កូវីដ-១៩

ប្រទេស៣នៅចក្រភពអង់គ្លេសលែងមានអ្នកស្លាប់លើកដំបូងដោយកូវីដ-១៩

បានផុស

៤ years មុន

នៅ

ថ្ងៃពុធ ១២ ឧសភា ២០២១

ដោយ

នៅចក្រភពអង់គ្លេសត្រូវបានសេចក្តីរាយការណ៍កាលពីថ្ងៃចន្ទថា មានប្រទេស៣ដែលមិនមានអ្នកស្លាប់ដោយកូវីដ-១៩សោះជាលើកដំបូងដោយសារវិធានការទប់ស្កាត់ និងយុទ្ធនាការណ៍ចាក់វ៉ាក់សាំង។

ប្រទេសអង់គ្លេសមិនមានអ្នកស្លាប់ដោយកូវីដ-១៩ជាលើកដំបូងចាប់តាំងពីខែកក្កដា ដែលស្ថានភាពនេះទទួលបានការស្វាគមន៍ពីអ្នកជំនាញដែលនិយាយថា វាឆ្លុះបញ្ចាំងពីលទ្ធផលនៃការដាក់បំរាម និងយុទ្ធនាការណ៍ចាក់វ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃចន្ទជាពេលវេលាលើកដំបូងគិតចាប់តាំងពីថ្ងៃទី៣០ ខែកក្កដា ឆ្នាំ២០២០មកដែលគ្មានអ្នកស្លាប់ក្នុងរយៈពេល២៨ថ្ងៃចុងក្រោយដែលបានធ្វើតេស្តវិជ្ជមានកូវីដ-១៩នៅប្រទេសអង់គ្លេស បន្ទាប់ពីមានសេចក្តីរាយការណ៍នៃការស្លាប់តែម្នាក់គត់កាលពីថ្ងៃទី៣ ខែឧសភា។

ទន្ទឹមជាមួយគ្នានេះ នៅប្រទេសស្កុតឡេន និងអៀរឡង់ខាងជើងក៏គ្មានអ្នកស្លាប់ដោយកូវីដ-១៩ដែរ។ ទោះបីជាយ៉ាងណា នៅប្រទេសវែលវិញមានករណីស្លាប់៤នាក់។

ក្រុមអ្នកជំនាញបានលើកឡើងពីការប្រុងប្រយ័ត្នថា តួលេខនេះគ្រាន់តែជារង្វាស់នមួយនៃករណីស្លាប់ដោយកូវីដ-១៩ និងសេចក្តីរាយការណ៍យឹត។ ចំនួនអ្នកស្លាប់ថយចុះគឺជាជោគជ័យ។

លោក Rowland Kao សាស្ត្រាចារ្យបច្ចេកវិទ្យានៅសកលវិទ្យាល័យ University of Edinburgh ដែលបានវិភាគនៅផ្នែកអាសន្នបាននិយាយថា ការធ្លាក់ចុះនៃការស្លាប់គឺជាគុណសម្បត្តិនៃការចាក់វ៉ាក់សាំង។

លោកនិយាយថា ៖«តែងតែមានការកត់ត្រានៃការស្លាប់ខ្ពស់នៅក្នុងពាក់កណ្តាលសប្តាហ៍ តែជាទូទៅ នេះគឺជាដំណឹងល្អ និងឆ្លុះបញ្ចាំងពីការពិតដែលការផ្លាស់ប្តូរនៅក្នុងករណីកត់ត្រាបានប្រែប្រួលទៅក្រុមមនុស្សវ័យក្មេង។ មានករណីជាច្រើនទៀតដែលក្នុងមួយឯកតាឥឡូវនេះកើតមានទៅលើមនុស្សវ័យក្មេង និងជំទង់ដែលទំនងជាងាយស្លាប់»។

យ៉ាងណា នៅពេលស្ថានភាពនៅចក្រភពអង់គ្លេសបានកំពុងល្អប្រសើរ ករណីឆ្លង និងស្លាប់ទូទាំងពិភពលោកនៅតែកំពុងកើនឡើង។

ភាគច្រើនបំរាមនៅប្រទេសស្កុតឡេតនឹងបញ្ចប់នៅថ្ងៃទី១៧ ខែឧសភា។ លោកស្រី Nicola Sturgeon នាយករដ្ឋមន្ត្រីស្កុតឡេតបានឲ្យដឹងថា តំបន់ភាគច្រើននៅប្រទេសលោកស្រីនឹងជាប់បំរាមត្រឹមកម្រិតពីរ ប៉ុន្តែតំបន់ Moray នៅជាប់កម្រិត៣ដោយសារថ្មីៗនេះករណីឆ្លងថ្មីកើនឡើង៕

ប្រែសម្រួល៖ វីរបុត្រ
ប្រភព៖ theguardian