កូវីដ-១៩

ឃាត់ខ្លួនមន្ត្រីយោធាម្នាក់ បើករថយន្ដ Rolls Royce ដឹកជនជាតិចិនធ្វើដំណើរល្មើសបម្រាម

បានផុស

៤ years មុន

នៅ

ថ្ងៃអង្គារ ២៧ មេសា ២០២១

ដោយ

កម្លាំងនគរបាលឈរជើងតំបន់បិទខ្ទប់នៅចំណុចរង្វង់មូលគួចកាណុង ក្នុងសង្កាត់ស្រះចក ខណ្ឌ ដូនពេញ បានឃាត់រថយន្តទំនើបមួយគ្រឿងម៉ាកRolls Royce រួមទាំងមនុស្សប្រុសស្រី៤នាក់ ក្នុងនោះជនជាតិចិន៣នាក់ និងខ្មែរម្នាក់ជាមន្ត្រីយោធា ជាអ្នកបើរថយន្ដដឹកជនជាតិទាំងនោះ ដោយគ្មានឯកសារធ្វើដំណើរ ក្នុងអំឡុងពេលទប់ស្កាត់ការរីករាលដាលការឆ្លងជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់រថយន្តនេះ បានធ្វើឡើងកាលពីវេលាម៉ោង២រសៀលថ្ងៃទី២៧ ខែមេសា ឆ្នាំ២០២១ នៅចំណុចរង្វង់មូលគួចកាណុង ស្ថិតនៅមូលដ្ឋានសង្កាត់ស្រះចក ខណ្ឌដូនពេញ រាជធានីភ្នំពេញ។

មន្ត្រីនគរបាលនៅគោលដៅនោះបានឲ្យដឹងថា កម្លាំងចម្រុះឈរជើងនៅគោលដៅបានឃាត់រថយន្តស៊េរីទំនើបមួយគ្រឿងម៉ាក Rolls Royce ពណ៌ខ្មៅ ពាក់ស្លាកលេខ កម្ពុជា BRS.7377 ដោយរួមដំណើរក្នុងរថយន្តមានមនុស្សចំនួន៤នាក់ ក្នុងនោះអ្នកបើករថយន្តជនជាតិខ្មែរ ជាមន្ត្រីយោធាឋានន្តរសក្ដិ អនុសេនីយ៍ឯក ឈ្មោះ មឿង សាមន ភេទប្រុស និងជនជាតិចិន០៣នាក់ ប្រុស០២ ស្រី០១នាក់។ ដោយមានការសង្ស័យកម្លាំងចម្រុះក៏បានឃាត់រួចសួរនាំបុរសអ្នកបើកបរបានឲ្យដឹងថា ខ្លួនដឹកជនជាតិពីសណ្ឋាគារមួយកន្លែងពីមូលដ្ឋានសង្កាត់ទន្លេបាសាក់ ខណ្ឌចំការមន គោលបំណងទៅសណ្ឋាគារសុខា ជ្រោយចង្វារ ទាំងដែលជនជាតិចិនទាំង០៣នាក់នោះ ពុំមានលិខិតអនុញ្ញាតធ្វើដំណើរឡើយ។

ក្រោយពេលប្រតិបត្តិការ កម្លាំងនគរបាលបានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីសួរនាំនិងចាត់ការតាមនីតិវិធី៕

អត្ថបទ ៖ សុខុម