កូវីដ-១៩
២សប្តាហ៍ទៀត ប្រទេសឥណ្ឌា នឹងក្លាយជា “ឋាននរក”
វេជ្ជបណ្ឌិតម្នាក់ ដែលដើរតួនាទីយ៉ាងសំខាន់អំឡុងការផ្ទុះឡើងនៃជំងឺកូវីដ-១៩នៅក្នុងប្រទេសឥណ្ឌា បានព្រមានថា រយៈពេល២សប្តាហ៍ទៀត ប្រទេសឥណ្ឌានឹងក្លាយជា “ឋាននរក”។

លោកវេជ្ជបណ្ឌិត Shaarang Sachdev មកពីមន្ទីរពេទ្យឯកទេសសុខភាពពិសេស Aakash បាននិយាយថា ប្រទេសឥណ្ឌា កំពុងជួបប្រទះចំណុចអាក្រក់ដ៏បំផុត នៃជំងឺរាតត្បាតនេះ។

ឥណ្ឌា បានប្រកាសពីអ្នកឆ្លងថ្មីចំនួន ៣៥២,៩៩១នាក់និងអ្នកស្លាប់២,៨១២នាក់ ក្នុងរយៈពេល ២៤ម៉ោងចុងក្រោយ ដែលជាចំនួនខ្ពស់បំផុតប្រចាំថ្ងៃក្នុងពិភពលោក ដោយបានបំបែកកំណត់ត្រាចាស់របស់ខ្លួនកាលពីថ្ងៃសៅរ៍។

ថ្លែងប្រាប់ទូរទស្សន៍ Sky News លោកវេជ្ជបណ្ឌិត Sachdev បាននិយាយថា “ពេលនេះ ស្ថានភាពគឺធ្ងន់ធ្ងរបំផុត។ ជំងឺរាតត្បាតនេះ គឺជារោគដ៏អាក្រក់បំផុតដែលយើងមិនធ្លាប់បានឃើញ រហូតមកដល់ពេលនេះ។ ពីរសប្តាហ៍ទៀត នឹងក្លាយជាឋាននរកសម្រាប់យើង”។

ដោយចង្អុលទៅនារីវ័យក្មេងម្នាក់ពាក់ឧបករណ៍ជំនួយខ្យល់ដកដង្ហើម លោកបាននិយាយថា “ស្ត្រីម្នាក់នោះគួរតែស្ថិតនៅក្នុងបន្ទប់ ICU ក្នុងខណៈពេលនេះ នាងបាននៅទីនេះអស់រយៈពេលពីរថ្ងៃមក ហើយពីព្រោះមិនមានគ្រែទេនៅក្នុងបន្ទប់សង្គ្រោះបន្ទាន់”។

ស្របពេលជាមួយគ្នានោះ នាយករដ្ឋមន្ត្រីរដ្ឋ Karnataka លោក B. S. Yediyurappa បាននិយាយថា ស្ថានភាពគឺមិនអាចគ្រប់គ្រងបានទេ។ លោកបន្ថែមថា ការបូជាឬបញ្ចុះសព ត្រូវតែធ្វើឲ្យបានឆាប់រហ័ស និងគោរពតាមលក្ខណៈវិមជ្ឈការដោយមើលតាមកាលៈទេសៈ និងដើម្បីចៀសវាងការប្រមូលផ្តុំគ្នានៅក្នុងកន្លែងបូជាសពនិងទីបញ្ចុះសព។

ឈាបនដ្ឋានចំនួន៧របស់ទីក្រុង Bangalore ត្រូវធ្វើការ២៤ម៉ោងក្នុងមួយថ្ងៃ ដោយសារតែពួកគេព្យាយាមគ្រប់គ្រងបន្ទុកលើសការងារធម្មតារហូតដល់ទៅ ៤ដងឯណោះ។

ការកក់កន្លែងបូជាសពមានដាក់ឈើត្រឹមត្រូវ នៅទីក្រុង Ghaziabad គឺលែងទទួលហើយ ហើយសាកសពកំពុងត្រូវបានដុតនៅតាមទីធ្លាកណ្តាលវាល៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ វីដេអូ៤នាទី បង្ហាញសោកនាដកម្មកូវីដនៅឥណ្ឌា អ្នកខ្លះត្រូវទុកឲ្យស្លាប់ក្នុងឡាន ព្រោះពេទ្យអស់កន្លែងដាក់

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២៣ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់