កូវីដ-១៩

បុរសវិជ្ជមានជំងឺកូវីដ១៩ម្នាក់ បានស្លាប់ក្រោយបញ្ជូនមកដល់មន្ទីរបង្អែកខេត្តតាកែវ

បានផុស

៤ years មុន

នៅ

ថ្ងៃពុធ ៥ ឧសភា ២០២១

ដោយ

លោក នុត ស៊ីណាត ប្រធានមន្ទីរសុខាភិបាលខេត្តតាកែវ បានឲ្យដឹងថា លើកទី១ហើយដែលមានអ្នកជំងឺកូវីដ១៩ម្នាក់ បានស្លាប់ក្រោយពេលបញ្ជូនមកដល់មន្ទីរពេទ្យបង្អែកខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសដែលស្លាប់នោះ លោកប្រធានមន្ទីរបានប្រាប់ថា មានឈ្មោះ សោម ស៊ីណាត ភេទប្រុសអាយុ៤៥ឆ្នាំ រស់នៅភូមិដំណាក់ត្រយឹង ឃុំជំរះពេន ស្រុកសំរោង មានមុខរបរដឹកម្ហូបលក់តាមភូមិត្រូវបានបញ្ជូនមកពីមន្ទីរពេទ្យឯកជនមួយកន្លែងនៅផ្សារថ្នល់បត់យីហោមន្ទីរសម្រាកព្យាបាលតឹកប៊ុនហូញ។ លោកបានបញ្ជាក់ទៀតថា អ្នកជំងឺបានធ្វើដំណើរមកមន្ទីរពេទ្យបង្អែកខេត្តតាកែវ នៅថ្ងៃទី០៤ ខែឧសភា ឆ្នាំ២០២១ ដោយក្រុមគ្រូពេទ្យបានយកសំណាកគាត់រកឃើញវិជ្ជមានជំងឺកូវីដ១៩ ដោយស្ថានភាពអ្នកជំងឺធ្ងន់ធ្ងរពេកទើបមិនអាចជួយសង្គ្រោះបានទើបបណ្តាលឲ្យស្លាប់នៅក្នុងមន្ទីរពេទ្យបង្អែកខេត្ត។

ក្រោយស្លាប់បុរសខាងលើនេះ រដ្ឋបាលស្រុកសំរោងបានចេញសេចក្តីជូនដំណឹងដល់អ្នកដែលធ្លាប់មានប្រាស្រ័យទាក់ទងជាមួយអ្នកជំងឺឈ្មោះ សោម ស៊ីណាត សូមចូលរួមសហការណ៍បន្ទាន់ជាមួយអាជ្ញាធរមូលដ្ឋាន ដើម្បីចូលរួមបង្ការនិងទប់ស្កាត់ការឆ្លងរីករាលដាលនៃជំងឺកូវីដ-១៩នឹងសូមទៅធ្វើតេស្តជាបន្ទាន់៕