តំណាងរាស្រ្តឥណ្ឌា អះអាងថា ដោយសារផឹកទឹកនោមគោរាល់ថ្ងៃ ទើបខ្លួនមិនឆ្លងកូវីដ

សមាជិកសភាឥណ្ឌាម្នាក់បានបង្កឲ្យមានការខឹងសម្បាយ៉ាងខ្លាំង បន្ទាប់ពីនាងអះអាងថា នាងត្រូវបានការពារពីវីរុសកូវីដ-១៩ ដោយសារតែនាង ផឹកទឹកនោមគោជារៀងរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Pragya Thakur តំណាងរាស្រ្តមកពីគណបក្ស Bharatiya Janata (BJP) ដែលកំពុងកាន់អំណាចរបស់លោក Narendra Modi ក៏បានអះអាងផងដែរថា ទឹកនោម អាចព្យាបាលការឆ្លងមេរោគសួតដែលបណ្តាលមកពីវីរុសនេះ។

ការអត្ថាធិប្បាយដ៏ចម្រូងចម្រាស់របស់នាង បានកើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីក្រុមគ្រូពេទ្យឥណ្ឌា បានជំរុញឲ្យប្រជាជនកុំប៉ាតខ្លួនជាមួយលាមក និងទឹកនោមគោដើម្បីជាការព្យាបាលជំងឺកូវីដ-១៩ ផ្ទុយទៅវិញ វាមានហានិភ័យធ្វើឲ្យការឆ្លងរាលដាលកាន់តែលឿន។

លោកស្រី បានធ្វើការអះអាងបែបនេះ ក្នុងពិធីជប់លៀងមួយកាលពីថ្ងៃចន្ទ ស្របពេលដែលប្រទេសឥណ្ឌាកំពុងជួបប្រទះរលកទីពីរ និងចំនួនអ្នកស្លាប់ប្រចាំថ្ងៃប្រហែល៤,០០០នាក់។

ស្របពេលជាមួយគ្នានេះ ឥស្សរជននយោបាយនានាបានលើកឡើងថា ការអះអាងមិនច្បាស់លាស់របស់នាង នឹងបំបាក់ទឹកចិត្តប្រជាជនពីការចាក់វ៉ាក់សាំង និងបង្កឲ្យមានការបំផ្លិចបំផ្លាញបន្ថែមទៀត។

អ្នកកាន់សាសនាហិណ្ឌូនៅរដ្ឋភាគខាងលិច Gujarat បានទៅក្រោលគោ ម្តងក្នុងមួយសប្តាហ៍ដើម្បីប៉ាតលាមក និងទឹកនោមគោ។

ពួកគេជឿថា លាមកគោ ដែលជាសត្វបរិសុទ្ធរបស់សាសនាហិណ្ឌូ នឹងជួយបង្កើនប្រព័ន្ធភាពស៊ាំរបស់ពួកគេ, ជួយការពារនិងព្យាបាលជំងឺកូវីដ-១៩៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ប្រជាជនឥណ្ឌា ផ្អើលយកលាមកនិងទឹកនោមគោ ប៉ាតខ្លួនដោយជឿថា​ អាចបង្កើនភាពស៊ាំនិងព្យាបាលកូវីដ