ពិសេសណាស់! អង់គ្លេសបង្ហាញថា ចាក់មួយដូសនៃវ៉ាក់សាំង AstraZeneca កាត់បន្ថយហានិភ័យស្លាប់ដោយកូវីដដល់ ៨០ ភាគរយ

សុខភាពសាធារណៈអង់គ្លេស (PHE) បាននិយាយកាលពីថ្ងៃចន្ទថា ទិន្នន័យពីការចាក់មួយដូសដំបូង នៃវ៉ាក់សាំង AstraZeneca បង្ហាញនូវលទ្ធផលដ៏អស្ចារ្យ ដោយកាត់បន្ថយហានិភ័យ នៃការស្លាប់ដោយសារជំងឺកូវីដ ១៩ រហូតដល់ទៅ ៨០ ភាគរយ ។

PHE បាននិយាយថា ការសិក្សានេះ គឺជាលើកដំបូង លើការការពារប្រឆាំងនឹងការស្លាប់ ពីការចាក់វ៉ាក់សាំង AstraZeneca ផ្អែកលើទិន្នន័យដែលបានកត់ត្រានៅទូទាំងពិភពលោក ។

ការសិក្សានេះ បានពិនិត្យលើករណីរោគសញ្ញាថ្មីៗនៃជំងឺកូវីដ ១៩ ចន្លោះខែធ្នូ និងមេសា និងទៅលើមនុស្សដែលបានស្លាប់ ក្នុងរយៈពេល ២៨ ថ្ងៃ បន្ទាប់ពីការធ្វើតេស្តវិជ្ជមានជំងឺកូវីដ ១៩ ក្រោយការចាក់វ៉ាក់សាំងហើយ ។

គួរបញ្ជាក់ថា គិតត្រឹមពេលនេះ អង់គ្លេស មានករណីឆ្លងជំងឺកូវីដ ១៩ ជាង ៤ លានករណី និងមានអ្នកស្លាប់ ១២៧,៦០៩ នាក់ ខណៈមានអ្នកជាសះស្បើយ ៤,២៥០,៦៩៩ នាក់ ក្រោយមានការពន្លឿនយុទ្ធនាការចាក់វ៉ាក់សាំង ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ មនុស្សចាស់អាយុលើសពី ៦០ ឆ្នាំចាក់មួយដូសដំបូងរបស់វ៉ាក់សាំង AstraZeneca មានប្រសិទ្ធភាពការពារកូវីដ ដល់ ៨៧ ភាគរយ

ចុចអាន ៖ ចាក់ដូសដំបូងរបស់វ៉ាក់សាំង AstraZeneca និង Pfizer កាត់បន្ថយការចម្លងកូវីដដល់ទៅ ៥០ ភាគរយ