កូវីដ-១៩

គ្រូពេទ្យជំនាញផ្លូវដង្ហើមថៃ ពន្យល់ច្បាស់ៗពីអាការឆ្លងកូវីដបំប្លែងខ្លួនអង់គ្លេស ដែលអ្នកគួរដឹង

បានផុស

៤ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

ចំពោះរោគសញ្ញាអ្នកជំងឺដែលបានឆ្លងកូវីដបំប្លែងខ្លួនថ្មីរបស់ចក្រភពអង់គ្លេស ត្រូវបានពន្យល់លំអិតពីអាការក្រោយឆ្លងដោយគ្រូពេទ្យផ្លូវដង្ហើមនៃខេត្ត សាមុត សាខន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីវេជ្ជបណ្ឌិត Nittha Oer-areemitr នៃមន្ទីរពេទ្យ Ekachai បាននិយាយថា រោគសញ្ញាដែលទាក់ទងនឹងវ៉ារ្យង់របស់ចក្រភពអង់គ្លេស គឺក្អក គ្រុនក្ដៅ និងហត់នឿយជាខ្លាំង។ លោកស្រីបាននិយាយនៅក្នុងបណ្ដាញសង្គមហ្វេសប៊ុកកាលពីថ្ងៃទី ១៤ ខែមេសាថា “ អ្នកជំងឺជាធម្មតាមានរោគសញ្ញាដូចខាងលើ បន្ទាប់ពីពួកគេបានឆ្លងពី ៥ ទៅ ៨ ថ្ងៃ។

លោកស្រីនិយាយបន្ថែមទៀតថា ការក្អកត្រូវបានគេឃើញជាទូទៅនៅក្នុងករណីផ្សេងៗគ្នាចំពោះកូវីដបំប្លែងខ្លួនថ្មី។ អ្នកជំងឺដែលបានឃើញជាធម្មតាមានអារម្មណ៍មិនស្រួលនៅពេលដកដង្ហើមវែងៗ។ ម្យ៉ាងទៀតស្លេះរបស់អ្នកជំងឺគឺស្អិត ហើយពេលខ្លះមានឈាមផងដែរ។

ហានិភ័យសំខាន់ៗដែលអាចបង្កឲ្យមានរោគសញ្ញានៃកូវីដបម្លែងខ្លួនថ្មីនេះកាន់តែធ្ងន់ធ្ងរ គឺអ្នកដែលមានរោគធាត់និងទឹកនោមផ្អែម។ ចំណែកអ្នកជំងឺដែលរាគរូសនិងឈឺបំពង់ក ក៏មានហានិភ័យក្នុងការវិវត្តទៅជារោគសញ្ញាធ្ងន់ធ្ងរដូចគ្នា ។

គួរបញ្ជាក់ថាវ៉ារ្យង់នេះឆ្លងរាលដាលខ្លាំងនៅចក្រភពអង់គ្លេស និងកំពុងជំរុញឲ្យមានរលកទី ៣ ក្នុងប្រទេសថៃ ដែលត្រូវបាននាំយកករណីថ្មីចំនួន ៦១,៦៩៩ អ្នកស្លាប់ ១៧៨ ករណី៕

ប្រែសម្រួល៖ សាង ស្រីល័ក្ខ

ប្រភព៖nationthailand

ចុចអាន៖១០ យ៉ាងត្រូវដឹងពីជំងឺកូវីដបំប្លែងខ្លួនថ្មី ដែលឆ្លងខ្លាំងទ្វេដងរបស់អង់គ្លេស

ចុចអាន៖បញ្ជាក់ច្បាស់ពីក្រសួង វិរុសកូវីដបម្លែងខ្លួនថ្មី អាចចម្លងមនុស្ស ៧ នាក់ជាមធ្យម

Related Topics: