ចេញគោលការណ៍​ថ្មី បើក​ឲ្យ​លក់ដូរ​ម្ហូប​អាហារ​ចាំបាច់​នៅ​តំបន់​លឿង លឿងទុំ

ដោយ​ពិនិត្យឃើញពីតម្រូវការចាំបាច់ និង​ស្ថានភាពអាជីវកម្មជាក់ស្តែង អាជ្ញាធរ​បាន​ចេញសេចក្តីណែនាំថ្មី​ការ​បើក​ឲ្យ​ដំណើកការ​សេវា​ផ្គត់ផ្គង់ទំនិញ ដែល​ជា​តម្រូវការ​ចាំបាច់ប្រចាំថ្ងៃ​ក្នុង​តំបន់ “លឿងទុំ” និង​”លឿង” ក្នុង​ភូមិសាស្រ្តរាជធានី​ភ្នំពេញ​។

រាល់សកម្មភាពការងារ មុខរបរ អាជីវកម្មពាក់ព័ន្ធការ​ផ្គត់ផ្គង់​ម្ហូបអាហារ​ដែលជា​តម្រូវការ​ចាំបាច់​ប្រចាំថ្ងៃ​ក្នុង​តំបន់ “លឿង” និង​ “លឿងទុំ” បងប្អូនអាជីវករ និងប្រជាពលរដ្ឋ​ទាំងអស់ អាចធ្វើដ​ំណើរទៅទិញ​ផលិតផល​ដូចជា​បន្លែ ផ្លែឈើ ត្រី សាច់ ស៊ុត និងអាច​ចាប់ផ្តើមអាជីវកម្ម ដោយប្រើប្រាស់មធ្យោបាយដឹកជញ្ជូន​ចល័ត ឫលក់ដូរ​តាមលំនៅដ្ឋាន​ចាប់ពីម៉ោង ០៣ (បី) ទៀបភ្លឺតទៅ និង​ផ្អាកអាជីវកម្ម​នៅ​ម៉ោង ២០ (ម្ហៃ) ជា​កំហិត។ ការអនុញ្ញាតក៏​ត្រូវ​គោរព​តាម​ការគោលការណ៍​វិធានការសុខាភិបាល​ ៣ កុំ ៣ ការពារ ពាក់ម៉ាស រក្សា​គម្លាត​ជា​ដើម។

ចំណែក​នៅ​”តំបន់ក្រហម” នៅតែបិទ​ខ្ទប់ដដែល​មិន​ថា​​ផ្សារ និងទីកន្លែង​លក់ម្ហូបអាហារ ត្រូវ​ផ្អាកជា​​បណ្តោះអាសន្ន៕