កូវីដ-១៩

ប្រាក់ខែ ៥០ ភាគរយនឹងបើកជូនកម្មករកម្មការិនីក្នុងអំឡុងបិទខ្ទប់

បានផុស

៤ years មុន

នៅ

ថ្ងៃពុធ ២៨ មេសា ២០២១

ដោយ

មន្ត្រីជាន់ខ្ពស់ក្រសួងការងារ បណ្ដុះបណ្ដាលវិជ្ជាជីវៈបានបញ្ជាក់ថា កម្មករកម្មការនីដែលប៉ះពាល់ពីវិធានការបិទខ្ទប់របស់រដ្ឋាភិបាល នឹងទទួលបានប្រាក់ខែ ៥០ ភាគរយនៃប្រាក់ឈ្នួលប្រចាំខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ក្នុងអំឡុងពេលបិទខ្ទប់រាជធានីភ្នំពេញ និងក្រុងតាខ្មៅ មានកម្មកររោងចក្រប្រមាណ ៤០ ម៉ឺននាក់ មិនអាចចេញទៅធ្វើការបាន។ ក្រៅពីនោះក៏មានកម្មករនិយោជិតជាង ១ លាន ២ សែននាក់រងផលប៉ះពាល់។

លោកហេង សួរ អ្នកនាំពាក្យក្រសួងការងារ បណ្ដុះបណ្ដាលវិជ្ជាជីវៈបានថ្លែងក្នុងសន្និសីទនៅព្រឹកនេះថា ទោះបីកម្មករកម្មការិនីរោងចក្រដែលប៉ះពាល់ពីវិធានការបិទខ្ទប់របស់រដ្ឋាភិបាលមិនអាចចេញទៅធ្វើការបាន ពួកគេនឹងទទួលបានប្រាក់ខែ ៥០ ភាគរយនៃប្រាក់ខែគោល រួមកញ្ចប់ឧបត្ថម្ភបន្ថែមមួយចំនួនទៀត។

“នៅក្នុងខែមេសាពួកគេធ្វើការបានពីរសប្តាហ៍ ដូច្នេះពួកគេទទួលបាន ៥០ ភាគរយនៃប្រាក់ឈ្នួលប្រចាំខែ ដោយឡែកចាប់ពីសប្តាហ៍ទី៣ និងសប្តាហ៍ទី៤ គឺស្ថិតនៅក្នុងដំណាក់កាលបិទខ្ទប់។ យ៉ាងណា ពួកគាត់ក៏នឹងទទួលបានប្រាក់ឧបត្ថម្ភបន្ថែមពីរដ្ឋាភិបាល និងតាមលទ្ធភាពរបស់រោងចក្រនីមួយៗ។

របាយការណ៍ពីក្រសួងការងារ បណ្ដុះបណ្ដាលវិជ្ជាជីវៈបានឲ្យដឹងថា មានរោងចក្រ ២០៦ កន្លែងនៅទូទាំងប្រទេស ដែលបានរកឃើញមានកម្មករកម្មការិនីឆ្លងកូវីដ ១៩ ក្នុងនោះនៅរាជធានីភ្នំពេញ មានចំនួន ១៣៤ រោងចក្រ។ ចំណែកតុល្យភាពកម្មករកម្មការិនីសរុបទូទាំងប្រទេសឆ្លងកូវីដមានចំនួនសរុប ១៦៧៣ នាក់៕

Related Topics:កូវីដ-១៩