លោក Putin អួតថា វ៉ាក់សាំងរុស្ស៊ី អាចទុកចិត្តបានដូចជាកាំភ្លើង AK របស់សូវៀត

លោក Vladimir Putin បានអួតអាងថា វ៉ាក់សាំង Sputnik-V របស់រុស្ស៊ីគឺសាមញ្ញ និងអាចទុកចិត្តបានដូចជាកាំភ្លើង AK។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតី Putin បាននិយាយថា ស្របពេលដែលបណ្តាប្រទេសលោកខាងលិចបានបង្កើតវ៉ាក់សាំងប្រកបដោយភាពច្នៃប្រឌិតនោះ Version របស់រុស្ស៊ីគឺអាចទុកចិត្តបានដូចជាកាំភ្លើងស្វ័យប្រវត្តិ ដែលត្រូវបានប្រើទូទៅក្នុងសហភាពសូវៀត។

លោកបានធ្វើអត្ថាធិប្បាយបែបនេះ ខណៈពេលទីក្រុងមូស្គូ បានបង្ហាញវ៉ាក់សាំងទីបួនរបស់ខ្លួនដែលមានឈ្មោះថា Sputnik Light កាលពីថ្ងៃព្រហស្បតិ៍។

ប្រទេសរុស្សី បានចុះបញ្ជីវ៉ាក់សាំងការពារជំងឺកូវីដ-១៩ចំនួន៣រួចមកហើយ ហើយកាលពីថ្ងៃព្រហស្បតិ៍ រុស្ស៊ីបានអនុម័តវ៉ាក់សាំងទីបួនដែលចាក់ត្រឹមមួយដូស។

ទីក្រុងមូស្គូបានចែកចាយវ៉ាក់សាំង Sputnik V នៅជុំវិញពិភពលោក ដោយមានប្រទេសជាង៦០ហើយ បានយល់ព្រមឲ្យប្រើប្រាស់វ៉ាក់សាំងនេះ។

កាលពីខែសីហា ប្រទេសរុស្ស៉ីបានចុះបញ្ជីវ៉ាក់សាំងរបស់ខ្លួន មុនពេលទទួលបានលទ្ធផលពីការសាកល្បងទ្រង់ទ្រាយធំ ប៉ុន្តែទស្សនាវដ្តីវេជ្ជសាស្រ្តឈានមុខឈ្មោះ The Lancet បាននិយាយថា វ៉ាក់សាំងនេះមានសុវត្ថិភាពនិងមានប្រសិទ្ធភាពជាង៩០ភាគរយ។

ក្រៅពីវ៉ាក់សាំង Sputnik, ប្រទេសរុស្ស៊ីក៏បានចុះបញ្ជីវ៉ាក់សាំងក្នុងស្រុកពីរផ្សេងទៀតផងដែរគឺ EpiVacCorona និង CoviVac៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ប្រេស៊ីល ត្រៀមផលិតវ៉ាក់សាំងរុស្ស៊ី Sputnik V ដោយគ្មានការយល់ព្រមពីនិយតករ