កម្ពុជាមានអ្នកឆ្លងជំងឺ​កូវីដ ​កើនជិត ២ ម៉ឺននាក់ ស្លាប់​​១២០នាក់

ភ្នំពេញ៖ គិតត្រឹមថ្ងៃទី០៩ខែឧសភាឆ្នាំ២០២១នេះ កម្ពុជាមានអ្នកឆ្លងជំងឺកូវីថ‑១៩សរុបចំនួន១៩២៣៧នាក់ ក្នុងនោះមានអ្នកជាសះ​ស្បើយចំនួន៧៦៤១នាក់ និងស្លាប់បាត់បង់ជីវិតចំនួន១២០នាក់។

បើតាមក្រសួងសុខាភិបាលនៅថ្ងៃនេះបានរកឃើញអ្នកឆ្លងថ្មី ចំនួន៥២០នាក់នាក់ទៀត អ្នកជាសះស្បើយ៣០១នាក់ និងស្លាប់៦នាក់។ក្នុងចំណោមករណីឆ្លងសរុប៥២០នាក់មានករណីឆ្លងក្នុងសហគមន៍៥១៥នាក់និង៥នាក់ជាអ្នកដំណើរមកពីបរទេស។

គួរបញ្ជាក់ថា កម្ពុជាបានចាប់ផ្តើមឆ្លងជំងឺកូវីដ១៩ជាលើកដំបូងនៅថ្ងៃទី២៧ខែមករាឆ្នាំ២០២០ទៅលើបុរសជនជាតិ​ចិន​១នាក់​នៅខេត្តព្រះសីហនុ។

បើតាមនាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល ចាប់ពីថ្ងៃទី២៧ខែមករាឆ្នាំ២០២០ រហូតមកដល់ថ្ងៃទី៩ខែឧសភាឆ្នាំ២០២១នេះ កម្ពុជាបានធ្វើតេស្តរកជំងឺកូវីដ១៩បានចំនួន ៩៩៣ ២៤០នាក់​ ស្មើ ៥៩ ១២១ក្នុង ១លាននាក់៕

អត្ថបទ៖ សំអឿន