កូវីដ-១៩

សំណួរងាយៗមួយចំនួនធ្វើឲ្យអ្នកចាក់ ឬមិនទាន់ចាក់វ៉ាក់សាំង ធ្លោយមាត់ប្រាប់ទាំងមិនដឹងខ្លួន

បានផុស

៣ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

ក្រោយការចាក់វ៉ាក់សាំងមានភាពទូលំទូលាយជាងមុន មនុស្សគ្រប់គ្នានឹងចាប់ផ្ដើមយល់ដឹងបានច្រើនពីរឿងមួយនេះ។ ដូច្នេះគ្មានអីចម្លែកឬជាការរើសអើង បើសិនគ្រប់គ្នាសួរគ្នាទៅវិញទៅមកថា ម្នាក់ៗបានទទួលវ៉ាក់សាំងរួចរាល់និងមានអាការប្រតិកម្មផ្សេងគ្នារបៀបម៉េចខ្លះ។

អ្នកជំនាញនិយាយថា វិធីដែលអាចសួរដោយបង្ការខ្លាចគេខឹង អាចសួរដោយសំឡេងស្មោះត្រង់ និងរើសពាក្យគួរសមនិយាយទៅកាន់បុគ្គលនោះ។

១ មុនសួរពិនិត្យសំឡេងខ្លួនឯងសិនជៀសវាងគេយល់ច្រឡំទៅន័យផ្សេង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Haley Neidich, LCSW អ្នកចិត្តសាស្ត្រនៅ Tampa មានប្រសាសន៍ថា “ ការបញ្ចេញសំឡេងដែលមិនបានពិនិត្យ អាចជាការចោទប្រកាន់ និងជាបញ្ហាចម្បងមួយពេលអ្នកចង់សួរមនុស្សណាម្នាក់អំពីស្ថានភាពនៃការចាក់វ៉ាក់សាំងរបស់ពួកគេ” ។ បើយើងសួរឆ្គងៗគេនឹងឆ្លើយមកបែបនោះដូចគ្នា ហើយគេក៏អាចអន់ចិត្តព្រោះមិនយល់ន័យយើង។

ប្រការល្អត្រូវប្រាប់ពីស្ថានភាពវ៉ាក់សាំងរបស់អ្នកជាមុនសិន បន្ទាប់មកទើបអាចសួរពីគេអារម្មណ៍យ៉ាងណាចំពោះវ៉ាក់សាំងនេះ។ គំនិតនេះអាចនឹងជំរុញឲ្យមានការសន្ទនាបែបធម្មជាតិ ហើយធ្វើឲ្យមនុស្សម្នាក់នោះកាន់តែមានភាពសុខស្រួលក្នុងការឆ្លើយតបមកវិញ។

២ ជ្រើសរើសពាក្យគួរសមដោយឆ្លាតវៃ

គួរតែគិតពីពាក្យដែលយើងបានជ្រើសរើស នៅពេលសួរអំពីស្ថានភាពចាក់វ៉ាក់សាំងរបស់នរណាម្នាក់។ ការសន្ទនាវ៉ាក់សាំងមិនគួរតឹងតែងទេ គួរតែនិយាយធម្មតា ដោយមិនគិតពីការវិនិច្ឆ័យនិងដោយស្មោះត្រង់។ យើងអាចអាចនិយាយអ្វីធម្មតាដូចជា “ តើអាចចែករំលែកស្ថានភាពប្រតិកម្មវ៉ាក់សាំង លើរាងកាយរបស់អ្នកជាមួយខ្ញុំទេ? ខ្ញុំចេះតែមានការភ័យខ្លាចក្នុងពេលនៅជិតមនុស្សច្រើន ” ឬ ” ណាមួយខ្ញុំចេះតែបារម្ភ បើខ្ញុំឆ្លងអាចរាលដាលដល់អ្នកផ្ទះខ្ញុំ ដែលមានសុទ្ធតែមនុស្សប្រឈមហានិភ័យខ្លាំង។ ប៉ុន្តែបើមានវ៉ាក់សាំង ការឆ្លងគឺពួកយើងអាចមានតិចតួច។ តើអ្នកគិតយ៉ាងម៉េចដែរ ចំពោះវ៉ាក់សាំងកូវីដ? វិធីនេះគេអាចដឹងថាអ្នកចង់ដឹង ព្រោះដើម្បីការពារអ្នកផ្ទះដែរ ណាមួយវាក៏បង្ហាញភាពស្មោះត្រង់ជាជាងនិយាយអាក្រក់។

៣ សួរបែបលក្ខណៈឯកជន

បើវិធីខាងលើពិបាក អាចងាកមកសួរជាលក្ខណៈឯកជនវិញ។ វាអាចឲ្យម្ខាងទៀតគ្មានសម្ពាធតានតឹងពេលនិយាយប្រាប់យើង។ ចងចាំថាយើងនៅតែនៅតែរកពាក្យនិយាយកុំឲ្យគេយល់ច្រឡំ។

៤ ប្រើច្បាប់គ្រួសាររបស់យើង

វិធីចុងក្រោយនេះអាចថាធ្ងន់តិចតួច តែយើងគ្រាន់តែចង់ការពារគ្រួសារនិងខ្លួនឯងតែប៉ុណ្ណោះ។ វិធីនេះគឺជាការចែងអំពីច្បាប់នៃគ្រួសារចំពោះអ្នកណាដែលយើងបានជជែកជាមួយ ឬប៉ះពាល់គេ។ ប្រាប់គេថា អ្នកផ្ទះខ្ញុំមានមនុស្សចាស់និងក្មេងច្រើន ហើយភូមិខ្ញុំភាគច្រើនគឺនាំគ្នារួបរួមការពារណាស់ ដើម្បីបានច្បាស់រៀងៗខ្លួនពីជំងឺរាតត្បាតនេះ។

ការសួរមិនមែនមានន័យបញ្ចើចបញ្ចើ តែជាន័យដែលយើងបានចូលរួមកាត់បន្ថយនិងប្រឆាំងកូវីដ ជាពិសេសពេលយើងនិយាយជាមួយបុគ្គលនោះ យើងនឹងមានសន្តិភាព មិនបារម្ភថានាំរោគចម្លងអ្នកនៅផ្ទះ។ នេះអាចជាវិធីដែលមិនងាយនឹងទទួលបានចម្លើយ ប៉ុន្តែមិនថាចម្លើយយ៉ាងម៉េចទេ យើងត្រូវគោរពការឆ្លើយតបរបស់ពួកគេជានិច្ច ៕

ប្រែសម្រួល៖ សាង ស្រីល័ក្ខ

ប្រភព៖prevention

ចុចអាន៖ជាក្ដីសង្ឃឹមមួយទៀត! ប្រព័ន្ធភាពស៊ាំរឹងមាំក្នុងខ្លួនរបស់អ្នកចាក់វ៉ាក់សាំងហើយ នឹងជួយកម្ចាត់រោគរាតត្បាត កាន់តែឆាប់

ចុចអាន៖វ៉ាក់សាំងធំៗទាំង៧ ដែលជាអាវុធកម្ចាត់កូវីដ ចេញពីពិភពលោក

ចុចអាន៖អ្នកចាក់វ៉ាក់សាំងរួច គួរទទួលទានភេសជ្ជៈសុខភាពពីរប្រភេទនេះដើម្បីជំនួយបន្ថែមដល់ប្រព័ន្ធភាពស៊ាំ និងប្រយុទ្ធប្រឆាំងកូវីដ

Related Topics:វ៉ាក់សាំងកូវីដ-១៩