កូវីដ-១៩

រដ្ឋបាលខេត្តបាត់ដំបង បន្តបិទទីតាំងមួយចំនួនរយៈពេល១៤ថ្ងៃទៀត ដើម្បីទប់ស្កាត់ជំងឺកូវីដ១៩

បានផុស

៤ years មុន

នៅ

ថ្ងៃពុធ ២៨ មេសា ២០២១

ដោយ

បើទោះបីជាប្រមុខរាជរដ្ឋាភិបាល បានប្រកាសឲ្យបើកឡើងវិញនូវតំបន់ទេសចរណ៍នៅទូទាំងប្រទេស និងការធ្វើដំណើរឆ្លងខេត្តឡើងវិញក៏ដោយ គឺខេត្តបាត់ដំបងនៅតែបន្តការបិទតំបន់ និងទីតាំងមួយចំនួនក្នុងរយៈពេល១៤ថ្ងៃទៀតដែរ ក្នុងគោលបំណងទប់ស្កាត់ការរីករាលដាលនូវជំងឺកូវីដ១៩ទៅក្នុងសហគមន៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅយប់ថ្ងៃទី២៧ ខែមេសា ឆ្នាំ២០២១នេះ រដ្ឋបាលខេត្តបាត់ដំបងបានចេញសេចក្តីសម្រេចមួយស្ដីពីការបន្តការបិទទីតាំង និងតំបន់មួយចំនួនក្នុងរយៈពេល១៤ថ្ងៃ ដោយគិតចាប់ពីថ្ងៃទី២៩ ខែមេសា រហូតដល់ថ្ងៃទី១៣ ខែឧសភា ឆ្នាំ២០២១ ក្នុងគោលបំណងទប់ស្កាត់កុំឲ្យមានការឆ្លងរីករាលដាលកាន់តែខ្លាំងក្នុងសហគមន៍នៃជំងឺកូវីដ-១៩ ។

រដ្ឋបាលខេត្តបាត់ដំបង បានចេញសេចក្តីសម្រេចណែនាំបន្តមិនឲ្យមានការលក់ដូរនូវគ្រឿងស្រវឹងគ្រប់ប្រភេទ និងការជួបជុំសេពគ្រឿងស្រវឹងរយៈពេល១៤ថ្ងៃបន្ថែមទៀត និងអនុញ្ញាតឲ្យបើកទីតាំងផ្សារមួយចំនួនឡើងវិញដូចជាផ្សារណាត់ ផ្សារថ្មគោល និងផ្សារមោង ជាដើម៕

អត្ថបទ ៖ សោ និយមរដ្ឋ