កូវីដ-១៩

អាជ្ញាធរស្រុកត្បូងឃ្មុំ បានបិទខ្ទប់ភូមិខណៈមានអ្នកស្លាប់ដោយសារជម្ងឺកូវីដ-១៩

បានផុស

៤ years មុន

នៅ

ថ្ងៃពុធ ២៨ មេសា ២០២១

ដោយ

ត្បូងឃ្មុំ៖ ដើម្បីកាត់ផ្តាច់ខ្សែចម្លង និងការទប់ស្កាត់ ព្រមទាំងប្រុងប្រយ័ត្នការឆ្លងរីករាលដាល ជំងឺកូវីដ-១៩ អាជ្ញាធរខេត្តត្បូងឃ្មុំ បានបិទខ្ទប់ជាបណ្តោះអាសន្ន ភូមិរកាធំ ឃុំជីរោទ៍ទី១ ស្រុកត្បូងឃ្មុំ បន្ទាប់ពីរកឃើញពលរដ្ឋខ្មែរស្លាប់ដោយសារឆ្លងជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅយប់ ថ្ងៃទី២៧ ខែមេសា ឆ្នាំ២០២១ មានស្លាប់ស្រ្តីម្នាក់ឈ្មោះ សុខ គឹមសឿន អាយុ៤៦ឆ្នាំ រស់នៅភូមិរកាធំ ឃុំជីរោជ៍ទី១ ស្រុកត្បូងឃ្មុំ ខេត្តត្បូងឃ្មុំ បានទទួលមរណភាពដោយសារជំងឺកូវីដ-១៩។

បន្ទាប់ពីមានករណីនេះភ្លាមៗ អាជ្ញាធរស្រុកត្បូងឃ្មុំ សហការជាមួយក្រុមគ្រូពេទ្យ បានបញ្ជូនសពស្ត្រីម្នាក់នោះ ទៅបូជានៅឈាបនដ្ឋាន ភ្នំចាន ស្ថិតក្នុងស្រុកត្បូងឃ្មុំ ដែលរដ្ឋបាលខេត្តត្បូងឃ្មុំបានត្រៀមទុកបូជាអ្នកដែលស្លាប់ដោយសារកូវីដ-១៩។

អាជ្ញាធរស្រុកត្បូងឃ្មុំ បានបន្តចុះផ្សព្វផ្សាយដាក់មេក្រូប្រកាសក្នុងភូមិ ដល់ប្រជាពលរដ្ឋ ដែលធ្លាប់ប៉ះពាល់ផ្ទាល់ ឬប្រយោល និងរស់នៅក្នុងជាមួយស្ត្រីម្មាក់នោះ ត្រូវធ្វើការតាមដានសុខភាព ដោយត្រូវអនុវត្តន៍វិធានសុខាភិបាល ៣ការពារ៣កុំ និងពិនិត្យតាមដានយ៉ាងយកចិត្តទុកដាក់បំផុត ដោយយកសំណាក ធ្វើចត្តាឡីស័កនៅមណ្ឌលត្បូងឃ្មុំ។

ជាមួយគ្នានោះ អាជ្ញាធរខេត្តបានចេញសេចក្តីសម្រេច បិទខ្ទប់ភូមិរកាធំ ឃុំជីរោទ៍ទី១ មួយរយៈសិន ដោយមិនអនុញ្ញាតប្រជាពលរដ្ឋណាម្នាក់ធ្វើដំណើរចេញចូលឆ្លងកាត់ឡើយ៕

អត្ថបទ និង រូបភាព លោក ហុង ម៉េងហៀ