កូវីដ-១៩

ស្រុកអង្គស្នួល មានអ្នកឆ្លងជំងឺកូវីដ១៩ ច្រើនជាងគេរហូតដល់ជាង ៩០០នាក់

បានផុស

៤ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

លោក គង់ សោភ័ណ្ឌ អភិបាលខេត្តកណ្ដាលបានឲ្យដឹងថា ស្រុកអង្គស្នួលជាស្រុកមួយ ដែលមានអ្នកជំងឺកូវីដ១៩ កំពុងសម្រាកព្យាបាលជំងឺកូវីដ១៩ច្រើនជាងគេ គឺមានចំនួន៩២៦នាក់ក្នុងចំណោមអ្នកជំងឺសរុបចំនួន១១៧៨នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងចូលរួមក្នុងកិច្ចប្រជុំគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ កាលពីរសៀលថ្ងៃទី១២ឧសភា លោក គង់ សោភ័ណ្ឌ បានបន្តថា ស្រុកដែលមានអ្នកជំងឺកូវីដ១៩ច្រើនបន្ទាប់ គឺនៅមណ្ឌលឈូងលៀប ក្នុងស្រុកស្អាង ចំនួន១១៥នាក់ ស្រុកកៀន ស្វាយចំនួន ៤២នាក់ស្រុកមុខកំពូល ចំនួន៣៧នាក់, ស្រុកខ្សាច់កណ្ដាល ចំនួន២១នាក់ (លាប់ ០៣នាក់), ស្រុកពញាឮ ចំនួន៣៧នាក់។ ខេត្តកណ្តាលមានអ្នកពាក់ព័ន្ធផ្ទាល់និងប្រយោលទៅនឹងព្រឹត្តិការណ៍សហគមន៍២០កុម្ភៈចំនួនជិត៤ម៉ឺននាក់ ក្នុងនោះមានអ្នកវិជ្ជមានកូវីដ១៩ ជាង១ពាន់នាក់មានអ្នកជាសះស្បើយជាង៦០០នាក់ អ្នកស្លាប់បាត់ជីវិតចំនួន៥នាក់។ អ្នកកំពុងធ្វើចត្តាឡីស័ក នៅតាមមណ្ឌលមានជាង១៤០០នាក់ និងកំពុងធ្វើចត្តាឡីស័កនៅតាមផ្ទះចំនួនជាង១៨០០នាក់។