អាជីវករ និងពលរដ្ឋខេត្តព្រះសីហនុ៩៥រូបវិជ្ជមានកូវីដ-១៩ មានអ្នកណាខ្លះ?

ខេត្តព្រះសីហនុ៖ រដ្ឋបាលខេត្តព្រះសីហនុ នៅរសៀលថ្ងៃទី១០ ខែឧសភា ឆ្នាំ២០២១នេះ បានបង្ហាញអត្តសញ្ញាណអ្នកជំងឺកូវីដ-១៩ ចំនួន៩៥នាក់ថ្មីបន្ថែមទៀត ដែលជាករណីឆ្លងក្នុងសហគមន៍ ដែលជាអាជីវករ គ្រួសារ ព្រមទាំងប្រជាពលរដ្ឋ។

ការបង្ហាញអត្តសញ្ញាណនេះ ដើម្បីផ្តល់ជាព័ត៌មានដល់អ្នកដែលពាក់ព័ន្ធផ្ទាល់ ឬប្រយោល ទៅធ្វើតេស្តសុខភាព និងធ្វើចត្តាឡីស័ក។ ជាពិសេសត្រូវអនុវត្តន៍វិធានការសុខាភិបាលផ្សេងៗ ដើម្បីទប់ស្កាត់ការចម្លងជំងឺបន្ត។

រដ្ឋបាលខេត្តព្រះសីហនុ បានអំពាវនាវដល់ប្រជាពលរដ្ឋដែលមានប្រាស្រ័យទាក់ទងជាមួយអ្នកកើតជំងឺកូវីដ-១៩ ប្រញាប់រាយការណ៍ជូនអាជ្ញាធរមូល និងរូសរាន់ទៅយកសំណាកនៅវេទិកា ៧មករា រាល់ម៉ោងធ្វើការ ធ្វើចត្តាឡីស័ក និងតាមដានសុខភាពខ្លួនឯង។ ក្នុងករណីមានភាពមិនប្រក្រតី ត្រូវប្រញាប់ទាក់ទងទៅក្រុមការងារមន្ទីរសុខាភិបាល ឬមន្ទីរពេទ្យបង្អែកខេត្ត តាមលេខ ០១២ ៧៩៤ ៨៩៦ ឬ ០១៦ ៥២៦ ៥២០៕