រហូតមកដល់ពេលនេះ ការចាក់វ៉ាក់សាំងការពារ ជំងឺកូវីដ ១៩ នៅទូទាំងពិភពលោកមានជាង ១.១៦ ពាន់លានដូសហើយ

យោងតាមទិន្នន័យ ដែលប្រមូលបាន ដោយគេហទំព័រ Our World in Data បានឲ្យដឹងថា រហូតមកដល់ពេលនេះ វ៉ាក់សាំងការពារជំងឺកូវីដ ១៩ ប្រមាណ ១.១៦ ពាន់លានដូស ត្រូវបានចាក់នៅទូទាំងពិភពលោក ។

គេហទំព័រនេះបាននិយាយថា ចិន គឺជាប្រទេស ដែលចាក់វ៉ាក់សាំងច្រើនជាងគេបំផុត នៅលើពិភពលោក មានចំនួន ២៧៥.៣ លានដូស បន្ទាប់មកគឺ សហរដ្ឋអាមេរិក មានចំនួនជិត ២៤៥.៦ លានដូស ឥណ្ឌា ១៥៤.២ លានដូស ចក្រភពអង់គ្លេស ចំនួន ៤៩.៨ លានដូស ប្រេស៊ីល ចំនួន ៤៣.២ លានដូស អាល្លឺម៉ង់ ៣០.២ លានដូស និងទួរគី បានចាក់វ៉ាក់សាំងជិត ២៣.៩ ​​លានដូស ។

គេហទំព័រនោះបន្តថា បន្ទាប់មកទៀត ប្រទេសបារាំង បានចាក់វ៉ាក់សាំង ២២.៣ លានដូស ។ ចំណែក អ៊ីតាលី ២០.៨ លានដូស ឥណ្ឌូណេស៊ី ២០.១ លានដូស រុស្ស៊ីជិត ២០.១ លានដូស ម៉ិកស៊ិក ១៨.៣ លាន អេស្ប៉ាញ ១៦.៤ លានដូស ឈីលី ១៤.៩ លានដូស កាណាដា ១៣.៨ លានដូស និងប៉ូឡូញជិត ១២ លានដូស ។

បន្ទាប់មកទៀតគឺ ប្រទេសអារ៉ាប់រួម បានចាក់វ៉ាក់សាំងចំនួន ១០.៦ លានដូស និងអ៊ីស្រាអែល ចំនួន ១០.៥ លានដូស ។

គួរបញ្ជាក់ថា គិតត្រឹមពេលនេះ នៅលើពិភពលោក មានករណីឆ្លងជំងឺកូវីដ ១៩ សរុប ១៥៤,៩៧៣,០៤៨ ករណី និងមានអ្នកស្លាប់ចំនួន ៣,២៤១,០២៤ នាក់ ខណៈមានអ្នកជាសះស្បើយ ១៣២,៤២៧,២៨៦ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ វ៉ាក់សាំងធំៗទាំង៧ ដែលជាអាវុធកម្ចាត់ កូវីដ ចេញពីពិភពលោក

ចុចអាន ៖ ពិភពលោក​មាន​សង្ឃឹម​ហើយ! ថ្នាំ​លេប​ប្រឆាំង​កូវីដ​អាច​មាន​ប្រើប្រាស់​នៅ​មុន​ដំណាច់​ឆ្នាំ​នេះ