ព័ត៌មានអន្ដរជាតិ
ទីផ្សារភាគហ៊ុនអាមេរិក ធ្លាក់ចុះធ្ងន់ធ្ងរជាប្រវត្តិសាស្រ្ត ក្រោយ ត្រាំ ប្រកាសពន្ធម្សិលមិញ
ទីផ្សារភាគហ៊ុនរបស់សហរដ្ឋអាមេរិក បានធ្លាក់ចុះធ្ងន់់ធ្ងរកាលពីថ្ងៃព្រហស្បតិ៍ ក្រោយប្រធានាធិបតី ដូណាល់ ត្រាំ ប្រកាសពន្ធឆ្លើយតបឱ្យស្មើគ្នាលើគ្រប់ប្រទេសជុំវិញពិភពលោក ដែលបង្កជាកង្វល់សម្រាប់វិនិយោគិន។ នេះបើតាមការចុះផ្សាយរបស់បណ្ដាញព័ត៌មាន CNBC។

សន្ទស្សន៍ផ្សារភាគហ៊ុន S&P 500 បានធ្លាក់ចុះជិត ៥ ភាគរយ ដែលបង្កការខាតបង់ប្រហែល ២ ទ្រីលានដុល្លារ និងជាការធ្លាក់ចុះធ្ងន់ធ្ងរបំផុតក្នុងរយៈពេលត្រឹម ១ ថ្ងៃ រាប់តាំងពីខែមិថុនា ឆ្នាំ ២០២០ ពោលគឺចំពេលដែលពិភពលោកស្ថិតក្នុងជម្រៅនៃវិបត្តិកូវីដ-១៩។
ចំណែកឯសន្ទស្សន៍ផ្សារភាគហ៊ុន Dow Jones Industrial Average វិញ បានធ្លាក់ចុះធ្ងន់ធ្ងរបំផុតរាប់តាំងពីរយៈពេលដូចគ្នា ៥ ឆ្នាំ ដោយធ្លាក់ចុះជិត ៤ ភាគរយ ពេលបញ្ចប់ការជួញដូរ។ កាន់តែអាក្រក់ជាងនេះទៀត សន្ទស្សន៍ផ្សារភាគហ៊ុន Nasdaq ដែលប្រជុំដោយក្រុមហ៊ុនបច្ចេកវិទ្យាធំៗដូចជា Tesla, Apple, Nvidia, និង Microsoft ជាដើមនោះ បានធ្លាក់ចុះ ៦ ភាគរយ កាលពីម្សិលមិញ ដែលជាការធ្លាក់ចុះជាគំហុកបំផុត រាប់តាំងពីខែមីនា ឆ្នាំ ២០២០។
ផ្សារភាគហ៊ុនខាងវិស័យលក់រាយឯណោះវិញ កាន់តែរងគ្រោះខ្លាំងជាងនេះទៀត កាលពីថ្ងៃព្រហស្បតិ៍ ដោយសារ ត្រាំ ដាក់ពន្ធលើចិនសរុបរហូត ៥៤ ភាគរយ រាប់ទាំងការប្រកាសចុងក្រោយ ខណៈចិន ក៏ដូចជាវៀតណាម ជាធម្មតា គឺជាមជ្ឈមណ្ឌលផលិតកម្មរបស់ក្រុមហ៊ុនធំៗ។ ភាគហ៊ុនរបស់ក្រុមហ៊ុនស្បែកជើង Nike បានធ្លាក់ចុះ ១៤,៥ ភាគរយ ខណៈភាគហ៊ុនរបស់ក្រុមហ៊ុនសម្លៀកបំពាក់កីឡា Lululemon បានធ្លាក់ចុះ ១០ ភាគរយ និងក្រុមហ៊ុនម៉ូដ Ralph Lauren ធ្លាក់ចុះ ១៦ ភាគរយ ។

ការធ្លាក់ចុះធ្ងន់ធ្ងរនៃទីផ្សារភាគហ៊ុនអាមេរិក បង្ហាញពីផលអវិជ្ជមានភ្លាមៗនៃផែនការពន្ធជាប្រវត្តិសាស្ត្ររបស់លោក ត្រាំ ។ សូម្បីតែមុនពេលលោកប្រកាសវាឡើង គោលនយោបាយពាណិជ្ជកម្មរបស់លោក បានបង្កឱ្យមានភាពមិនច្បាស់លាស់សម្រាប់វិនិយោគិន អ្នកដឹកនាំអាជីវកម្ម អ្នកប្រើប្រាស់ និងអ្នកសន្សំប្រាក់ចូលនិវត្តន៍រួចទៅហើយ។
ឥឡូវនេះ ទីផ្សារភាគហ៊ុនកំពុងបង្ហាញពីការព្រួយបារម្ភយ៉ាងខ្លាំងអំពីគោលនយោបាយរបស់ប្រធានាធិបតី ត្រាំ ដែលបានសន្យាពេលមុនកាន់តំណែងថា លោកនឹងធ្វើឱ្យសេដ្ឋកិច្ចអាមេរិកមានស្ថិរភាព។ នៅពេលដែលស្ថានការណ៍កាន់តែអាក្រក់ទៅៗ អ្នកវិភាគកាន់តែព្រួយបារម្ភអំពីលទ្ធភាពនៃវិបត្តិសេដ្ឋកិច្ច៕

-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានជាតិ១ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា