តម្រុយថ្មី! វ៉ាក់សាំងប្រើបច្ចេកវិទ្យាសរសៃប្រូតេអុីនវីរុសជាសញ្ញាបញ្ចប់ជំងឺរាតត្បាត

វេជ្ជបណ្ឌិត Robert Redfield អតីតនាយកមជ្ឈមណ្ឌលបង្ការនិងគ្រប់គ្រងជំងឺឆ្លងអាមេរិក (CDC) បានព្យាករណ៍ថា ការផលិតវ៉ាក់សាំងការពារកូវីដ-១៩ ដែលមានមូលដ្ឋានប្រើសរសៃប្រូតេអ៊ីនរបស់វីរុស (spike protein) គឺជាតម្រុយដ៏មានប្រយោជន៍សម្រាប់បញ្ឈប់ជំងឺរាតត្បាតក្នុងពេលឆាប់ៗខាងមុខ។

បច្ចេកវិទ្យាផលិតវ៉ាក់សាំង Novavax ដែលកំពុងអភិវឌ្ឍនៅសហរដ្ឋអាមេរិក និងវ៉ាក់សាំងដទៃទៀតដែលប្រើសរសៃប្រូតេអ៊ីនដាច់ដោយឡែកបានមកពីភាគល្អិតនៃមេរោគ មានប្រសិទ្ធភាពឆ្លើយតបទៅនឹងប្រព័ន្ធភាពស៊ាំរបស់រាងកាយបានខ្ពស់។ នេះបើតាមសម្ដីលោកវេជ្ជបណ្ឌិត Robert Redfield។

វេជ្ជបណ្ឌិត Robert Redfield បាននិយាយនៅក្នុងបទសម្ភាសន៍មួយឈ្មោះ “Doctor Radio Reports” នៅសប្ដាហ៍នេះថា “ ទីបំផុតយើងបានអនុម័តបច្ចេកវិទ្យាសរសៃប្រូតេអ៊ីន។ ខ្ញុំគិតថា បច្ចេកវិទ្យានេះនឹងក្លាយជាបច្ចេកវិទ្យាដ៏សំខាន់សម្រាប់ពិភពលោក ដើម្បីបញ្ចប់ការឆ្លងរាលដាល។ ”

អតីតនាយក CDC រូបនេះបន្តថា វ៉ាក់សាំងប្រើបច្ចេកវិទ្យាសរសៃប្រូតេអ៊ីនមានតម្លៃថោក មិនតម្រូវការទូទឹកកកខ្ពស់ទេ ហើយងាយស្រួលប្រើសម្រាប់ប្រជាជនជាតិសាសន៍ផ្សេងគ្នា ដោយសារការឆ្លើយតបនៃប្រព័ន្ធភាពស៊ាំស្ថិតនៅក្នុងកម្រិតរួមមួយ។ លោកជឿជាក់ថា ពិភពលោកនឹងលេចចេញនូវវ៉ាក់សាំងបច្ចេកវិទ្យាសរសៃប្រូតេអ៊ីនក្នុងរយៈពេល ២៤ ខែខាងមុខនេះ។ ហើយបច្ចេកវិទ្យានេះពិតជាមានសមត្ថភាពខ្លាំងក្នុងការការពារការស្លាប់និងការចូលសម្រាកនៅមន្ទីរពេទ្យរបស់អ្នកជំងឺកូវីដ-១៩៕

ប្រែសម្រួល៖ សន្យា

ប្រភព៖ CNN

ចុចអាន៖ ស្រាយចម្ងល់! អ្នកជំនាញកោសល្យវិច័យ ប្រាប់រយៈពេល ងាប់វីរុស កូវីដ នៅក្នុងខ្លួនអ្នកជំងឺដែលស្លាប់ ក្រោយវាយលុកសួតធ្ងន់ធ្ងរ

ចុចអាន៖ អាមេរិកព្រមាន កុំពឹងផ្អែកលើតេស្តអង់ទីគ័រដើម្បីកំណត់ភាពស៊ាំប្រឆាំងនឹងកូវីដ-១៩