អាវុធហត្ថរាជធានីអរគុណចំពោះលោកបណ្ឌិត មុឹង មករា ដែលបានផ្តល់ស្បៀងសម្រាប់កម្លាំងបំពេញការងារ

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានី​ភ្នំពេញ បានថ្លែងនូវអំណរអរគុណចំពោះលោកបណ្ឌិត មុឹង មករា និងក្រុមការងារដែលបានផ្តល់ស្បៀងសម្រាប់កម្លាំងអាវុធហត្ថដើម្បីបំពេញការងារជូនប្រជាពលរដ្ឋអំឡុងពេល(Lockdowns)។

ក្នុងការទទួលអំណោយនៅទីបញ្ជាការដ្ឋានអាវុធហត្ថរាជធានីភ្នំពេញនាពេលនេះ របស់លោកបណ្ឌិត មុឹង មករា ប្រធានក្រុម៨ និងជាប្រធានយុវជនចុះជួយស្រុកជើងព្រៃ បានចាត់តំណាងដែលមានលោក ម៉េង ស្រ៊ុន អនុប្រធានក្រុម៨ និងជាប្រធាន គណៈកម្មការជួយគ្រួសារក្រីក្រស្រុកជើងព្រៃ នាំយកគ្រឿងឧបភោគបរិភោគ ចំនួន០៦មុខ ប្រគល់ជូនកម្លាំងអាវុធហត្ថរាជធានីភ្នំពេញ ដែលឈរជើងនៅតាមគោលដៅបិទខ្ទប់ ក្នុងភូមិសាស្រ្តរាជធានីភ្នំពេញ ដើម្បីប្រើប្រាស់ជាប្រយោជន៍ក្នុងយុទ្ធនាការ បង្ការ ទប់ស្កាត់ ការរីករាលដាលជំងឺកូវីដ-១៩។

អំណោយដ៍ថ្លៃថ្លាជាគ្រឿងឧបភោគបរិភោគទាំង០៦មុខ រួមមាន ៖ ១. អង្ករ ២តោន,២. មីមាមា ១៨០កេស, ៣. ត្រីខ ២០០យួរ៤. ទឹកសុទ្ធ ១០០កេស,៥. ភេសជ្ជៈ ១០០កេស,៦. ទឹកសុីអ៊ីវ ៣០០ដប។

ក្នុងឱកាសនោះ ក្រុមការងារ តំណាងឲ្យលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម បណ្ឌិត មុឹង មករា និងក្រុមការងារ ដែលមានចិត្តជ្រះថ្លាឧបត្ថម្ភគ្រឿងឧបភោគបរិភោគ ដល់អាវុធហត្ថរាជធានីភ្នំពេញនាពេលនេះ៕

អត្ថបទ ៖ វិមាន