កូវីដ-១៩

គ្រូបង្រៀនរដ្ឋនិងឯកជនជាង១០នាក់ហើយ បានឆ្លងជំងឺកូវីដ១៩

បានផុស

៣ years មុន

នៅ

ថ្ងៃសុក្រ ៣០ មេសា ២០២១

ដោយ

លោក ហែម ស៊ីណារ៉េត ប្រធានមន្ទីរអប់រំ យុវជននិងកីឡា រាជធានីភ្នំពេញ បានមានប្រសាសន៍នៅព្រឹកថ្ងៃទី៣០មេសានេះថា រហូតមកដល់ពេលនេះ មានគ្រូបង្រៀនរដ្ឋនិងឯកជនប្រមាណជាង១០នាក់ហើយ បានឆ្លងជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា គ្រូបង្រៀនដែលឆ្លងកូវីដ១៩នេះ គឺឆ្លងតាមរយៈក្រុមគ្រួសាររបស់គាត់ផ្ទាល់ព្រោះថា គ្រួសារខ្លះជាអាជីវករលក់ដូរនៅតាមផ្សារ និងខ្លះទៀតជាអ្នករកស៊ីរត់ម៉ូតូកង់បីនិងឆ្លងនៅក្នុងសហគមន៍របស់ពួកគាត់រស់នៅ។ លោកបានបន្តទៀតថា តួលេខនេះ លោកទទួលបានពីរបាយការណ៍ក្រសួងសុខាភិបាលនិងខ្លះទៀត នាយកសាលាមួយចំនួនបានរាយការណ៍មកមន្ទីរដោយសារបច្ចុប្បន្ននេះ សាលារៀនត្រូវបានបិទដែលធ្វើឲ្យមានការពិបាក ក្នុងការទំនាក់ទំនងជាមួយគ្រូៗ។

គួរបញ្ជាក់ថា នៅរាជធានីភ្នំពេញមានបុគ្គលិកអប់រំចំនួន២៤៦៤៧នាក់ ស្រី១៤៥០៥នាក់ក្នុងនោះមានបុគ្គលិកក្របខ័ណ្ឌរដ្ឋចំនួន១០៥៧៩នាក់ ទទួលបានការចាក់វ៉ាក់សាំងស៊ីណូវ៉ាក់រួចរាល់ហើយ៕

អត្ថបទ៖ សំអឿន

សូមចុចអាន៖ នាយឧត្តមសេនីយ៍ នេត សាវឿន ចេញវិធានការទប់ស្កាត់ និងបង្ក្រាបសកម្មភាពលួចនាំជនបរទេសចេញពីតំបន់បិទខ្ទប់