Connect with us

សេដ្ឋកិច្ច

តម្លៃហាងឆេងមាសដាំក្បាលចុះ ១០០ ដុល្លារ

បានផុស

នៅ

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន ​PP Link securities បានប្រាប់ឱ្យដឹងនៅថ្ងៃទី ០៤ ខែមេសា ឆ្នាំ ២០២៥ ថា តម្លៃហាងឆេងមាសបានធ្លាក់ចុះ ១០០ ដុល្លារ ក្នុងមួយតម្លឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង សំណាង ពន្យល់ថា ប្រសិនបើយើងមើលព័ត៌មានការដាក់សម្ពាធពន្ធរបស់អាមេរិក តម្លៃ​ហាង​ឆេងមាស អាចនឹងកើនឡើងខ្លាំង ក្រោយពីការប្រកាសរបស់លោក ដូណាល់ ត្រាំ ប្រធានាធិបតី​សហរដ្ឋអាមេរិក ហើយមាសបានស្ទុះឡើងដល់តម្លៃខ្ពស់មែន ប៉ុន្តែមាសបានដាំក្បាលចុះមកវិញ ១០០ ដុល្លារ ក្នុងមួយតម្លឹង។

លោក ឡុង សំណាង បញ្ជាក់ថា៖ «ការធ្លាក់ចុះនេះ គឺខ្លាំងមែនទែន គឺពាក់ព័ន្ធជាមួយនឹង វិនិយោគិនធំៗ ជាធម្មតា ការជួញដូរ​តម្លៃហាងឆេងមាស ពេលដែលយើងមានមាសច្រើន អ្នកវិនិយោគធំៗ ឬក៏ធនាគារធំៗ ដែលគេវិនិយោគទៅលើតម្លៃហាងឆេងមាស អញ្ចឹងពេល​ដែលតម្លៃហាង​ឆេងមាសឡើង​ដល់ខ្ពស់ហើយ វិនិយោគិនធំ គេកាត់ចំណេញ​ អញ្ចឹងចំនួន​អ្នកទិញនឹងថយចុះ តម្លៃហាងឆេងមាសនៅសល់តែអ្នកលក់ មាសក៏ចាប់ផ្ដើមធ្លាក់ចុះវិញ»។

លោក ឡុង សំណាង បន្ថែមថា ពេលដែលវិនិយោគិនធំៗ និងធនាគារធំៗ ដែលគេទិញទៅលើតម្លៃហាង​ឆេងមាស កាត់ចំណេញ ឬលក់មាសហ្នឹងចេញវិញ ទីផ្សារ​នឹង​ដាំក្បាលចុះ ប៉ុន្តែការដាំក្បាលចុះមកវិញមិនចុះស្មើដើម ឬទាបទេ ប្រសិនបើឡើង ១០០ លេខ អញ្ចឹង​វាធ្លាក់ប្រហែល ៣០ លេខ ឬ ៥០ លេខ។

ត្រង់ចំណុចនេះលោកបារម្ភខ្លាចបងប្អូនប្រជាពលរដ្ឋខ្មែរ ជួញដូរទៅលើឧបករណ៍​និស្សន្ទ​ ឬគងតម្លៃ​ទីផ្សារខាងក្រៅទិញមាសគីឡូ គាត់ឃើញតែ​ឡើងគាត់បុកទិញដល់ពេល វិនិយោគិនធំៗ គេលក់មាស​យកចំណេញ គាត់អត់បានដឹងគាត់នឹងខាត។

តម្លៃមាសបានធ្លាក់ចុះមកនៅ ៣០៣៧ ដុល្លារ ក្នុងមួយអោន នៅលើទីផ្សារអន្តរជាតិ ឬស្មើនឹង ៣៦៦០ ដុល្លារ ក្នុងមួយតម្លឹងនៅកម្ពុជា។

សម្រាប់ហាងឆេងមាសក្នុងស្រុកនៅតាបណ្ដាហាងនានានៅរាជធានីភ្នំពេញលក់ចេញក្នុងតម្លៃ ៣៧០ ដុល្លារ ក្នុងមួយជីនៅថ្ងៃទី ០៥ ខែមេសា ឆ្នាំ ២០២៥៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group
សេដ្ឋកិច្ច២៣ វិនាទី មុន

តម្លៃហាងឆេងមាសដាំក្បាលចុះ ១០០ ដុល្លារ

ព័ត៌មានជាតិ២ នាទីutes មុន

សម្តេចធិបតី អះអាងយ៉ាងម៉ឺងម៉ាត់ មិនអនុញ្ញាតឱ្យមានមូលដ្ឋានយោធាបរទេសផ្តាច់មុខនៅទឹកដីកម្ពុជា

ព័ត៌មានជាតិ៧ នាទីutes មុន

សម្តេច ម៉ែន សំអន បួងសួងសុំសេចក្តីសុខ សេចក្តីចម្រើនជូនពលរដ្ឋកម្ពុជា ក្នុងឱកាសឆ្នាំថ្មី ប្រពៃណីជាតិខ្មែរ ដែលនឹងឈានមកដល់នៅពេលខាងមុខនេះ

វប្បធម៌ ជំនឿ១១ នាទីutes មុន

អាជ្ញាធរជាតិអប្សរា ក្រើនរម្លឹកដល់ភ្ញៀវទេសចរ ស្លៀកពាក់ឲ្យបានសមរម្យពេលចូលទស្សនាក្នុងរមណីយដ្ឋានអង្គរ

ព័ត៌មានជាតិ១៤ នាទីutes មុន

ឧបនាយករដ្ឋមន្ត្រី ហ៊ុន ម៉ានី ចាត់តំណាងនាំយកអំណោយជូនកងកម្លាំង និងរដ្ឋបាលខេត្ត ក្រុង ស្រុក ឃុំ សង្កាត់ទាំងអស់ ក្នុងខេត្តកំពង់ស្ពឺ

Sokha Hotels

ព័ត៌មានពេញនិយម