កូវីដ-១៩
ចំណុចសំខាន់ៗគួរដឹងពីវីរុសកូវីដបំប្លែងខ្លួនឥណ្ឌាដែលកំពុងផ្ទុះខ្លាំង និងភ័យខ្លាចទូទាំងពិភពលោក
ប្រទេសឥណ្ឌាកំពុងតែមានការរីករាលដាលនៃមេរោគឆ្លងដ៏ខ្លាំងបំផុតនៅលើពិភពលោក ដោយមន្ទីរពេទ្យនៅទូទាំងប្រទេសគ្មានគ្រែសម្រាប់អ្នកជំងឺនិងកង្វះអុកស៊ីសែន រួមទាំងថ្នាំព្យាបាលជាដើម ។
ករណីនេះអ្នកវិទ្យាសាស្ត្រកំពុងសិក្សាពីមូលហេតុ ដែលនាំឲ្យមានការកើនឡើងនៅវីរុសបំប្លែង ខ្លួន B.1.617 ត្រូវបានរកឃើញដំបូងនៅក្នុងប្រទេសឥណ្ឌានិងមានក្នុងប្រទេសចំនួន ៤៤ ផ្សេងទៀត និងកំពុងធ្វើឲ្យមានការព្រួយបារម្ភជាសកល ។
តើវ៉ារ្យង់អ្វីខ្លះត្រូវបានរកឃើញនៅក្នុងប្រទេសឥណ្ឌា?
លោក Shahid Jameel អ្នកជំនាញភាគល្អិតជាន់ខ្ពស់ឥណ្ឌានិយាយថា វ៉ារ្យង់ B.1.617 មានបម្រែបម្រួលឬវិវត្តសំខាន់ចំនួន២ទៅផ្នែកខាងក្រៅនៃវីរុស ដែលភ្ជាប់នឹងកោសិកាមនុស្ស។
ទន្ទឹមនោះ អង្គការសុខភាពពិភពលោក (WHO) បាននិយាយថា ពូជថ្មី B.1.617 ត្រូវបានគេកំណត់សញ្ញាណជាលើកដំបូងក្នុងប្រទេសឥណ្ឌាកាលពីខែ ធ្នូ ទោះបីជាមានឯកសារមុនៗត្រូវបានគេរកឃើញនៅខែ តុលា ឆ្នាំ ២០២០ ក៏ដោយ ។ បន្ថែមពីនេះកាលពីថ្ងៃ ចន្ទ WHO បានចាត់ថ្នាក់វាថាជា “មេរោគគួរឲ្យព្រួយបារម្ភ” រួមជាមួយវ៉ារ្យង់ផ្សេងទៀតដូចជាវ៉ារ្យង់អង់គ្លេស ប្រេស៊ីល និងអាហ្វ្រិកខាងត្បូង ។
តើវ៉ារ្យង់ថ្មីនេះជំរុញឲ្យមានការកើនឡើងនូវករណីឆ្លងវីរុសបំប្លែងខ្លួនឥណ្ឌាដែរឬទេ?
យោងតាម WHO និយាយថា ការសិក្សាដោយផ្អែកលើមន្ទីរពិសោធន៍នៃទំហំគំរូ បានបង្ហាញពីវ៉ារ្យង់ B.117 ដែលអាចចម្លងបានយ៉ាងឆាប់រហ័ស នេះនិងត្រូវបានរកឃើញដំបូងនៅចក្រភពអង់គ្លេស គឺពិតជាស្ថិតនៅពីក្រោយការកើនឡើងករណីឆ្លងនៅផ្នែកខ្លះនៃប្រទេសឥណ្ឌាប្រាកដមែន ។
បើយោងតាមលោក Sujeet Kumar Singh ប្រធានមជ្ឈមណ្ឌលជាតិគ្រប់គ្រងជំងឺឆ្លងនិយាយថា នៅទីក្រុង New Delhi ប្រទេសឥណ្ឌា ករណីឆ្លងដែលពាក់ព័ន្ធនឹងវ៉ារ្យង់ដែលរកឃើញនៅក្នុងចក្រភពអង់គ្លេស កើនឡើងទ្វេដងក្នុងឆមាស ទី ២ នៃខែមីនា ។
ចំណែកលោក Chris Murray មកពីសាកលវិទ្យាល័យវ៉ាស៊ីនតោន បាននិយាយថា ទំហំដ៏ធំនៃការឆ្លងនៅឥណ្ឌាក្នុងរយៈ ពេលខ្លីបង្ហាញថា “ការបម្លាស់ទីរបស់វ៉ារ្យង់នេះ” អាចនឹងមានឥទ្ធិពលលើភាពស៊ាំពីមុនពីការឆ្លងដោយធម្មជាតិក្នុងចំណោមប្រជាជនទាំងនោះ ហើយករណីទាំងនេះទំនងជាហេតុធ្វើឲ្យលេចចេញនូវពូជ B.1.617 នេះមក ។ ទោះយ៉ាងណា លោកគិតថាវានៅតែជាភាពស្រពិចស្រពិល ដោយសារមានវីរុសបំប្លែងខ្លួនជាច្រើនក៏ចូលមកឥណ្ឌាផងដែរដូចជា ចក្រភពអង់គ្លេស និងអាហ្វ្រិកខាងត្បូងជាដើម ។
តើវ៉ាក់សាំងពិតជាអាចបញ្ឈប់វាមែនដែរឬទេ?
ទីប្រឹក្សាផ្នែកវេជ្ជសាស្ត្រនៃសេតវិមានលោក Anthony Fauci បាននិយាយថា ភស្តុតាងបឋមពីការសិក្សានៅមន្ទីរពិសោធន៍បានបង្ហាញថា វ៉ាក់សាំង Covaxin ជាវ៉ាក់សាំងដែលត្រូវបានបង្កើតឡើងនៅក្នុងប្រទេសឥណ្ឌា ហាក់ដូចជាមានសមត្ថភាពកម្ចាត់ភាពប្រែប្រួលនៃវ៉ារ្យង់ថ្មីនេះ ។
ស្របពេលជាមួយគ្នានេះ សុខភាពសាធារណៈអង់គ្លេស (PHE) បាននិយាយថា ខ្លួនកំពុងធ្វើការជាមួយដៃគូអន្តរជាតិ ប៉ុន្តែបច្ចុប្បន្នមិនមានភស្តុតាងបង្ហាញថា វ៉ារ្យង់របស់ឥណ្ឌានិងវ៉ារ្យង់ពាក់ព័ន្ធ ២ផ្សេងទៀតបង្កឲ្យមានជំងឺធ្ងន់ធ្ងរ ឬវ៉ាក់សាំងបច្ចុប្បន្នមិនមានប្រសិទ្ធភាពលើវ៉ារ្យង់នេះឬក៏យ៉ាងណានោះទេ ៕
ប្រែសម្រួល៖ សាង ស្រីល័ក្ខ
ប្រភព៖aljazeera
ចុចអាន៖ក្រុមហ៊ុន Pfizer ស្វែងរកការយល់ព្រមជាបន្ទាន់សម្រាប់វ៉ាក់សាំងកូវីដ នៅក្នុងប្រទេសឥណ្ឌា
រដ្ឋមន្ត្រីឧស្សាហកម្ម ប្រកាសដាក់ឱ្យអនុវត្តផែនការយុទ្ធសាស្រ្តគោល ៧ ធំៗ សំដៅជំរុញការអភិវឌ្ឍសេដ្ឋកិច្ច
ក្រុមហ៊ុនឯកជនពីរសហការគ្នាក្នុងផ្តល់គម្រោងហិរញ្ញប្បទានសាជីវកម្មនៅកម្ពុជា
ជប៉ុន ចង់បង្កើតសាលារៀននៅភ្នំពេញ ដើម្បីគាំទ្រវិស័យអប់រំ និងផ្តល់ឱកាសការងារដល់យុវជនកម្ពុជា
រដ្ឋាភិបាលកូរ៉េ គ្រោងនឹងសង់អគារមន្ទីរពេទ្យថ្មីទំនើបកម្ពស់ ៥ ជាន់ តម្លៃ ១៦ លានដុល្លារ នៅចុងឆ្នាំ ២០២៥ នេះ
ធ្វើអាជ្ញាកណ្ដាលផង បង្ហាត់គេទៀត លោក ឃឹម សុជាតិ រកចំណូលបានប៉ុន្មានក្នុងមួយខែ…
-
ព័ត៌មានអន្ដរជាតិ៥ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១៨ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១៧ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍១ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល