កូវីដ-១៩
រកឃើញកម្មករកម្មការិនី២នាក់ ក្នុងចំណោមជាង១០០នាក់ ដែលសម្រុកចេញពីតំបន់ក្រហម វិជ្ជមានកូវីដ-១៩
លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបានមានប្រសាសន៍នៅព្រឹកថ្ងៃទី១២ ខែឧសភានេះថា ក្រុមគ្រូពេទ្យបានរកឃើញកម្មករ កម្មការិនីចំនួន២នាក់ ក្នុងចំណោមអ្នករត់តាក់ស៊ី និងកម្មករកម្មការិនីជាង១០០នាក់ដែលបានសម្រុកចេញពីតំបន់ក្រហមនៅសង្កាត់ចោមចៅ២ ខណ្ឌពោធិ៍សែនជ័យ កាលពីពេលថ្មីៗនេះ។
ក្នុងចំណោមជាង១០០នាក់នោះ ក្នុងនោះមានអ្នករត់តាក់ស៊ីនិងព្រូឡានចំនួន៥៥នាក់ និងកម្មករកម្មការិនីចំនួន៤៩នាក់ ត្រូវបានសមត្ថកិច្ចចាប់បញ្ជូនទៅធ្វើចត្តាឡីស័កនៅមណ្ឌលអនុវិទ្យាល័យគោកបញ្ជាន់ ក្នុងខណ្ឌពោធិសែនជ័យកាលពីរសៀលថ្ងៃទី០៨ ខែឧសភា ឆ្នាំ២០២១បន្ទាប់ពីពួកគេមានបំណងចង់រត់ចេញពីតំបន់ក្រហមតាមរថយន្តឈ្នួលចំនួន៤២គ្រឿង និងផាស្អាប់១គ្រឿង។
លោកបានបន្តទៀតថា បច្ចុប្បន្ននេះកម្មករកម្មការិនីចំនួន២នាក់ ដែលមានវិជ្ជមានកូវីដ១៩នោះ ត្រូវបានបញ្ជូនទៅព្យាបាលរួចរាល់ហើយ។ ចំណែកអ្នកដែលនៅសល់កំពុងបន្តចត្តាឡីស័ក និងយកសំណាករកកូវីដ១៩ជាបន្តបន្ទាប់ទៀត។
លោកបានបន្ថែមថា រហូតមកដល់ពេលនេះ សមត្ថកិច្ចនៅមិនទាន់សម្រេចដាក់ពិន័យ ឬយ៉ាងណានោះទេ ដោយរង់ចាំឲ្យពួកគាត់ធ្វើចត្តាឡីស័កគ្រប់ចំនួន១៤ថ្ងៃសិន។
គួរបញ្ជាក់ថា កាលពីវេលាម៉ោង១២និង៣០នាទីថ្ងៃទី០៨ ខែឧសភា ឆ្នាំ២០២១មានករណីកម្មករកម្មការិនីរស់នៅតំបន់ក្រហមក្នុងសង្កាត់ចោមចៅ២ ខណ្ឌពោធិសែនជ័យ បានទាក់ទងជាមួយរថយន្តឈ្នួលក្នុងគោលបំណងដើម្បីចេញទៅស្រុកកំណើត។ សមត្ថកិច្ចបានធ្វើការឃាត់សួរនាំដោយមានកម្មរកម្មការិនីចំនួន៤៩នាក់ និងធ្វើការឃាត់រថយន្តម៉ាកសាំយ៉ុងចំនួន៤២គ្រឿង និងផាស្អាប់ចំនួន១គ្រឿង និងអ្នកបើកបររួមទាំងព្រូឡានសរុបចំនួន៥៥នាក់។
លោកបានបញ្ជាក់ថា បន្ទាប់ពីបានសួរនាំនៅប៉ុស្តិ៍រដ្ឋបាលចោមចៅ២រួច សមត្ថកិច្ចបានបញ្ជូនអ្នកទាំង១០៤នាក់ទៅធ្វើចត្តាឡីស័កនៅមណ្ឌលចត្តាឡីស័កអនុវិទ្យាល័យគោកញ្ជាន់រយៈពេល១៤ថ្ងៃ៕
អត្ថបទ ៖ សំអឿន
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ