ទុក្ខណាស់ ឥណ្ឌា ! កំពុងរងគ្រោះខ្លាំងដោយកូវីដផង ពេលនេះជួបគ្រោះផ្ទុះកន្លែងយកថ្មកំបោរស្លាប់ ១០ នាក់ទៀត

យ៉ាងហោចណាស់មនុស្ស ១០ នាក់បានស្លាប់នៅទីក្រុង Kadapa រដ្ឋ Andhra Pradesh ប្រទេសឥណ្ឌា នៅថ្ងៃសៅរ៍នេះ ដោយសារការផ្ទុះដ៏ធំមួយនៅក្នុងទីតាំងយកថ្មកំបោរមួយកន្លែង ។

ឧប្បត្តិហេតុនេះបានកើតឡើងនៅតំបន់ភូមិ Mamillapalle នៃប្លុកឧស្សាហកម្ម Kalasapadu របស់ទីក្រុង Kadapa ។

យោងតាមសេចក្តីរាយការណ៍របស់សារព័ត៌មាន Hindustan Times បានឲ្យដឹងថា ការផ្ទុះនេះបានកើតឡើង ខណៈពេលដែលឧបករណ៍បំផ្ទុះកំពុងត្រូវបានផ្លាស់ប្តូរទៅកន្លែងយកថ្ម ។

ទន្ទឹមនោះ គេកំពុងភ័យខ្លាចថា កម្មករជីកយកថ្មជាច្រើននាក់នៅតែជាប់នៅក្នុងគំនរបាក់បែក ។

ប្រធានរដ្ឋ Andhra Pradesh លោក YS Jagan Mohan Reddy បានសម្តែងភាពតក់ស្លុតចំពោះសោកនាដកម្មនេះ និងបានបញ្ជាឲ្យស៊ើបអង្កេតលើឧប្បត្តិហេតុនេះ ហើយលោកក៏បានចូលរួមរំលែកទុក្ខដល់ក្រុមគ្រួសារនៃជនរងគ្រោះ ដោយសារការផ្ទុះនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ឥណ្ឌា ជួបការរញ្ជួយដីដ៏ខ្លាំងក្លាមួយទៀត

ចុចអាន ៖