កូវីដ-១៩

រដ្ឋបាលក្រុងដូនកែវប្រកាសរកឃើញមន្ត្រីនគរបាលម្នាក់ ឆ្លងជំងឺកូវីដ-១៩

បានផុស

៤ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

រដ្ឋបាលក្រុងដូនកែវ ខេត្តតាកែវ បានប្រកាសរកឃើញវិជ្ជមានជំងឺកូវីដ-១៩ម្នាក់ទៀត ឈ្មោះ យិន សេរី ភេទប្រុស អាយុ២៨ឆ្នាំ មានទីលំនៅភូមិត្រាំ សង្កាត់រកាក្រៅ ក្រុងដូនកែវ ខេត្តតាកែវ ជាមន្ត្រីនគរបាលបម្រើការងារនៅនាយកដ្ឋាននគរបាលការពារ នៃអគ្គស្នងការរដ្ឋាននគរបាលជាតិ ដែលទើបត្រឡប់មកពីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីជូនដំណឹងរបស់រដ្ឋបាលក្រុងដូនកែវបានឲ្យដឹងថា ឈ្មោះ យិន សេរី នេះបានយកសំណាករកកូវីដ១៩នៅថ្ងៃទី០៣ ខែឧសភា ឆ្នាំ២០២១នៅរាជធានីភ្នំពេញ។ នៅថ្ងៃដដែលនោះវេលាម៉ោង១និង៣០នាទីរសៀលគាត់បានធ្វើដំណើរដោយម៉ូតូពីភ្នំពេញមកដល់ស្រុកកំណើតនៅខេត្តតាកែវ។ ពេលមកដល់ផ្ទះនៅវេលាម៉ោង៤រសៀល គាត់ក៏បានប្រាប់ឪពុកម្ដាយបងប្អូនមិនឱ្យមកជិតគាត់ឡើយ។ គាត់ក៏បានងូតទឹកនៅក្រៅផ្ទះហើយទៅធ្វើចត្តាឡីស័កនៅមណ្ឌលសាលាបឋមសិក្សាត្រាំតែម្ដង។

រដ្ឋបាលក្រុងដូនកែវបានបន្តទៀតថា លុះដល់ថ្ងៃទី០៥ ខែឧសភា ឆ្នាំ២០២១ វេលាម៉ោង៨យប់ទើបគាត់បានទទួលព័ត៌មានពីភ្នំពេញថា គាត់មានវិជ្ជមានកូវីដ១៩។ ក្រោយពីទទួលព័ត៌មានថាគាត់មានវិជ្ជមានកូវី១៩ភ្លាម រដ្ឋបាលក្រុងដូនកែវសហការមួយគ្រូពេទ្យយកគាត់មកព្យាបាលជំងឺនៅមន្ទីរពេទ្យបង្អែកខេត្តតាកែវ។

រដ្ឋបាលក្រុងបានបញ្ជាក់ថា ចំពោះអ្នកជំងឺឈ្មោះ យិន សេរី នេះមិនមានអ្នកប៉ះពាល់ដោយផ្ទាល់និងប្រយោលទេ។

គួរបញ្ជាក់ថា គិតត្រឹមថ្ងៃ៤ ខែឧសភា ឆ្នាំ២០២១ ខេត្តតាកែវមានអ្នកឆ្លងជំងឺកូវីដ១៩ចំនួន១២៧នាក់មានអ្នកជាសះស្បើយចំនួន២៩នាក់ ស្លាប់១នាក់ និងកំពុងសម្រាកព្យាបាលនៅមន្ទីរពេទ្យចំនួន៩៨នាក់៕

អត្ថបទ ៖ សំអឿន

Related Topics:កូវីដ-១៩