កូវីដ-១៩

អ្នកជំងឺ០៦នាក់ទៀតហើយ នៅខេត្តកំពង់ស្ពឺ បានជាសះស្បើយពីកូវីដ១៩

បានផុស

៤ years មុន

នៅ

ថ្ងៃអាទិត្យ ៩ ឧសភា ២០២១

ដោយ

អ្នកជំងឺកូវីដ-១៩ ចំនួន ០៦នាក់ក្នុងចំណោមអ្នកឈឺ១០៦នាក់ ត្រូវបានក្រុមគ្រូពេទ្យព្យាបាលជាសះស្បើយ និងបានអនុញ្ញាតឲ្យវិលត្រឡប់ទៅផ្ទះវិញ ប៉ុន្តែត្រូវបន្តធ្វើចត្តាឡីស័កខ្លួននៅផ្ទះរយៈពេល១៤ថ្ងៃរួចវិលត្រឡប់មកយកសំណាកម្តងទៀតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសុខាភិបាលខេត្តកំពង់ស្ពឺ បានប្រាប់ឲ្យដឹងថា នៅថ្ងៃទី០៩ ខែឧសភា ឆ្នាំ២០២១នេះ អ្នកជំងឺកូវីដ-១៩ ចំនួន០៦នាក់ បានជាសះស្បើយ និងបានអនុញ្ញាតឲ្យទៅផ្ទះវិញ។ ឯកឧត្តម វ៉ី សំណាង អភិបាលខេត្តកំពង់ស្ពឺ បានចូលរួមអបអរចំពោះបងប្អូនប្រជាពលរដ្ឋដែលបានជាសះស្បើយពីជំងឺដ៏កាចសាហាវនេះផងដែរ។ ក្នុងនោះលោកបានក្រើនរំលឹកដល់អ្នកដែលជាសះស្បើយនៅថ្ងៃនេះ បន្តធ្វើចត្តាឡីស័កនៅផ្ទះរបស់ខ្លួនឯងរយៈពេល ១៤ថ្ងៃជាកំហិត និងសូមត្រឡប់មកយកសំណាកវិញ នៅថ្ងៃទី២២ ខែឧសភា ឆ្នាំ២០២១ម្ដងទៀត

លោកវេជ្ជបណ្ឌិត អោ វណ្ណថេន ប្រធានមន្ទីរសុខាភិបាលខេត្តកំពង់ស្ពឺ បានប្រាប់កាលពីម្សិលមិញថា ក្នុងខេត្តកំពង់ស្ពឺ មានអ្នកឆ្លងកូវីដ-១៩ សរុប ១១៥នាក់, អ្នកកំពុងព្យាបាល ១០៦នាក់, ផ្ទេរទៅព្យាបាលនៅភ្នំពេញ ០៤នាក់ និងមានអ្នកស្លាប់ ០៥នាក់ អ្នកកំពង់ធ្វើចត្តាឡីស័ក សរុបចំនួន ១០១៩នាក់។ អាជ្ញាធរខេត្តកំពង់ស្ពឺ ក៏បានក្រើនរម្លឹកដល់បងប្អូនប្រជាពលរដ្ឋសូមមេត្តាប្រុងប្រយ័ត្នឲ្យបានខ្ពស់ជាពិសេស ត្រូវអនុវត្តតាមវិធានការសុខាភិបាល «៣ការពារ ៣កុំ» ជាប្រចាំ ដើម្បីជៀសផុតពីជំងឺដ៏កាចសាហាវនេះ៕

អត្ថបទ៖ ភួង រដ្ឋា

សូមចុចអាន៖ កម្ពុជាមានអ្នកឆ្លងជំងឺកូវីដ កើនជិត ២ ម៉ឺននាក់ ស្លាប់១២០នាក់