ឆ្លងមនុស្សមិនអស់ចិត្ត ជំងឺកូវីដ ១៩ ឆ្លងទាំងសត្វតោ ៨ ក្បាលទៀតនៅឥណ្ឌា

រដ្ឋាភិបាលឥណ្ឌា បាននិយាយកាលពីថ្ងៃអង្គារថា សត្វតោអាស៊ី ៨ ក្បាល នៅសួនសត្វឥណ្ឌា មួយកន្លែង បានឆ្លងជំងឺកូវីដ ១៩ ហើយមិនមានភស្តុតាងណាមួយ បង្ហាញថា សត្វអាចចម្លងជំងឺនេះ ដល់មនុស្សបានទេ ។

អាជ្ញាធរសួនសត្វ នៅភាគខាងត្បូងរដ្ឋ Hyderabad បានបង្ហាញសំណាក ជាមួយមន្ទីរពិសោធន៍ស្រាវជ្រាវ របស់រដ្ឋាភិបាលកាលពីថ្ងៃទី ២៤ ខែមីនា បន្ទាប់ពីសត្វតោ បានបង្ហាញសញ្ញា នៃការពិបាកដកដង្ហើម ។

លទ្ធផលតេស្តនេះ កើតឡើង ចំពេលដែលមានការកើនឡើងយ៉ាងខ្លាំង នៃការឆ្លងជំងឹកូវីដ ១៩ លើមនុស្សនៅក្នុងប្រទេសឥណ្ឌា ខណៈពេលនេះ សួនសត្វ Nehru Zoological Park ត្រូវបានបិទហើយផងដែរ ។

គួរបញ្ជាក់ថា ប្រទេសឥណ្ឌា បានរាយការណ៍អំពី ការឆ្លងជំងឺកូវីដ ១៩ ជាង ៣០ ម៉ឺននាក់ជារៀងរាល់ថ្ងៃ ក្នុងរយៈពេល ១៣ ថ្ងៃជាប់ៗគ្នា ហើយបច្ចុប្បន្ន ប្រទេសនេះមានករណីឆ្លងជំងឺនេះចំនួន ២០ លានករណី ដែលជាចំនួនខ្ពស់បំផុតទី ២ នៅលើពិភពលោក បន្ទាប់ពីសហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ WHO ផ្ដល់ដំបូន្មានដល់អ្នក ជំងឺកូវីដ ឥណ្ឌាដែលមិនអាចចូលសម្រាកព្យាបាលនៅមន្ទីរពេទ្យបាន ថែទាំខ្លួនឯងនៅផ្ទះ

ចុចអាន ៖ ក្រោយការឆ្លងកើនលើស២០លានករណី អ្នកជំនាញកំពូលព្រមានថា ប៉ុន្មានសប្តាហ៍ទៀត ឥណ្ឌានឹងជួបស្ថានភាពកាន់តែរន្ធត់