កូវីដ-១៩

ខណៈករណីឆ្លងឡើងខ្ទង់ពាន់រាល់ថ្ងៃ ថៃបើកភ្លើងខៀវដល់វិស័យឯកជនជួយនាំចូលវ៉ាក់សាំងកូវីដ ដើម្បីពន្លឿនយុទ្ធនាការចាក់

បានផុស

៤ years មុន

នៅ

ថ្ងៃសុក្រ ៣០ មេសា ២០២១

ដោយ

លោក Suphan Mongkolsutee ប្រធានសហព័ន្ធឧស្សាហកម្មថៃ (FTI) បាននិយាយកាលពីថ្ងៃព្រហស្បតិ៍ថា វិស័យឯកជននឹងត្រូវបានផ្ដល់ការអនុញ្ញាតដោយរដ្ឋាភិបាល ក្នុងការនាំចូលវ៉ាក់សាំងកូវីដ ១៩ ចូលមក ដើម្បីពន្លឿនយុទ្ធនាការចាក់ ខណៈករណីឆ្លងឡើងខ្ទង់ពាន់ជារៀងរាល់ថ្ងៃ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Suphan បាននិយាយមួយថ្ងៃ បន្ទាប់ពីជួបជាមួយនាយករដ្ឋមន្ត្រី លោក ប្រាយុទ្ធ ចាន់អូចា ដើម្បីពិភាក្សាអំពីលទ្ធកម្មវ៉ាក់សាំង។ ប្រធានឧស្សាហកម្មរូបនេះបាននិយាយថា រដ្ឋាភិបាលនឹងពន្លឿនដំណើរការដើម្បីទទួលបាននូវវ៉ាក់សាំងចំនួន ១០០ លានដូសក្នុងឆ្នាំនេះ ដោយមានបន្ថែមនូវវ៉ាក់សាំងការពារមួយផ្សេងទៀតនៅក្នុងខែ ឧសភា។

រហូតមកដល់ពេលនេះ ប្រទេសថៃបានបញ្ជាទិញវ៉ាក់សាំង AstraZeneca ចំនួន ៦១ លានដូសនិង Sinovac ចំនួន ២.៥ លានដូស ហើយកំពុងចរចាដើម្បីទិញវ៉ាក់សាំង Sputnik V ចំនួន ៥ ទៅ ១០ លានដូសបន្ថែមទៀត។

FTI បាននិយាយថា ឥឡូវនេះខ្លួននឹងសម្របសម្រួលជាមួយវិស័យឯកជនរួមទាំងប្រតិបត្តិករមន្ទីរពេទ្យឯកជន ដើម្បីនាំចូលវ៉ាក់សាំងកូវីដ។ ទន្ទឹមនឹងនេះដែរក្រុមហ៊ុនដែលស្វែងរកវ៉ាក់សាំងសម្រាប់និយោជិកផ្ទាល់ខ្លួន អាចចុះឈ្មោះតម្រូវការរបស់ពួកគេនៅគេហទំព័រ www.fti.or.th បាន។