អត្ថាធិប្បាយ
ក្រុមអ្នកប្រកបរបរសេដ្ឋកិច្ចក្រៅប្រព័ន្ធ លើកពីគុណបំណាច់ដ៏ធំធេងរបស់សម្តេចតេជោ ហ៊ុន សែន ចំពោះកម្ពុជា ដែលក្រុមប្រឆាំងគួរតែរៀនសូត្រ
បើនិយាយអំពីសន្តិភាព និងការអភិវឌ្ឍ ពិតណាស់យើងមិនអាចប្រែក្រឡាស់ប្រវត្តិសាស្រ្តបានទេ។ សម្តេចអគ្គមហាសេនាបតីតេជោ ហ៊ុន សែន បានលះបង់សាច់ស្រស់ ឈាមស្រស់អស់រយៈពេលជាង៤០ឆ្នាំ ដើម្បីបុព្វហេតុជាតិ អធិតេយ្យភាព បូរណភាពទឹកដី ពិសេស គឺរក្សាឱ្យបាននូវរបបលទ្ធិប្រជាធិបតេយ្យសេរី និងការពាររាជបល្ល័ង្ក សម្រាប់ប្រជានុរាស្រ្តខ្មែរគ្រប់ៗរូប។
![](https://www.kampucheathmey.com/wp-content/uploads/2024/03/photo_2024-03-09_13-24-21-1024x682.jpg)
កម្ពុជាមុននឹងមានថ្ងៃនេះ គឺបានឆ្លងកាត់ភាពលំបាកច្រើនស្ទើរតែបាត់បង់ប្រទេស បើគ្មានការដឹកនាំប្រទេសរបស់សម្តេចតេជោទេនោះ ម្លេះកម្ពុជា អាចនឹងបន្តជោគជាំដោយភ្លើងសង្គ្រាម គ្មានថ្ងៃផ្សះផ្សា និងសមាហរណកម្មបានឡើយ។ ជាសក្ខីភាពស្រាប់ មានដូចជា ការអនុវត្តគោលនយោបាយ DIFIT គោលនយោបាយជំហានគីង្គក់ និងអភិក្រម៥ ពិសេស គោលនយោបាយការទូត ទំនាក់ទំនងដៃគូរវិនិយោគ ដែលបានស្តារឡើងវិញនូវប្រព័ន្ធហេដ្ឋារចនាសម្ព័ន្ធពាក់ព័ន្ធទឹក ផ្លូវ ភ្លើង និងការបណ្តុះបណ្តាលធនធានមនុស្ស ក្រោយពីការបំផ្លាញគ្មានសល់ក្នុងរបបប្រល័យពូជសាសន៍ប៉ុលពត។ល។
![](https://www.kampucheathmey.com/wp-content/uploads/2024/03/photo_2024-03-09_13-59-16-1024x768.jpg)
លោក ហេង សំណាង ប្រធានក្រុមយុវជនសង្គមស៊ីវិល បណ្តុំអង្គការសមាគម សង្គមស៊ីវិលនានា បានថ្លែងឱ្យដឹងថា សម្តេចតេជោ តែងតែសន្តោសប្រណីដល់ក្រុមប្រឆាំង និងបើកទ្វារយ៉ាងទូលាយ ដើម្បីមានឱកាសចូលមកធ្វើកិច្ចការបម្រើប្រទេសជាតិពិតទាំងអស់គ្នា។ ក្នុងនាមខ្មែរតែមួយ ជាតិសាសន៍តែមួយ គួរឈប់បង្កើតវប្បធម៌ជះទឹកដាក់គ្នាទៀតទៅ ក្នុងនាមមនសិកាអ្នកសេ្នហាជាតិពិតប្រាកដ គ្មានទេពាក្យថា សត្រូវ មានតែការរួមដៃគ្នាជាធ្លុងមួយ ដើម្បីបម្រើជាតិមាតុភូមិតែប៉ុណ្ណោះ។ លោក ហេង សំណាងសូមឱ្យមានការបង្រួបសង្រួម សូមបញ្ចប់វប្បធម៌ប្រឆាំងជ្រុលនិយមតាមជនភៀសខ្លួនក្រៅប្រទេស ព្រោះវា គឺជានយោបាយបំបែកបំបាក់ លាបពណ៌ ភូតភរ កុហក ប្រជាភិថុតិ រាប់សិបឆ្នាំមកនេះ មិនដែលឃើញធ្វើអ្វីជូនមាតុភូមិ មានការរីកចំរើនបាននោះទេ។
![](https://www.kampucheathmey.com/wp-content/uploads/2024/03/photo_2024-03-09_13-24-21-2.jpg)
លោក ហេង សំណាង បានគូសបញ្ជាក់ថា សន្តិភាព ប្រទេសណាក៏ចង់បានដែរ បើគ្មានសន្តិភាពទេ ពិតណាស់ក៏គ្មានការអភិវឌ្ឍ និងគ្មានអ្វីៗទាំងអស់។ សម្រាប់លោក ហេង សំណាង ស្នាដៃដ៏ឧត្តុង្គឧត្តម និងសមិទ្ធិផលរាប់មិនអស់របស់សម្តេចតេជោ នៅក្នុងប្រវត្តិសាស្រ្ត មានច្រើនណាស់ ជាអាទិ៍ គឺទី១. ការរំដោះប្រជាជាតិខ្មែរចេញពីរបបប្រល័យពូជសានស៍ខ្មែរក្រហម ថ្ងៃ៧ មករា ឆ្នាំ១៩៧៩ ទី២. ការបញ្ចប់សង្រ្គាមស៊ីវិលទាំងស្រុងនៅឆ្នាំ១៩៩៨ និងទី៣. យុទ្ធនាការប្រយុទ្ធប្រឆាំងនឹងជំងឺកូវីដ-១៩។
ដូចនេះហើយ សករាជតេជោសែន គឺជាតឹកតាងមួយសម្រាប់កូនខ្មែរគ្រប់ជំនាន់ចងចាំមិនអាចភ្លេចបាននោះទេនូវការធ្វើកំណែទម្រង់គ្រប់សព្វបែបយ៉ាងដែលនាំឱ្យកម្ពុជាបានស្គាល់នូវសន្តិភាពពេញលេញ និងការអភិវឌ្ឍគ្រប់វិស័យ សម្បូរសប្បាយរហូតមកដល់សព្វថ្ងៃ គឺពិតជាមិនងាយស្រួលនឹងនណាៗអាចធ្វើបាននោះឡើយ។ ជាពិសេសសម្រាប់នីតិកាលទី៧នេះ គឺបានសបញ្ជាក់ថា កម្ពុជា បានបោះជំហានមួយទៀត គឺបានផ្តល់ឱកាសដល់យុវជនជំនាន់ក្រោយឱ្យមានឱកាសបញ្ចេញសមត្ថភាព ដើម្បីចូលរួមសកម្មភាពជាស្នាដៃក្នុងការអភិឌ្ឍប្រទេសជាតិ និងបន្តការពាសន្តិភាពឱ្យខានតែបាន គឺសម្តេចមហាបវរធិបតី ហ៊ុន ម៉ាណែត និងឥស្សរជនវ័យក្មេងជំនាន់ក្រោយប្រកបដោយកម្លាំងថាមពលយ៉ាងពិតប្រាកដ។
![](https://www.kampucheathmey.com/wp-content/uploads/2024/03/photo_2024-03-09_13-24-22.jpg)
កូនខ្មែរទាំងអស់ត្រូវចងចាំជានិច្ចនូវគុណូបការៈដ៏ថ្លៃថ្លា និងការលះបង់មហាធំធេងរបស់សម្តេចតេជោ ហ៊ុន សែន ចំពោះស្នាដៃដ៏ឧត្តុង្គឧត្តមជាច្រើនដែលឥតគណនាបាន ពិសេស សម្តេចបានលះបង់ទាំងកម្លាំងកាយចិត្ត ប្រកបដោយគតិបណ្ឌិត ដើម្បីប្តូរយកសន្តិភាព និងការអភិវឌ្ឍសម្រាប់ប្រទេសជាតិទាំងមូល និងបន្តធានាបាននូវស្ថេរភាពជារៀងដរាប៕
ដោយ៖ ក្រុមយុវជនសង្គមស៊ីវិល
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៣ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?