ព័ត៌មានជាតិ

សមាគមធនាគារនៅកម្ពុជា ចាត់ទុកកិច្ចការពារអតិថិជន ជាអាទិភាពចម្បងចំណោមសកម្មភាពផ្សេងទៀត

បានផុស

១១ នាទីutes មុន

នៅ

ថ្ងៃអង្គារ ១ មេសា ២០២៥

ដោយ

លោក តូច ចៅចេក សមាជិកក្រុមប្រឹក្សាភិបាល មានប្រសាសន៍ថា សមាគមធនាគារនៅកម្ពុជា ចាត់ទុកកិច្ចការពារអតិថិជន គឺជាសកម្មភាពអាទិភាពចម្បងមួយ ក្នុងចំណោមសកម្មភាពអាទិភាពផ្សេងៗទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសទទួលជួបពិភាក្សាការងារជាមួយ នាយកប្រតិបត្តិរបស់អង្គការ Cerise+SPTF នៅថ្ងៃទី៣១ ខែមីនា ឆ្នាំ២០២៥ នេះ លោក តូច ចៅចេក លើកឡើងថា សមាគមធនាគារនៅកម្ពុជា បានដាក់ចេញនូវគំនិតផ្តួចផ្តើមមួយចំនួនរួមមាន ដូចជា ក្រមប្រតិបត្តិសម្រាប់វិស័យធនាគារ និងហិរញ្ញវត្ថុ វិធានផ្តល់ឥណទាន ក្របខ័ណ្ឌនៃយន្តការគ្រប់គ្រង និងដោះស្រាយបណ្តឹងតវ៉ា និងលេខបណ្តឹងតវ៉ា ស្តង់ដាកិច្ចសន្យាឥណទាន ការអប់រំផ្នែកហិរញ្ញវត្ថុ និងសិក្ខាសាលាសម្រាប់ប្រធាននាយកប្រតិបត្តិ និងក្រុមប្រឹក្សាភិបាល/ឬភាគទុនិក ស្តីពីសារៈសំខាន់ និងតួនាទីនៃអភិបាលកិច្ចរបស់គ្រឹះស្ថានធនាគារ និងហិរញ្ញវត្ថុ ក្នុងការធានានូវការអនុវត្តកិច្ចការពារអតិថិជនប្រកបដោយប្រសិទ្ធភាព។

នៅក្នុងជំនួបដដែលនោះ ភាគីទាំងពីរបានជជែក និងពិភាក្សាអំពីវឌ្ឍនភាពនៃក្របខណ្ឌកិច្ចការពារអតិថិជន កិច្ចសហប្រតិបត្តិការ និងផែនការសកម្មភាព និងទិសដៅបន្តក្នុងការធ្វើឱ្យប្រសើរឡើងនូវកិច្ចការពារអតិថិជនក្នុងវិស័យធនាគារ និងហិរញ្ញវត្ថុ។

ជាលទ្ធផល កិច្ចប្រជុំបានបញ្ចប់ដោយផ្លែផ្កា និងកំណត់បាននូវសកម្មភាពអាទិភាពមួយចំនួនសម្រាប់កិច្ចសហប្រតិបត្តិការបន្តរវាងភាគីទាំងពីរក្នុងការលើកកម្ពស់កិច្ចការពារអតិថិជនក្នុងវិស័យធនាគារ និងហិរញ្ញវត្ថុមួយកម្រិតទៀត៕

Related Topics:សមាគមធនាគារនៅកម្ពុជា លោក តូច ចៅចេក