កូវីដ-១៩

ជាង ១០ ថ្ងៃ នៅតែបន្តរកឃើញអាជីវករផ្សារដើមគ ឆ្លងកូវីដ ១៩

បានផុស

៤ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

បើយោងតាមរបាយការណ៍របស់ក្រសួងសុខាភិបាល បានរកឃើញអ្នកឆ្លងកូវីដចំនួន ៦៩៨ នាក់កាលពីម្សិលមិញនេះ។ បើតាមអត្តសញ្ញាណក្នុងចំណោមអ្នកឆ្លងទាំង ៦៩៨ នាក់ ក៏មានអាជីវករផ្សារដើមគម្នាក់ បញ្ជាក់មានវិជ្ជមានកូវីដ ១៩។

អាជីវករផ្សារដើមគដែលបានឆ្លងកូវីដ មានឈ្មោះ កាន គឿន ភេទប្រុស អាយុ ៥៣ ឆ្នាំ មានទីលំនៅនៅភូមិព្រែក សង្កាត់ច្បារអំពៅ ខណ្ឌច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្សារដើមគជាចំណុចផ្ទុះរាលដាល ក្រោយពេលរកឃើញអ្នកឆ្លងជិត ១០០ នាក់ភាគច្រើនជាអាជីវករ។

ក្រោយពេលករណីផ្ទុះឆ្លងលើអាជីវករហើយរាលដាលយ៉ាងរហ័ស អាជ្ញាធរបានប្រកាសផ្អាកដំណើរការផ្សារដើមគ និងផ្សារបន្លែជុំវិញតំបន់ផ្សារដើមគ ដើម្បីបង្ការការឆ្លងរាលដាលទៅដល់បងប្អូនអាជីវករ អតិថិជន ក៏ដូចជាប្រជាពលរដ្ឋដែលចេញចូលផ្សារ បន្ទាប់មានអាជីវករ និងកម្លាំងសន្តិសុខផ្សារប្រមាណ១០០នាក់ឆ្លងកូវីដ-១៩ ក្នុងព្រឹត្តិការណ៍សហគមន៍២០កុម្ភៈ។

ជាមួយគ្នានេះ អាជ្ញាធរបានចុះទៅយកសំណាកអ្នកដែលពាក់ព័ន្ធ និងណែនាំឲ្យបងប្អូនដែលសង្ស័យត្រូវដាក់ខ្លួនដាច់ដោយឡែក និងតាមដានសុខភាពខ្លួនជាប្រចាំ។

ការផ្ទុះកូវីដលើអាជីវករផ្សារជាបន្តបន្ទាប់ រដ្ឋបាលរាជធានីភ្នំពេញ បានសម្រេចបិទផ្សារទូទាំងរាជធានីទាំងផ្សាររដ្ឋ ទាំងផ្សារឯកជនមិនរៀបរយលើផ្លូវសាធារណៈ ដើម្បីកាត់ផ្ដាច់នៃការឆ្លងរីករាលដាលនៃមេរោគកូវីដ-១៩ ។

ផ្សាររដ្ឋ និងផ្សារមិនរៀបរយដូចជា ផ្សារក្រមួន, ផ្សារចាត់តាំង, ផ្សាររោងចក្រ, ផ្សារសហគមន៍, ផ្សារក្នុងដីឡូត៍ឯកជន, ផ្សារជុំវិញមន្ទីរពេទ្យ និងផ្សារតាមចិញ្ចើមផ្លូវ ត្រូវផ្អាកជាបណ្ដោះអាសន្នរយៈពេល ១៤ថ្ងៃ គិតចាប់ពីថ្ងៃទី២៤ ខែមេសា ដល់ថ្ងៃទី០៧ ឧសភា ឆ្នាំ២០២១៕

Related Topics: