កូវីដ-១៩
ទើបត្រឡប់មកពីប្រទេសថៃ អាជ្ញាធរយកទៅធ្វើចត្តាឡីស័ក បែរជាលួចរត់គេចខ្លួន
យុវជនម្នាក់ ទើបត្រឡប់មកពីប្រទេសថៃវិញកាលពីថ្មីៗ ហើយត្រូវបានអាជ្ញាធរក្រុងប៉ោយប៉ែត បាននាំយកទៅធ្វើចត្តាឡីស័កនិមិត្ត ប៉ុន្តែយុវជនរូបនេះ បានលួចរត់ចេញពីមណ្ឌល នៅវេលារសៀលថ្ងៃដដែល ហើយពេលនេះអាជ្ញាធរកំពុងតែស្រាវជ្រាវស្វែងរកយុវជនរូបនេះ យកមកធ្វើចត្តាឡីស័កវិញ។
បើតាមអាជ្ញាធរខេត្តបន្ទាយមានជ័យ យុវជនរូបនោះ មានឈ្មោះ អៀង ម៉ាញ អាយុ១៩ ឆ្នាំ មានទីលំនៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ទើបវិលត្រឡប់មកពីខេត្តស្រះកែវ ប្រទេសថៃ នៅវេលាម៉ោងប្រមាណ ១១កន្លះព្រឹក ថ្ងៃទី១៦ ខែឧសភា ឆ្នាំ២០២១ ហើយបានរត់គេចខ្លួនចេញពីមណ្ឌលចត្តាឡីស័ក និមិត្ត ក្នុងក្រុងប៉ោយប៉ែត នៅម៉ោងប្រមាណ២ កន្លះរសៀលថ្ងៃដដែល។
មកដល់ពេលនេះ អាជ្ញាធរមានសមត្ថកិច្ច ក្រុងប៉ោយប៉ែត បានប្រកាសអំពាវនាវដល់កងកម្លាំងសមត្ថកិច្ចពាក់ព័ន្ធទាំងអស់ ជាពិសេសប្រជាពលរដ្ឋបានស្គាល់ ឬបាន ឃើញយុវជនម្នាក់ សូមជួយរាយការណ៍មកសមត្ថកិច្ចជាបន្ទាន់។
យោងតាមច្បាប់ និងអនុក្រឹត្យ ស្តីពីការទប់ស្កាត់ការរីករាលដាល នៃជំងឺកូវីដ-១៩ បានបញ្ជាក់ថា បទគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័ក ក្នុងអំឡុងពេលធ្វើចត្តាឡីស័ក ត្រូវផ្តន្ទាទោសជាពិន័យ អន្តរការណ៍ពី១ លានរៀល ទៅ៥ លានរៀល (បើមិនបានបណ្តាលឲ្យមានការចម្លងជំងឺកូវីដ-១៩ ដល់អ្នកដ៏ទៃ) ។ ចំណែក បទគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័ក ក្នុងអំឡុងពេលធ្វើចត្តាឡីស័ក ត្រូវផ្តន្ទាទោសដាក់ ពន្ធនាគារពី៦ ខែ ទៅ៣ ឆ្នាំ និងពិន័យជាប្រាក់ពី២ លានរៀល ទៅ១០ លានរៀល (បើបានបណ្ដាលឱ្យមានការចម្លងជំងឺកូវីដ-១៩ ដល់អ្នកដទៃ)។
បទគេចវេះពីការតម្រូវឱ្យទទួលការព្យាបាល ឬគេចចេញពីទីកន្លែងព្យាបាល ត្រូវផ្តន្ទាទោសដាក់ពន្ធនាគារពី១ ឆ្នាំ ទៅ ៥ ឆ្នាំ និងពិន័យជាប្រាក់ពី៥ លានរៀល ទៅ២០ លានរៀល។ ចំណែក បទគេចវេះពីការតម្រូវឱ្យទទួលការព្យាបាល ឬគេចចេញពីទីកន្លែងព្យាបាល ត្រូវផ្តន្ទាទោសដាក់ពន្ធនាគារពី៥ ឆ្នាំ ទៅ១០ ឆ្នាំ (បើបានបណ្តាលឱ្យមានការចម្លងជំងឺកូវីដ-១៩ ដល់អ្នកដទៃ)។ បទចម្លងដោយចេតនានូវជំងឺកូវីដ-១៩ ដល់អ្នកដទៃ ត្រូវផ្តន្ទាទោសដាក់ពន្ធនាគារពី៥ ឆ្នាំ ទៅ១០ ឆ្នាំ។ បទចម្លងដោយចេតនានូវជំងឺកូវីដ-១៩ ដល់អ្នកដទៃ ត្រូវផ្តន្ទាទោសដាក់ពន្ធនាគារពី១០ ឆ្នាំ ទៅ២០ ឆ្នាំ (បើបានធ្វើឡើង ដោយមានការរៀបចំជាក្រុម ឬអង្គការចាត់តាំង)៕
អត្ថបទ៖ កោះកែវ
សូមចុចអាន៖
ថ្ងៃនេះក្រុមលីគកំពូលកម្ពុជា២គូជួបគ្នាវគ្គ១៦ក្រុមជើងទី១ ពានសម្តេចតេជោ
សមាគមបណ្ណាល័យគំនិតរៀបចំពិព័រណ៌សៀវភៅលើកទី១ នៅរាជធានីភ្នំពេញចុងសប្ដាហ៍នេះ
ក្រុមប្រឹក្សាធុរកិច្ចស្ត្រីហ្វីលីពីន ចាប់អារម្មណ៍វិនិយោគលើវិស័យសក្ដានុពលនៅកម្ពុជា
ក្រសួងការងារបញ្ជាឱ្យក្រុមហ៊ុន៥ចូលខ្លួនមកដោះស្រាយវិវាទការងារឱ្យបានមុនថ្ងៃទី១៤ កុម្ភៈ
ត្រឹមជាង១ឆ្នាំ កីឡាករគុនខ្មែរ៩រូបឈ្នះរង្វាន់រថយន្តថ្មី
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ