៤ ថ្ងៃ​ជាប់​គ្នា ខេត្ត​បន្ទាយមានជ័យ​ ឆ្លងតគ្នា ២៤៤ នាក់ នេះអត្តសញ្ញាណអ្នក​ឆ្លង​ទាំងអស់​

អាជ្ញាធរ​ខេត្ត​បន្ទាយមានជ័យបាន​បង្ហាញ​អត្តសញ្ញាណ​មនុស្ស ២៤៤ នាក់ ដែល​ឆ្លងកូវីដ​ យោង​តាមលទ្ធផ​លវិភាគ​ពី​ថ្ងៃ ២៥ ដល់ ២៨ មេសា ២០២១។ ជនរងគ្រោះ​ទាំង ២៤៤ នាក់ មាន​ទាំងខ្មែរ​និង​បរទេស។

បើតាមប្រភព​​ព័ត៌មានពី​​អាជ្ញាធរ​ខេត្ត​ ករណី​ឆ្លង​ភាគច្រើន​នៅ​ក្រុង​ប៉ោយ​ប៉ែត ហើយ​ជិត ៨០ ភាគរយជាជនបរទេស ក្នុង​នោះជនជាតិ​ឥណ្ឌូណេស៊ីច្រើនជាងគេ។

អាជ្ញាធរខេត្តបន្ទាយមានជ័យ បានសម្រេចបិទខ្ទប់ភូមិសាស្ត្រសង្កាត់ប៉ោយប៉ែតក្រុងប៉ោយប៉ែត ជាបណ្តោះអាសន្នរយៈពេល១៤ថ្ងៃ ហើយ​ដាក់ភូមិសាមគ្គីមានជ័យ និងភូមិក្បាលស្ពាន១ នៅក្នុងសង្កាត់នៅសង្កាត់ប៉ោយប៉ែត ក្រុងប៉ោយប៉ែតជាតំបន់ក្រហម។ អាជ្ញាធរ​ក៏​ចាត់ចែងរៀបចំទីតាំងអគារភោជនីយដ្ឋានមួយកន្លែង សម្រាប់ធ្វើជាទីតាំងសម្រាកព្យាបាល អ្នកជំងឺកូវីដ-១៩។