ព័ត៌មានជាតិ

ស្ថានីយប្រព្រឹត្តកម្មទឹកកខ្វក់ ៤ កន្លែង ខេត្តព្រះសីហនុ មានលទ្ធភាពចម្រោះទឹកកខ្វក់បាន ៦២ ៤០០ ម៉ែត្រគូប ក្នុង ១ថ្ងៃ

បានផុស

៨ ខែ មុន

នៅ

ថ្ងៃចន្ទ ៦ តុលា ២០២៥

ដោយ

ខេត្តព្រះសីហនុដែលជាខេត្តស្ថិតនៅតំបន់ឆ្នេរ មានស្ថានីយប្រព្រឹត្តកម្មទឹកកខ្វក់ចំនួន ៤ កន្លែង ដែលមានសមត្ថភាពអាចចម្រោះទឹកកខ្វក់បាន ៦២ ៤០០ ម៉ែត្រគូប ក្នុង ១ ថ្ងៃ។ នេះបើតាមការឲ្យដឹងពីលោក ឡុង ឌីម៉ង់ អភិបាលរងខេត្តព្រះសីហនុប្រាប់កម្ពុជាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានីយទី ១ មានសមត្ថភាពប្រព្រឹត្តកម្មទឹកកខ្វក់បានប្រមាណ ៥ ២០០ ម៉ែត្រគូប ក្នុង ១ ថ្ងៃ។ ស្ថានីយទី២ មានសមត្ថភាពប្រព្រឹត្តកម្មទឹកកខ្វក់ប្រមាណ ៧ ២០០ ម៉ែត្រគូប ក្នុង១ថ្ងៃ។ ស្ថានីយទី ៣ មានសមត្ថភាពប្រព្រឹត្តកម្មទឹកកខ្វក់ប្រមាណ ២០ ០០០ ម៉ែត្រគូប ក្នុង១ថ្ងៃ និងស្ថានីយច្រោះសម្អាតទឹកកខ្វក់អូរឈើទាល ដែលអភិវឌ្ឍលើផ្ទៃដីទំហំ ១៦ ហិកតា មានសមត្ថភាពច្រោះទឹកកខ្វក់បាន ៣០ ០០០ ម៉ែត្រគូប/ក្នុងមួយថ្ងៃ។

បើតាមលោក ឡុង ឌីម៉ង់ ស្ថានីយប្រព្រឹត្តកម្មចម្រោះទឹកកខ្វក់ទាំង ៤ កន្លែង គ្រប់ដណ្តប់បានប្រមាណជា ៧០% ដែលបានបំពេញតួនាទីជួយបន្សុទ្ធទឹកកខ្វក់ឱ្យក្លាយជាទឹកស្អាតស្របតាមស្តង់ដារបរិស្ថាន មុននឹងបញ្ចេញចោលទៅសមុទ្រចូលរួមទប់ស្កាត់ផលប៉ះពាល់ដល់បរិស្ថាន។

បន្ថែមពីនេះ បើតាមមន្រ្តីអ្នកនាំពាក្យរដ្ឋបាលខេត្តព្រះសីហុន ខេត្តក្នុងតំបន់ឆ្នេរមួយនេះក៏មានស្ថានីយបូមទឹកកខ្វក់ចំនួន ៨ កន្លែង ដែលមានសមត្ថភាពបូមបានចំនួន ៤៤ ០៦៤ ម៉ែត្រគូប ក្នុង១ថ្ងៃ និងកំពុងដំណើរការសាងសង់ស្ថានីយបូមទឹកកខ្វក់ចំនួន ២ ទីតាំងបន្ថែមទៀត៕

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា