់ធ្ងន់ថា នៅក្នុងយុគសម័យឌីជីថលូបនីយកម្ម វត្តមាននៃបច្ចេកវិទ្យាឌីជីថលបាន និងកំពុងជះឥទ្ធិពលយ៉ាងខ្លាំងលើគ្រប់វិស័យ។ ក្នុងន័យនេះ ប្រព័ន្ធផ្សព្វផ្សាយឌីជីថល បានដើរតួនាទីយ៉ាងសំខាន់ក្នុងការជំរុញការអភិវឌ្ឍវិស័យមូលបត្រ តាមរយៈការបង្កើននូវរំហូរព័ត៌មាន បង្កើនទំនុកចិត្ត និងប្រសិទ្ធភាពទីផ្សារ ក៏ដូចជាបង្កើនវិនិយោគិនលក់រាយ ដែលជាកាតាលីករដ៏មានឥទ្ធិពលក្នុងការជំរុញការចូលរួមនៅក្នុងទីផ្សារ។

លោក មៃ សុខលីម និពន្ធនាយកនៃសារព័ត៌មានកម្ពុជាថ្មី ក៏បានលើកឡើងនៅក្នុងសិក្ខាសាលានោះថា អស់រយៈពេលជាច្រើនឆ្នាំកន្លងមកនេះសារព័ត៌មានកម្ពុជាថ្មីតាមរយៈផ្លេតហ្វមឌីជីថល បានចូលរួមចំណែកធ្វើការផ្សព្វផ្សាយអំពីវិស័យមូលបត្រយ៉ាងសកម្ម។

លោកថា ក្នុងនោះរួមមាន ទាំងព័ត៌មានអំពីវិស័យមូលបត្រ កិច្ចសម្ភាសន៍ពិសេសជាមួយថ្នាក់ដឹកនាំនិយតករមូលបត្រកម្ពុជា ផ្សារមូលបត្រកម្ពុជា ក្រុមហ៊ុនបោះផ្សាយ និងភាគីពាក់ព័ន្ធ សំដៅផ្តល់ព័ត៌មានអំពីវិស័យនេះដល់សាធារណជន និងវិនិយោគិន ជាពុទ្ធិបន្ថែមសម្រាប់ការសម្រេចចិត្តវិនិយោគមកលើទីផ្សារភាគហ៊ុនរបស់កម្ពុជាយើង៕