កូវីដ-១៩

មកដឹងវិធីបន្ថែមទៀតដើម្បីបញ្ចប់រោគរាតត្បាតកាន់តែឆាប់ ក្រៅពីការរក្សាគម្លាត និងពាក់ម៉ាស

បានផុស

៤ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

ចាប់តាំងពីដើមឆ្នាំនៃការរីករាលដាលជំងឺរាតត្បាត អ្នកជំនាញផ្នែកសុខភាពរួមទាំងមជ្ឈមណ្ឌលត្រួតពិនិត្យនិងបង្ការជំងឺបានជំរុញឲ្យសាធារណជន ត្រូវរក្សាគម្លាតពីគ្នាពេលចេញទៅក្រៅ។ ប៉ុន្តែរបាយការណ៍ថ្មីរបស់អ្នកជំនាញបច្ចេកវិទ្យានៃរដ្ឋ Massachusetts អះអាងថា ការរក្សាគម្លាតដូចដែលបានណែនាំ មិនបានបញ្ឈប់ការរីករាលដាលនៃជំងឺកូវីដទេ បើគ្រប់គ្នាមិនបានអនុវត្តវិធីផ្សេងៗទៀតដូចដែលបានប្រកាសកន្លងមក។

ការរក្សាគម្លាតពីគ្នាមិនគ្រប់គ្រាន់ដើម្បីការពារទេ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងរបាយការណ៍ដែលបានចេញផ្សាយនៅថ្ងៃអង្គារ នៃកិច្ចដំណើរការនីតិវិធីរបស់បណ្ឌិត្យសភាវិទ្យាសាស្ត្រជាតិនៃសហរដ្ឋអាមេរិកវិស្វករ MIT លោក Martin Bazant និងគណិតវិទូ John Bush ពន្យល់ថា ខណៈពេលដែលការរក្សាចម្ងាយ ១ ម៉ែត្រកន្លះ នឹងជួយការពារពីការប៉ះគ្នាឬដំណក់ទឹកផ្សេងៗ។ ប៉ុន្តែការពិតទៅវាមិនបានការពារអ្នកពី Aerosols ដែលជាភាគល្អិតនៃខ្យល់ឡើយ។ ដូចដែល CDC បានបញ្ជាក់កាលពីពេលថ្មីៗនេះថា កូវីដ ១៩ គឺជាវីរុសដែលមាននៅក្នុងអាកាស។

ការឆ្លងគឺអាស្រ័យលើកត្តាផ្សេងៗគ្នា

ក្រុមអ្នកស្រាវជ្រាវក៏បានវាយតម្លៃថា តើបុគ្គលម្នាក់ៗអាចត្រូវបានប៉ះពាល់នឹងវីរុសយ៉ាងដូចម្ដេច ទៅក្នុងស្ថានភាពបិទខ្ទប់បែបនេះ។ តួយ៉ាងអ្វីៗគ្រប់យ៉ាងពីចរន្តខ្យល់និងកត្តាដែលអាចជះឥទ្ធិពលដល់ការចម្លងរោគ ដូចជាកន្លែងមានមនុស្សច្រើន។

ក្រុមអ្នកស្រាវជ្រាវបានសរសេរថា ដើម្បីកាត់បន្ថយហានិភ័យនៃការឆ្លង អ្នកត្រូវចៀសវាងចំណាយពេលយូរនៅតំបន់ដែលមានប្រជាជនច្រើន។ មនុស្សម្នាក់អាចប្រឈមនឹងហានិភ័យខ្ពស់នៅពេលពួកគេស្ថិតក្នុងបន្ទប់ដែលមានមនុស្សកំពុងខំប្រឹងដើម្បីបង្កើនអត្រានៃការដកដង្ហើម ជាលទ្ធផលវាគឺជាធាតុបង្កជំងឺ។ ឧទាហរណ៍តាមរយៈការធ្វើលំហាត់ប្រាណ ច្រៀងឬនិយាយគ្នានិងស្រែកជាដើម។ ប៉ុន្តែបើសិនអ្នកឆ្លងជំងឺបានពាក់ម៉ាសក្នុងបន្ទប់ នោះអាចកាត់បន្ថយហានិភ័យនៃការឆ្លងបានខ្លះ ។

ម៉ាសគឺចាំបាច់គ្រប់ពេលសូម្បីតែនៅក្នុងផ្ទះ

ចំពោះការរក្សាចម្ងាយពីសង្គមនិងស្នាក់នៅក្នុងផ្ទះ គឺមិនគ្រប់គ្រាន់ទេ ។ ហានិភ័យនៅតែកើតឡើងជាមួយនឹងចំនួនពេលវេលាដែលយើងបានចំណាយ ដោយមិនបានពាក់ម៉ាសឬមានសមាជិកណាបានឆ្លងដោយមិនដឹងខ្លួន។ ដូច្នេះយើងគួរតែព្យាយាមចំណាយពេលតិចបំផុតតាមដែលអាចធ្វើទៅបាន នៅក្នុងផ្ទះដែលមានមនុស្សច្រើនកុះករ សូម្បីតែសាច់ញាតិខ្លួនក៏ដោយ។

យើងគ្រប់គ្នាគឺត្រូវធ្វើជាផ្នែកមួយដើម្បីបញ្ចប់ជំងឺរាតត្បាត

ជំងឺកូវីដនឹងមិនទៅណាឡើយ ដរាបណាគ្រប់គ្នាមិនព្រមរួបរួមដើម្បីបញ្ចប់។ មិនថាអ្នករស់នៅទីណានោះទេ សូមពាក់ម៉ាសតាមការណែនាំ ហើយកុំធ្វើដំណើរចេញក្រៅបើមិនចាំបាច់សោះ និងត្រូវរក្សាគម្លាតសង្គម ជៀសវាងហ្វូងមនុស្សច្រើន។

អនុវត្តអនាម័យដោយការលាងដៃឲ្យបានស្អាតឬបាញ់អាកុល ប្រការសំខាន់បំផុតមិនអាចភ្លេចបានក្នុងនាមជាពលរដ្ឋល្អ គឺត្រូវទៅទទួលវ៉ាក់សាំងដើម្បីការពារជីវិតខ្លួនឯងនិងជីវិតអ្នកដទៃផ្សេងទៀត៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖រហូតមកដល់ពេលនេះ វ៉ាក់សាំងការពារកូវីដជាង ១ ពាន់លានដូសត្រូវបានចាក់ដល់ប្រជាជននៅទូទាំងពិភពលោក

ចុចអាន៖ហូបអាហារប៉ុន្មានមុខនេះសម័យកូវីដ អ្នកកាន់តែមានខែលការពារប្រតិកម្មអាឡ័កស៊ីធ្ងន់ធ្ងរ ក៏ដូចជាពង្រឹងប្រព័ន្ធភាពស៊ាំ

Related Topics:ការពាក់ម៉ាស