កូវីដ-១៩

តំបន់ក្រហមស្ទឹងមានជ័យនឹងត្រូវប្រែពណ៌នៅប៉ុន្មានថ្ងៃខាងមុខ

បានផុស

៤ years មុន

នៅ

ថ្ងៃអង្គារ ១៨ ឧសភា ២០២១

ដោយ

ភ្នំពេញ ៖ លោក នួន ផារ័ត្ន អភិបាលរងរាជធានីភ្នំពេញ បានលើកឡើងនៅថ្ងៃទី១៨ ខែឧសភា ឆ្នាំ២០២១នេះថា នៅប៉ុន្មានថ្ងៃខាងមុខទៀតនេះ តំបន់ក្រហមដែលស្ថិតនៅក្នុងសង្កាត់មានជ័យ ខណ្ឌមានជ័យ រាជធានីភ្នំពេញ នឹងត្រូវប្រែពណ៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈ បណ្ដាញសង្គមរបស់លោកបានសរសេរថា ចំណាយពេលប៉ុន្មានថ្ងៃនេះ ប្រឹងប្រែងជំរុញបងប្អូនតាមបន្ទប់ជួលនៅក្នុងតំបន់ក្រហមយកសំណាកឲ្យអស់ ទើបយើងអាចសម្អាតទីតាំងនេះបានជាស្ថាពរ ។

លោកបានសង្កេតឃើញថា បងប្អូនដែលបច្ចុប្បន្នកំពុងមានវត្តមាននៅតំបន់ក្រហមក្នុងមូលដ្ឋានខណ្ឌមានជ័យ បានយកសំណាកលើកទីពីរ សឹងតែគ្រប់ៗគ្នាហើយ ហើយអ្នកដែលផ្ទុកមេរោគកូវីដ-១៩ វិជ្ជមាន ក៏ត្រូវបានបញ្ជូនទៅមន្ទីរពេទ្យរួចរាល់ដែរ ដូច្នេះតំបន់ក្រហមរបស់ខណ្ឌមានជ័យនឹងឈានទៅរកការប្រែពណ៌ នៅពេលប៉ុន្មានថ្ងៃខាងមុខនេះ ។

នៅក្នុងការចូលក្នុងតំបន់ក្រហមនេះ តម្រូវឲ្យមានការប្រុងប្រយ័ត្នខ្ពស់ សូម្បីតែសំលៀកបំពាក់គឺ ចូលម្តងត្រូវផ្លាស់ប្តូរចេញម្តង។ សូមរួមគ្នាប្រយុទ្ធប្រឆាំងនឹងជំងឺកូវីដ-១៩ ទាំងអស់គ្នា៕

កែសម្រួលដោយ ៖ នាគព័ន្ធ