Connect with us

កូវីដ-១៩

ខណ្ឌមានជ័យមានអ្នកស្លាប់ដោយជំងឺកូវីដ ១៦នាក់ និងអ្នកវិជ្ជមានជាង២,៩០០នាក់

បានផុស

នៅ

ភ្នំពេញ៖ គិតមកដល់ពេលនេះ ក្នុងមូលដ្ឋានខណ្ឌមានជ័យមានអ្នកស្លាប់ដោយជំងឺកូវីដ-១៩ ចំនួន ១៦នាក់ ដោយអ្នកវិជ្ជមាន កូវិដ-១៩ វិញ បានកើនឡើងរហូតជាង ២,៩០០នាក់។

នៅក្នុងពិធីចែកអំណោយរបស់សប្បុរសជននៅសហរដ្ឋអាមេរិច ជូនប្រជាពលរដ្ឋ៣០០គ្រួសារ នៅតំបន់ទីលានចាក់សំរាម ថ្ងៃទី០៧ ខែឧសភា ឆ្នាំ២០២១នេះ លោក ឌី រ័ត្នខេមរុណ អភិបាលរងខណ្ឌមានជ័យ បានលើកឡើងថា ខណ្ឌមានជ័យ ត្រូវបានអាជ្ញាធររាជធានីភ្នំពេញ កំណត់សង្កាត់ចំនួន៤  ជាតំបន់ក្រហមដោយជំងឺកូវីដ-១៩ ហើយគិតមកដល់ពេលនេះមានអ្នកស្លាប់ដោយជំងឺកូវីដ-១៩ ចំនួន១៦នាក់ ចំណែកអ្នកវិជ្ជមានកូវីដ-១៩ បានកើនឡើងរហូតដល់ ២,៩០៧នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអំពាវនាវសូមប្រជាពលរដ្ឋទាំងអស់មេត្តា ចូលរួមអនុវត្តឱ្យបានខ្ជាប់ខ្ជួនទៅតាមការណែនាំរបស់ក្រសួងសុខាភិបាល ក៏ដូចជា អនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុនសែន គឺ ៣ការពារ  និង ៣កុំ ពិសេស បើមិនចាំបាច់ សូមកុំចាកចេញពីផ្ទះ។ 

លោក ឌី រ័ត្នខេមរុណ បានបញ្ចាក់ថា ក្នុងខណ្ឌមានជ័យ ប្រជាពលរដ្ឋបានទទួលអំណោយសម្តេចតេជោ ហ៊ុន សែន និង សម្តេចកិត្តិព្រឹទ្ឋបណ្ឌិត តាមរយៈលោក ឃួង ស្រេង អភិបាលរាជធានី បានចំនួន ៦៥,៥៤៧គ្រួសារ។ ដោយឡែកចំពោះអំណោយសប្បុរសជនយកមកចែកបានជាង៥,០០០គ្រួសារ។

លោក យន្ត សួន តំណាងម្ចាស់អំណោយបានបញ្ជាក់ថា អំណោយដែលត្រូវផ្តល់ជូនពលរដ្ឋក្នុងតំបន់ក្រហមនៅសង្កាត់ស្ទឹងមានជ័យ២ នេះ កើតចេញពីគំនិតផ្តួចផ្តើមកៀងគរថវិកា ពីឧបាសក ឆាយ អ៊ីវស៊ាង និងឧបាសិកា ហុង គឹមសែ នៅសហរដ្ឋអាមេរិក ដោយបានបញ្ជូនថវិកានេះមកឱ្យលោកជាអ្នកចាត់ចែងជូនពលរដ្ឋចំនួន ៣ភូមិ ស្មើ ៣០០គ្រួសារ ក្នុងនោះភូមិព្រែកទាល់១០០គ្រួសារ ភូមិព្រែកទាល់១ ចំនួន១០០គ្រួសារ និងដំណាក់ធំ៤ ចំនួន១០០គ្រួសារ ដោយក្នុង១គ្រួសារៗទទួលបានអង្ករ១បាវស្មើ២៥គីឡូ មី ទឹកត្រី ទឹកស៊ីអ៊ីវ និងត្រីខ១យួរ៕

រ៉ាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម