កូវីដ-១៩
យកវិទ្យាល័យហ៊ុនសែនថ្នល់ទទឹងមួយទៀតធ្វើជាមណ្ឌលព្យាបាលអ្នកផ្ទុកជំងឺកូវីដ-១៩
អាជ្ញាធរខេត្តកណ្តាលបានសម្រេចយកវិទ្យាល័យហ៊ុនសែនថ្នល់ទទឹងមួយទៀត ដែលមានទីតាំងស្ថិតនៅស្រុកអង្គស្នួល ធ្វើជាមណ្ឌលព្យាបាលអ្នកផ្ទុកជំងឺកូវីដ-១៩កម្រិតបឋម បណ្ដោះអាសន្នខណៈចំនួនអ្នកឆ្លងជំងឺកូវីដ១៩នៅក្នុងស្រុកនេះ មានការកើនឡើងជាបន្តបន្ទាប់។
លោក នៃ ចារី អភិបាលរងខេត្តកណ្ដាលដែលបានចុះពិនិត្យ វិទ្យាល័យហ៊ុនសែន ថ្នល់ទទឹងនៅរសៀលថ្ងៃទី៦ ខែឧសភា នេះបានឲ្យដឹងថា មណ្ឌលព្យាបាលអ្នកផ្ទុកជំងឺកូវីដ-១៩កម្រិតបឋម បណ្ដោះអាសន្ន នៅក្នុងវិទ្យាល័យ ហ៊ុនសែន ថ្នល់ទទឹង ក្នុងស្រុកអង្គស្នួល ខេត្តកណ្តាលនេះមានអ្នកសម្រាកព្យាបាលជំងឺកូវីដ-១៩ សុបចំនួន៦២នាក់ ស្រី៤៨នាក់។ក្នុងព្រឹត្តិការណ៍សហគមន៍២០កុម្ភៈនៅទូទាំងស្រុកអង្គស្នួល មានអ្នកវិជ្ជាមានជំងឺកូវី-១៩ ចំនួន៥៥៣នាក់ហើយ ក្នុងនោះព្យាបាលជាសះស្បើយបានចំនួន៦នាក់ប៉ុណ្ណោះ។
ដោយសាររកឃើញករណីវិជ្ជមានកូវីដ១៩កើនឡើងជាបន្តបន្ទាប់រាល់ថ្ងៃអាជ្ញាធរខេត្តកណ្តាលបានសម្រេចយកសាលាបឋមសិក្សា កុយតិប និងសាលាអនុវិទ្យាល័យ បែកចាន បន្ថែមទៀតដើម្បីត្រៀមសម្រាប់ព្យាបាលអ្នកដែលវិជ្ជមានមេរោគកូវីដ-១៩ នៅក្នុងស្រុកអង្គស្នួលដែលមានមានអ្នកជំងឺសុបចំនួន១៥០នាក់ ។
បើតាមក្រសួងសុខាភិបាលបានឲ្យដឹងថា គិតត្រឹមថ្ងៃទី០៤ ខែឧសភានេះ ខេត្តកណ្តាលមានអ្នកឆ្លងជំងឺកូវីដ១៩សរុបចំនួន១៣៨៧នាក់ អ្នកឆ្លងថ្មី១៧៥នាក់អ្នកជាសះស្បើយចំនួន៤៨៩នាក់និងអ្នកកំពុងសម្រាកពេទ្យចំនួន៨៩៨នាក់។
លោក គង់ សោភ័ណ្ឌ អភិបាលខេត្តកណ្ដាលបានឱ្យដឹងថា ចំនួនអ្នកឆ្លងជំងឺកូវី-១៩នៅស្រុកអង្គស្នួល បានកើនឡើងបន្តបន្ទាប់នេះក្រោយពីរកឃើញករណីចម្លងទៅលើកម្មករនិយោជិតនៅក្នុងរោងចក្រចំនួនពីរលើកដំបូង គឺរោងចក្រកាត់ដេរសម្លៀកបំពាក់ ស្តារម៉ាស្ទ័រ អេនហ្វ្រែង ស្ថិតក្នុងឃុំពើក និងរោងចក្រកាត់ដេរសម្លៀក បំពាក់ បូវឃើរ ស្ថិតក្នុងឃុំបែកចាន ក្នុងចំណោមរោងចក្រកាត់ដេរសម្លៀកបំពាក់និងស្បែងជើងដែលមានមូលដ្ឋាននៅក្នុងស្រុកអង្គស្នួល ខេត្តកណ្តាលចំនួន១១៦រោងចក្រ និងមានកម្មករ-កម្មការិនីធ្វើការជាង៦ម៉ឺននាក់។
គួរបញ្ជាក់ថា បច្ចុប្បន្ននេះ ខេត្តកណ្តាលមានកន្លែងសម្រាកព្យាបាលជំងឺកូវីដ១៩ចំនួន៣ទីតាំងរួមមានមន្ទីរពេទ្យបង្អែក្រុងតាខ្មៅ មណ្ឌលព្យាបាលជំងឺកូវីដ១៩ស្រុកកោះធំ និងមណ្ឌលព្យាបាលជំងឺកូវីដ១៩នៅស្រុកអង្គស្នួល។ ក្រៅពីនេះរដ្ឋបាលខេត្តកំពុងរៀបចំវិទ្យាល័យចំនួន២ទៀតរួមមានវិទ្យាល័យហ៊ុនសែន កំពង់កន្ទួត ស្រុកកណ្តាលស្ទឹង និងវិទ្យាល័យវឌ្ឍណៈឈូងលាភនៅក្រុងតាខ្មៅធ្វើជាទីតាំងសម្រាប់ព្យាបាលអ្នកជំងឺកូវីដ១៩។
គិតមកដល់បច្ចុប្បន្ន មានភូមិចំនួន៨ហើយ នៃស្រុកអង្គស្នួលដែលត្រូវបានរដ្ឋបាលខេត្តកណ្ដាល ដាក់បម្រាមគោចរ គិតចាប់ថ្ងៃទី៣០ ខែមេសា ដល់ថ្ងៃទី១៤ ខែឧសភា ឆ្នាំ២០២១ ក្នុងនោះភូមិចំនួន៤ នៃឃុំបែកចានមានដូចជា៖ ភូមិអណ្ដូង ភូមិស្វាយជ្រុំ ភូមិពងទឹក និងភូមិត្នោតម្ដើម ត្រូវបានដាក់ជាតំបន់ក្រហម ខណៈភូមិចំនួន៣ទៀត នៃឃុំដដែលនេះ គឺភូមិចក ភូមិព្រៃបឹង និងភូមិកម្ពោតស្បូវត្រូវបានដាក់ជាតំបន់លឿងទុំ និងភូមិព្រៃពពេល នៃឃុំពើក ត្រូវបានដាក់ជាតំបន់លឿង៕
អត្ថបទ ៖ សំអឿន
ស្វែងយល់ពីលក្ខណៈភូមិសាស្ត្រ តំបន់ឆ្នេរសមុទ្រប្រទេសកម្ពុជា
ការរៀបចំតុបតែងកែលម្អសោភ័ណភាព និងកន្លែងកម្សាន្តទាំងក្នុងតំបន់អង្គរ និងក្រុងសៀមរាប សម្រេចបានជាង៨០%
មានការប្រឆាំង មីន អ៊ុងឡាំង ដែលចូលរួមកិច្ចប្រជុំថ្នាក់តំបន់លើកដំបូងនៅបាងកក
លោក សុខ សប្បាយណា៖ អង្គសង្ក្រាន្ត ផ្ដល់ឱកាសឱ្យយុវជនខ្មែរមកពីគ្រប់ទិសទី បានលើកស្ទួយវប្បធម៌ អរិយធម៌រួមគ្នា
មានដីទំហំត្រឹម ៥ គុណ ១០ ម៉ែត្រ កសិករម្នាក់ដាំដុះបន្លែចម្រុះ បានទាំងចំណូល និងមិនខ្វះហូបក្នុងគ្រួសារ
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
តម្លៃហាងឆេងមាសដាំក្បាលចុះ ១០០ ដុល្លារ
មេប៉ូលិសជាតិ ឱ្យត្រៀមការពារសុវត្ថិភាពកម្រិតខ្ពស់ ស្របពេលមានការផ្សាយថា ស៊ី ជីនពីង នឹងមកកម្ពុជា
រុស្ស៊ី វាយប្រហារស្រុកកំណើតលោក ហ្សេលេនស្គី សម្លាប់មនុស្ស១៨នាក់ ក្នុងនោះមានកុមារ ៩នាក់
អាស៊ីប៉ាពូនូវែលហ្គីណេ ជួបគ្រោះរញ្ជួយដីកម្រិត៦.៩រ៉ិចទ័រ ទាញសញ្ញាព្រមានរលកយក្សស៊ូណាមិ
-
ព័ត៌មានជាតិ៤ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ ថ្ងៃ agoBreaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ